قال الحليس اللي تهيض بقافين

[الأزوري العتيبي]

السلام عليكم ورحمة الله

هيضنا ابن حريبيش ورجعنا للشعر القديم فحبيت أشارك معكم بقصيدة للأمير الشاعر سند الحليس رحمه الله .

قال الحليس اللي تهيض بقافين = مثل العسل ولا حليب العوادي
من ليلة الجمعة ليا صبح الاثنين = أبدي واساري عاليات المبادي
قم يا محمد شب لي تالي الليل = وإن حل في عين الرخوم الرقادي
عطني من الحاجات ست وثنتين = ثمان ملهن شدي يشادي
البن والمحماس والنجر والهيل = وخمرة ومصافتين واربع زبادي
يوم أقبلت صكوا عليها الربع الأدنين = وخلى لها الترعة كبير التنادي
وإن جاتك اللي تمسح الورك بالذيل = مثل القعود اللي على أول هدادي
هات الطلي ياللي تبي لك ريالين = يا جعل مالك عند ربي منادي

واعذرونا إن كان حصل نقص أو تبديل

* القصيدة اوردها ابن حريبش على الرابط التالي وكانت ضمن مقتطفات من شعر الأمير سند الحليس فحبيت أفرد لها موضوع خاص مع أختلاف في ترتيب أبيات القصيدة



تحيتي للجميع

[الأزوري العتيبي]

وهذه القصيدة على لحن المجرور ( صوتية )

هنا


موفقين

[البريماني]

بيض الله وجهكــ والله يرحم الشيخ سند له صيته القوي في الحجاز

تسلم يالذيب

[محمد العتيبي]

بيض الله وجهكــ والله يرحم الشيخ سند

نتمنى طرح موضوع مستقل للفارس الشيخ / سند الحليس

ولكم خالص الشكر ..

التوقيع

للتواصل عبر twitter تويتر al_bargawy@

[الأزوري العتيبي]

المشاركة الأصلية كتبت بواسطة البريماني

بيض الله وجهكــ والله يرحم الشيخ سند له صيته القوي في الحجاز
تسلم يالذيب

وجهك أبيض يا عزيزي ويرحم والدينا ووالديك

المعذرة على التأخر في الرد

[الأزوري العتيبي]

المشاركة الأصلية كتبت بواسطة محمد العتيبي

بيض الله وجهكــ والله يرحم الشيخ سند
نتمنى طرح موضوع مستقل للفارس الشيخ / سند الحليس
ولكم خالص الشكر ..

وجهك أبيض يا بو حميد

وشكرا على المرور والتعليق

والمعذرة أيضا على التأخر في الرد

موفقين