قصيدة للشاعر/ عوض الشيباني في وصف بعض مزايا قبيلة عتيبه
منقولة لعلها تحوز على رضاكم.
http://montada.mergab.com/showthread.php?p=783598
من الرياض اليا نفود السر بمزايـن عتابـه=جيت اشارك لابتي بالحفل نخوه مـع حميـه
في مزاينهم حضرت ومالجـا بالفكـر جابـه=يوم شفت الجمع ضاقتبه وسـاع الجرهديـه
شاش راسي والحبر روض على طرس الكتابه=استعـدي وارضخيلـي يالحـروف الابجديـه
في مدح من طيبهم بين العرب كـل حكابـه=مجدهـم ماتاسعـه كـل البنـوك العالميـه
شيدو صرحاً يشوق العيـن بفعـول الذرابـه=واعزمو فيه الشيوخ اهل الوفـا والمقدريـه
دايم من ضافهـم محشـوم ومقـدر جنابـه=واجبه كبشاً وطيـب العـود بعـد الشاذليـه
لابتـن بالطيـب ترقـا حيهـا والله لابــه=بالفخر والجود تعـرف بالفعـول الصيرميـه
روق مع برقا كما سيفاً مجـرد مـن جرابـه=في يد اغلامٍ شجيع وقلبـه اعزومـه قويـه
كلهم عينين في راسن شعـار الفخـر كابـه=بالشمـوخ اعدهـم بالمملكـه والفيصلـيـه
محزمي وان كان ميـل الدهركشرلـي بنابـه=لجلهم نفسي تقدم في رضـى الهيـلا هديـه
هم هل الماقف ليامن العـرب قامـت تهابـه=ياردون الموت لو دونه ضحاضيـح المنيـه
صيتهم حد السماء من فوق عالية السحابـه=وبالسلوم الهم معرفه والخوي يفـدي خويـه
وجراهم مايعرف الظيـم ولـك الله مادرابـه=شي معروفاً علـى مـر العصـور الجاهليـه
والدخيل مكرماً محسوب مـن عـد القرابـه=مايضام وعايشاً مـن بينهـم عيشـه هنيـه
وهم هل البل والفعول اللي على العليا تشابـه=كلها ورث الجـدود مـن العصـور الاوليـه
احتموها في زمان كـان ابـه حـد الحرابـه=يرخصون ارواحهم من دونها والشمس حيـه
والربيع ليا ذكـر مرباعهـا محـدن رعابـه=سابقه للقفر بعـزوم الرجـال اهـل الحميـه
بلا قصوراً بالقبايل والفخـر مفتـوح بابـه=كل فجاً فيـه عاصوفـاً مـع اريـاحٍ عتيـه
تحت حكم اللي حكم بالسيف وموثـق كتابـه=ابو متعب نسل من خـلا الجزيـره حنبليـه
يالله انك تنصره في ساعـةٍ فيهـا الاجابـه=حاكماً قـاد المسيـره متبـع سيـرة نبيـه
وسلامتكم
« آخـــر الـــمـــشـــاركــــات »
05-Nov-2007, 11:14 AM
الشاعر الكبير/ عوض بن سحمان الشيباني في مزاين الهيلا
العرض العادي
