 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
13-Oct-2007, 08:38 AM
|
رقم المشاركة : 1 | |||||
|
معركة المبرنس و البتيل
مناخ المبرنس والبتيل...تقريبا سنة 1917م
وهي تعتبر الملحمه الكبرى والاخيره قبل توحيد المملكه الا وهي ملحمة المبرنس التي االتحمت فيها الصفوف وتواجه الابطال وتبداء حكاية هذه الملحمه القضاء على قوةال مره في الجنوب الشرقي وهي من يبرين والعقير والأحساء والبريمي وقطر وصحراء الجافوره والربع الخالي والظفره فاوعز قيادة جيوشه إلى مبارك بن نايفه الهاجري لمهاجمة ال مره وكان جيشه متكون من القبائل الخاضعه لعبد العزيز وقد شاركت كل قخوذ بني هاجر مع هذا الجيش بالاضافه الى ست قبائل اخرى لن اذكرها الان . وكان عبدالعزيز قد وعدهم بأبل ال مره وذالك لان آل مره يملكون افضل سلالات الابل المجاهيم في جزيرة العرب. وما أن سمع الامير لاهوم بن شريم بالنباء حتى حشد جيوش ال مره وتوجه بهم الى موقع يسمى ( المبرنس) وهو موقع يقع في المنطقه الشرقيه بالقرب من هجرة ثاج واناخوا في ذلك المكان واسرج الفرسان خيولهم وكان هذه بمثابة تحدي لجيوش الملك عبدالعزيز رحمه الله. فالتحمت الجيوش في ذالك المكان واستمر القتال ثلاثة أيام وكانت النتيجة انتصار آل مره على الجيوش التي أرادت قتالهم وأخذ حلالهم وإخضاعهم في ذلك الوقت لحكم الملك عبدالعزيز ابن سعود وحدثت في هذه المعركه مجزرة عظيمه فرحم الله قتلا الطرفين واسكنهم فسيح جناته وقد قيلت في هذه الملحمه قصائد كثيره ومنها:- قصيدة راشد ابو صيبعه آل حنيتم... علية رحمة الله انا هاض مابي قنـوف تلاقـت بين المبرنس والبتيـل شتعالهـا حقوق مطرها وبلها سـم هالـك وسقينا الهواجر يوم كدرت حثالها والبير الى عادت هيـام تقضبـت مايرقع المايح الـى رش جالهـا اما النهـار الاول فنعـم برجلنـا ماردهـا بارودهـا واعتكالـهـا اما النهار العـود فنعـم بخيلنـا ما منهم اللي قابض فـي حبالهـا سرنا عليهم حين ما ردوا البـرى حتمة النفـوس قاربـات آجالهـا لعينا محمد ذبحنـا ابـن سنبـل وراحت به الضبعة تعشي عيالهـا ذبحنا مبارك غدة الجوع والضماء عنت له القدره وهو ما عنا لهـا وكلـه لعيـن بيضـاء عفيـفـه اللي نهار الهوش تنخـا رجالهـا ولا لعين كـل ملحـا مشرهبـه اللـي النوخهـا ونثنـي عقالهـا عيد العرب لا ضحى وحنا عيدنا ليلـة لقياهـا وسـوا حبالـهـا هذه قصيدة سعيد بن راشد آل حوير آل حنيتم في المبرنس وفي اخيه محمد راعي بيرق آل بحيح جاونا معارفنا طنايـا علـى ابلنـا نـاس تمالـت والله ردّا نصيبهـا عيا عليها الله وضـرب المخلـص واجوادنا اللي ما تخـاون قريبهـا كلـه لعينـا ابلنـا يـوم عقـلـت انعقل دواربها ونرصـغ صعيبهـا كلـه لعينـا كـل بيضـا عفيفـه اللي تصيح وتنخي من يعتزي بهـا حوّل عليهم مـن جنـوب مخيلـه براقها مصقـول والـدم صبيبهـا تبرق بمصقول وترعد بمقرطـس وتحول على جمع اخصمانا بصبيبها يستاهل البيضـا ضميـدي محمـد بيضا تقطـرف كـل دار تجيبهـا اللي خـذ البيـرق وسبـل عليهـم نعطي البيارق حقها الى امشي بهـا وهذه قصيدة سالم الحايف آل حسناء علية رحمة الله: راكب اللي تنهد الكـور وتشلـه دارب ما فوقها كـون هولانـي إن لفيت خميـس بألخبـر قلـه والبشير يطرشه صوب ضيداني خبره باللي جرى عقبهـم كلـه وامدح اللي يجعل الروح نيشاني والهواجر جمعهم ما نوى الذلـه لين شافوا صادق الموت عزراني والكدادي يوم عرض على خلـه سامح منه كما الذيـخ رزحانـي جمعنا بجموعهـم جنـب الحلـه في نحانا طايـح كـل ديقانـي جاونا بسبيع ومطيـر باالسلـه من كتب له قدرة جالهـا عانـي العوازم جـاو لاجاتهـم لاهلـه كل هتل موقفه يتبـع الضأنـي يوم ذيب مصلخ جـاه رزق لـه والسلف رده على ذيب كنزانـي من نزل بالحبل ذبحه على حلـه والسلف رده على ذيب كنزانـي وهذه قصيده شويرب المجاحيد آل عذبه علية رحمة الله:.... ياركـب حـر بـدا راس نابـه مافوقه كون الميركـه والشـدادي منصاه مطروش يجـر المه ابـهاللي فضا العسكر بليلة هجـادي والله يالـولا سيتـه وانقـلابـه ان حن هل العيلات واهل المعابي والهاجري شبشب علينا الحرابـه والله جعل حربه لجنـده نفـادي حرب مقرود اللـي سعـى بـه الاول جاهـم وتاليـه عــادي تناهقت معهـم حميـر الشعابـه وعلـوى جـاك منهـم جـرادي والكل منهم جاك ينقـل زهابـه يبغون خلفـات عليهـا العتـادي مطاولتنا من عصور الصحابـه ونعطي لبنها للي له الوقت حادي من بغى ربعـي خذينـا ركابـه نقرش عليها من حلال البـوادي فأول شببنا الفقم ربي حـدا بـه وجمع العوازم حل فيه الحصادي سرنـا عليهـم سيـرة طلابـه ضمينها حرص وجاء في البلادي كم سابق خذنـا رسنهـا نهابـه وكم خير يجعل بردنـه اقنـادي وكم جودل لهم طلع فـي حـداده عقب الطرب تلبس ثياب الحدادي وكم جودل منا درع فـي ثيابـه من وقع اهلهم يلبسـون الجـدادي من عقب ذا كـل يهمـل ركابـه في الحبل خلوهـا بليـا قيـادي لو ابن طعزه صدق فـي جوابـه ماكان دسنـا للمشـورة حمـادي واول شببنا مبارك ربي حدى به غدى عشاء لسباعهـا والحنـادي حول به اللي مكن بـه صوابـه رمى بجفه في نحـور العـوادي بقديمـي مـارده الا نصـابـه حشن الضلوع اللي تحمي الثنادي كم كاعـب عليـه شقـق ثيابـه لبست سمل من عقب لبس الجدادي وصياحها تاتي به جابه وجابـه البيت مطوي والجهامـه تقـادي كم فارس عنده قصرنـا شبابـه وحريمته لبست ثيـاب الحـدادي اللابـة اللـي العـدوا ماتهابـه بياعة لنفوسنـا فـي الطـرادي لعيون مجمـول حسيـن جوابـه ولعيون خلفات عليهـا العتـادي وهذه قصيده شافي بن محوال آل فهيده... علية رحمة الله جاو العوازم والهواجر من قُطـر وسبيع ومطيـر يبغـون الجهـام لجـو علينـا كلهـم لجـة جعـر وكل علينا مـن عداوتـه ستقـام قمنا لهم من دون حسكات الوبـر دون ابلنا نكسر صليبات العظـام مخيلـة هلـت سحايبهـا المطـر وين انت منها يوم هلت يالخمـام يدفق بها سيل مـن الـدم الحمـر والصوات حمران النواظر والكتام الهاجري يخنـق وعيـا يستقـر بالحكي والا الفعل ما عنده زحـام يحرم عليكم منزل الروض الخضر ماتنزلـون الا بديـران الوخـام حنـا تذيلنـا مواسيكـم كـسـر الين باقيكـم زبـن ولـد اليمـام وهذه القصيدة لرفع المعنويات وحثهم على القتال وهي للشاعر عامرابن طفله آل فهيده علية رحمة الله: راكب اللي مشيها زرفـال صوب بن شافي برد علـوم خبره فـن جمعنـا العيَـال يجعل الجمع الكبيـر اثلـوم حن هل العادات وهل الأنفال مارضينـا بالهظـايـم دوم بيرق يمشي بقصف آجـال والمحـرج للعمـار يسـوم مانربـي الخيـل والجهـال كون نبغيهـم لمثـل اليـوم بشرو ذيـب لحقـه الحـال العشا من ضربنا المسمـوم وهذه قصيدة فهيد ابورقبه من آل جابر ياركب من عندنا فـوق مقـران مورد الذرعـان والشـد فوقـه ينصا الامام اللي ولا كل لوطان شيخ البوادي والقرايـا تروقـه شيخ البوادي والقرايا والاضعان وشيخ الغروس اللي تعدل عذوقه الله من يوم جرا حـول رغـوان وابله القريزي والهنادي بروقـه شعفه مخابيـط وحنـان رنـان حدر على جمع الهواجر حقوقـه نرعى من السوده الى باب نجران والهاجري في السيف حره ودوقه الهاجري يتبع قصيره ويصطان لو هو كريـم وطيبـة اعموقـه وهذه قصيده مسلم بن ريحان عليه رحمة الله يالله ياوالي على كـل والـي ياكاتب للعبد رزقـه وآجالـه دافوا لنا جمع تواخذ الاهالـي من طق منهم ذاك ينهب حلاله ودفنا لهم جمع ضرير مصالي وتمت على جد عزاوي عياله لاكن بارود الكفر له اشعالـي ماردنا من ذب راس القلالـه باعوا عليهم رامسين العيالـي غدى بلاهم من عيال الجماله وهذه قصيدة الشاعر الفارس نقيمش بن هادي الشولاني الذي كان ضيفا عند ال مره وشارك معهم في هذه المعركه وبعث بقصيدته الى ضيدان شيخ العجمان يبشره بنصر ال مره على سبعة قبائل مجمتمعه واليكم القصيده : يا راكب اللي كنها فـرد غـزلان لا صاعها من يمة الريـح زيلـه تياسرت مع يمـة الجـدي لابـان هجـن عليهـا بالمسـاري دليلـه فاذا لفيتوا شيّعـوا ذكـر ضيـدان اللي تعـدى الجيـل الاول وجيلـه قولوا سلام الحرص يا طير حوران قولوا سلام الحرص يا طير حوران بحفوةٍ يـا اللـي علومـك جميلـة انـا بشيـر للمعـادي iبـخـذلان عز للرأسـك يـا ذعـار الدبيلـة من هازنا زرناه بخشوم iالاضعان ومرو بعات في المنـازل ظليلـة يبرى لها من يمة الخوف فرسـان ومالٍ إلى نـوّخ يشيبـك عويلـه تراوحت صم الحوافـر بفرسـان وتخالفوا ضرب اليديـن الطويلـة سرنا عليهم والسفر ما بعـد بـان فعل الله الماضي على كـل حيلـة ياميّه في حومـة السـوء ظفـران يا من يبشر بالخبر ابـن سلطـان سبـع القبائـل فرقتهـم قبيـلـة يا ليتكـم شفتـوا طلقـي الايمـانت نخاهم نساهـم وراحـوا سحيلـة حنا انتصرنا والمعـادي بخـذلان ولا يأمن الاحكام راعـي دغيلـة زيزومنا هو بو راشد ذيب الاقران حييت يـا شيـخ علومـك مهيلـه شيخ ليام إلى امتلى الجـو دخـان لا هـوم شيّـال الحمـول الثقيلـه يتلاه طوابيـر وخيـل وفرسـان ويقود نمرا مثل وصـف المخيلـه الى اقبلت غادي رعدها له تحنحان الموت اللي فـي نحرهـا تشيله وسلامتكم |
|||||
|
|
|
|
|
|
|
|
|
|
27-Apr-2010, 01:43 PM
|
رقم المشاركة : 2 | |||||
|
لاهنت ياثبيتي ولا عليك زود ولا قصور في الهواجر
|
|||||
|
|
|
|
|
|
|
|
|
|
|
28-Apr-2010, 10:34 AM
|
رقم المشاركة : 3 | |||||
|
الله المستعان
هي حروب فرضتها الظروف ولايمكن ان نلوم القدماء فالاوضاع انذاك حتمت عليهم ذلك نسال الله ان يغفر لهم ، كانوا شجعان لايهابون الموت ، وان شاء الله ان احفادهم اليوم يحملون نفس الهمة والشجاعة تجاه دينهم ووطنهم. |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
