قصيدة ل الشاعر شقير بن عقيل الجذع

[/عبد العزيز الجذع/]

	لا ياغزال ٍ في محل ٍ خلاوي = عليك من خلي وصوف ٍ قليلات محجر ورمش ٍ فوق الأوجان ضاوي = وعنق ومخاذع وإلتفات ٍ بصدات وصفك ووصفه يا غزال متساوي = ويمتاز عنك بعدة أوصاف حلوات يفرق بعين ٍ مثل عين النداوي = وعليه من شيهانة الشط أشارات سود ٍ عيونه يخلفن الهقاوي = ويثر بصدر مولع القلب دقات عليه يكويني من الحب كاوي = كي المريض اللي بعد كيته مات فقير من فقده بشوفه غناوي = يسير في حبه ليال ٍ طويلات مريض لو يفحص عليّ المداوي = يصعب عليه ويشتبه فالأشاعات ولو قلت أباخذ فحص قلب وكلاوي = مابان لو منه المعاليق خطرات جرح ٍ لجا والله على الكل قاوي = علاّم بالبيـّـن وبالمستكنات الحب نقص بكل قلب ٍ شقاوي = ودواه ما يورد على الصيدليات ماله علاج ولا طبيب ٍ يداوي = إلا أنت يا راع العيون الكحيلات يا غصن ريحان ٍ على الحوض راوي = يعدل عليه من المدي عشر مرات عليه ساق العين ماش ٍ نحاوي = ريـّـان عوده والزماليق عضـّـات ماله حليٍّ بالحضر والبداوي = ولا بالقرى يوجد ولا بالجزيرات إلا عليه من الغزيـّـل مهاوي = خشف ٍ من أصوات المصاليع حذرات وساعة ماشوفه كن جوي خلاوي = كني ورى البيبان دوني خفارات أعوي عوى ذيب ٍ حدوه الشواوي = مفلس وجار ٍ له من الجوع لوعات

[محب الهيلا]

يعطيك لعافية

صح لسان ناقلها وقايلها

[/عبد العزيز الجذع/]

الله يعافيك.., ومشكور على المرور

[محمد العتيبي]

قصيده رائعه للشاعر : شقير بن عقيل الجذع ..
وليس مستغرب هذه الجزاله منه ..
شاعر غني عن التعريف ..

لاهنت ياعبدالعزيز الجذع على هذه الرائعه ..
... وتم اضافة القصيده لديوان الشاعر المثبت
باعلى القسم ..

التوقيع

للتواصل عبر twitter تويتر al_bargawy@

[/عبد العزيز الجذع/]

مشكور اخوي ابو مشعاب على المرور..

[طلاع الكريزي]

مشكور وصح لسان شقير
ولا هو مستغرب هاالابداع
الشعري من شقير

[/عبد العزيز الجذع/]

مشكوور على المرور..

[عبدالله الجـــذع]

لاهنت يالجذع..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

مشكوور على المــرور..

[سفن اب]

يعطيك لعافية

صح لسان ناقلها وقايلها

بيض الله وجهك يالغالي