ايام الشقا.... للشاعر قبلان العتيبي

[ابـن نـعـيـس]

أيام الشقا




للشاعر : قبلان مشعان العتيبي

الله يعين العين لا هبّت من الغرب الهبوب=كنّ المزون الغرّ لا صبّت مطرها صبّها
يفوح صدري بالهموم الوارده من كل صوب=أكبر طبيب مْن الأطبّا ما يحصّل طبّها
تكثر عَليّ مْع الصباح وْلا تقلّ مْع الغروب=تلعب بي أيّام الشقا وانا عَجَزت ألعبّ بها
يا الله طلبتك يا كريم الجُود غفار الذنوب=تطفي لهيبٍ فالحشا فعْل الزمان يشبّها
قلبي لو انه من حجر يمكن من الفرقا يذوب=فرقا العنود اللي برا حدْب المحاني حُبّها
أحبها حب المطر لمْصافح جْبال الجنوب=وأحب حتى ديرةٍ نور العيون ترُبّها
الحب مثل الدم يجري في شرايين القلوب=والاّ كثير الناس حُبّه كذبةٍ يُكذب بها
لا مَرّ طاريها يضيق البال وتضيق الدروب=وأمدح ليال الوصْل ولـْيال الفراق أسبّها
الملح كله والحَلا يا دُوب يكفيها يا دُوب=حتى الذهَب لا لبْسته من زينها ينصبّ بها
ومعَ الجمال اليوسفي ما فيه عيب مْن العيوب=تبارك الله لا اله الا هوَ الله ربّها
يا هاجسي وانت الوحيد وْلا معَك ثاني ينوب=غير القلم والطرْس الابيض واليمين اكتب بّها
إجمع من اللولو جزيره وابْنها بنيان طوب=والـْيا اكتمل بنـْي الجزيره بالجواهر عَبّها
بكتب مدينتها قصيده وأعلن التوبه واتوب=أتوب ؟! لا والله ما اتوب أنْ تبْت أخاف اكبّها
عَليّ محْسوب الشعِر وانا على الشعْر محَسوب=تطرب بيوته كل ما غنيتها واطرب بها
وألبّسه عما يعيبه من لباس الستر ثوب=وأرفع مقامه عن مقام وجيه ما يُحْسب بها

التوقيع

[فهدالعضياني]

السلام عليكم ورحمة الله وبركاته
صح لسانك وسلم بنانك
اخوي ابن انعيس
وصح السان الشاعر قبلان العتيبي

[فيصل المسعودي]

صح لسانك ولسانه


إختيار رائع وطيب غير مستغرب منك


تحياتي

[فواز الشيباني]

صح لسانك وسلم بنانك

يا بن نعيس

وصح السان الشاعر قبلان العتيبي
لاخلاولاعدم ياغالي

[ابـن نـعـيـس]

فهد العضياني

صح بدنك

مشكوووور على مرووووورك الكريم


تحيااااااااااااااااااااااااااااااتي

[ابـن نـعـيـس]

فيصل

صح بدنك

والروعه تكمن في مروووورك يالغالي


تحيااااااااااااااااااااااااااااااتي

[ابـن نـعـيـس]

فواز


صح بدنك

مروووورك نور الصفحه يالغالي


تحيااااااااااااااااااااااااااااااااااتي

[ذيب الشيباني]

صح السانك والسان شاعرها يبن نعيس وفعلا قصيده ممتازه ننتظر منك مشاركه جديده وارئعه مثل ماوعدتنا

[ابـن نـعـيـس]

ذيب الشيباني


صح بدنك ... وحياك الله


ومروووووووووورك نور الصفحه يالغالي


تحيااااااااااااااااااااااااااااااااااااااتي

[مؤمن]

مشكور اخوي ابن نعيس


صح لسانك ولسان قبلان العتيبي


ولك كل الحب والمودة