تغطية لامسية/ بندر بن محيا و سعود الحافي في الدوادمي

[/عبد العزيز الجذع/]

في أمسية ليس لها سابقة بالإبداع والجمال .. وفي ليلة ليست كباقي ليالي الشعر
حيث أجتمع شعرائنا في إحياء أمسية لا مثيل لها .
حضرها جمهور غفير تجاوز 600 شخص من متذوقي الشعر


حيث شارك في إقامتها كل من :
الشاعر / بندر بن محيا العتيبي و الشاعر / سعود بن سالم الحافي

و عريف الأمسيه المتألق في تقديمها الشاعر / مروي العصيمي
ورحب بهم بطريقته الخاصه بهذه الأبيات :

اللي لفانا لازم أنا نحييـه = راع الحسب عند الحسب له حسوبه
فالنادي اللي بس يكفيه يكفيه = أنه تسمى بأسم صقر العروبه
باسم المدير وكل من ينتسب فيه = أكرر الترحيب باللي لفوا به
يا ( بندر محيا ) لك الرحب نبديه = ترحيبة فيها الصفا والعذوبه
أوعدتنا والوعد يا الحـر توفيه = ولا هو غريب الطيب دامك دروبه
وسعود بن سالم له الرحب نثنيه = ويا جمعنا الحاضر معي رحبوا به
ألنا الفخر وألنا الشرف يوم ندعيه = وزاد الشرف يوم الجموع ألتقوا به

واستهلت الأمسيـة بقصيده للشاعر بندر المحيا في مدينه الدوادمي ( داورد )

اللي يا داوردِ يتعدى التماثيل = إنك مدينه ما بعدها مدينة
الليلة الليلة بليا مـواويــل = قصيدتي ما هي قصيدة حزينة
فيها الفرح والشعر والبن والهيل = وفيها الغلا وطروق شعري متينة
ادحم بها بمزارق الطيب لا قيل = شاعر وله كلمة ووقفة رزينة
ليت الكلام أنوار وأقول لليل = يا ليل لي شعرٍ طويلة يمينـة
أطول من الغيمة وديم المخاييل = وأعمق من البحر إن غدى بالسفينة
شاعر وأمثل لي وطن والمقابيل = فالحق ما تاقف ما بيني وبينه
قد سقتها وسميةٍ جابت السيل = عن برقها الساهر ما يرمش بعينه
للديرة اللي طِيبت بالهلاليل = من جود أهلها و العقول الفطينة
دار الرجال الطيبين الحلاحيل = حضر وبدو .. هل العلوم السمينة
أنا يا داورد الغلا ماني بخيـل = شاعر وبي عقل وهدوء وسكينه
علمني أبويه عن الحق ما أميل = أبوي جعل الله يطول سنينه
الله يحيي وجيهكم يا رياجيل = يوم اجتمعنا فالقصايد مدينة
داورد لامن جبت زين التماثيل = بنت لها بين الحنايا مدينه

ثم فضل الشاعر سعود الحافي
أن يبدأ بقصيده ( سيره الرسول صلى الله عليه وسلم )
والتي تميز في طرقها ، وأبدع في جزالتها ، وتميز في إلقائها .


ثم اختار المحيا قصيدته الرائعه في الحاكم الذي له من اسمه نصيب
قصيدة الملك فيصل بن عبدالعزيز رحمه الله

وتميز في شيلها بصوته العـذب

طرّف الليل البعيـد ولا انهـزم معنـى سـواده = الا بعـد اطريـت عنـوان الطموحـات البعيـدة
سقتها فـي لحظـةٍ قبّـل ورق صمتـي مـداده = لحظةٍ قلت لمدى الشعر النـدي فرصـة سعيـدة
يـا ذيـاب البـال لا تعـونّ مافالبـال غــاده = رشاعـرن قـد علـم الجغرافيـا تاريـخ بـيـده
من ترجّل فيصل الشغموم عـن صهـوة جـواده = و خيلنـا فعيونهـا الدمـع و فقيدتهـا فقـيـده

ثم بعدها أتحفنا بقصيدته الوطنيـة

اليوم والمنبر مراكـب شعـر فبحـور الخليـل = والريح هبت والبيارق جالهـا صـوت احتفـال
ما جا على بالي كلام و شي مـن هـذا القبيـل = الا تذكرت ان بعض الشعر ضرب مـن الخيـال
جتني كذا ماخترت ابكتبها على بحر(ن) طويـل = احيانا الشاعر قبـل يختـار يدخـل فـاحتمـال

بعدها انطلق الشاعر سعود الحافي بقصيده وطنيه كان مطلعها :

تبقى البلاد النائية سوق حره = ويبقى الوطن كالأم وأنا ابنه البار

ثم اتحفنا بقصيده كانت موجهه ببرقيه خاصه لوزير الصحه الدكتور حمد المانع
وكان مطلع القصيده يقول :

من مواطن صحي دولته صحيـة = للمكرم حضرة المانع وزير الصحة

ثم عاود المحيا تألقه بقصيده وجدانيـة :

عسى البارق اللي في مقاديمه الهتان = يسوقه هواه من آخره لـ مقاديمه
سحابه ليا حول على ميت القيعان = تفجر ضلوع الأرض راعد مرازيمه

وقصيدة ( أشقر الريش )
ولكم بعض أبياتها:

ياصاحبي من يوم بعض العرب طاش = يكفيني اني من شيوخ الحناتيش
هل النياق اللي عراقيبها حراش = وهل السيوف الساطيات المباطيش
واللي تثلثل فوق علباه الاعشاش =محسوب ٍ حساب الضعوف الدراويش
وهدر العماني مايقارن بالاكباش = والنصر مايفعل فعول اشقر الريش
والصدق مايطري على بال غشاش = والخبل خبل ولو مشى مع مداغيش
وعميش لوانه ظهر مثل عمـَاش = الطـيب مايحصر بعماش وعميش
الطيب واضح في عيون ٍ بها ارماش = مثل الجدي واضح على غير تفتيش

ثم أتحفنا الشاعر سعود الحافي بقصيده في الأسهم
في قمة الروعه

قصف صاروخي بجنح الليل يحدث هزه = وإنفجار بما يعادل قنبله ذرية
بأسلحة محرمه و بأسلحة مبتـزه =للشعور الآدمي والطبلة السمعية
بسابك وموبايلي والعقرب أم الغزه = والبنوك ونادك وجيزان والشرقية
والمصيبه كل ما فز المصافي فزه = جاءه ضربة خاطفه ومفأجاه سرية
وعود النقل الجماعي مثل حب المزه = وصدق صارت كذب وإلا شمس صارت فيه
والسمك يجتال ويقز المواشي قزه = وين بنك الراجحي وأعماله الخيرية
والنصيحة جز مالك من أصوله جزه = وأمسك عقالك وثوبك وأمسك الطاقية
ولا تلز الجيب لو حتى تزين اللزه = وأمش فوق الددسن اللي مالها خلفية

ثم قدم قصيده آخرى :

منديل حرمه حطم أرقام الأسعار = وأرخص ثمن في الكون جثة عراقي

ثم ختم المحيا أمسيته بقصيده رائعه
أما الشاعر سعود ففضل أن يختم بقصيدتين

القصيده الأولى :

طابت الصحبه مع أهل الدين وأهل المله = كرموها وألحدوها وأكرموا مثواها

أما الثانيه فكانت في الجيب :[/color]

راكب اللي ما تضيق أبه المسالك = لين طبلونه يلد العين فيه

الشاعر بندر المحيا ، والشاعر سعود الحافي ، ويتوسطهم عريف الأمسية مروي العصيمي









جانب من الحضور الغفير الذي تواجد في الأمسية




بندر المحيا أثناء إلقاءه لأحد قصائده




المحيا يتألق ويتحف الحضور بإحدى شيلاته




الشاعر سعود الحافي يتألق في هذه الأمسيه ، ويتحف الجمهور بأروع القصائد




الجمهور كان له الدور الكبير في نجاح هذه الأمسية .




الإبتسامه لم تفارق شعرائنا حتى على مسرح الأمسية .




الشاعر بندر المحيا يتسلم درع شكر وتقدير من مدير النادي ذعذاع العصيمي




الشاعر سعود الحافي يتسلم درعه من الإستاذ / عبدالله العيفان رئيس النشاط الطلابي .



[/align][/QUOTE]




منقول

[الباااسل]

يعطيك الف عافيه على النقل الرائع ياعبدالعزيز




تحياتي لكـ

[مستشار القبيلة]

يعطيك الف عافيه على النقل الرائع

[وافي الخماش]

رائع يالذيب قصيدة سعود الحافي الي في الرسول اذا عندك يا ليت تنزلها يالغالي ..

[المقــ ماجدـــاطي]

بيض الله وجهكـ اخوي عبد العزيز

لكـ فائق احترامي

[ثبيتي الشمال]

اخونا الفاضل

عبدالعزيز الجذع

تسلم يمينك ع التغطيه والنقل المشرف

تحياتي لشخصك الكريم

حفظك الله

[سلـطـان]

[الله يعطيكـ العافيه على النقــل

والتـغــطيــهـ المتـمـيـزه

والأبداع ليس غريب على بندر المحيا وسعود بن سالم

مشكوووور يا عبالعزيز

تحياتي لكـ[/color]

[/عبد العزيز الجذع/]

مشكوووورين يالغالين على المرور الرائع.

[العــــــــابر]

فعلا كانت امسيه رائعه بشعرائها والحضور الجماهيري الكبير للشاعرين الكبيرين

ياليت قصيدة سعود سالم الحافي في الرسول صلى الله عليه وسلم لانها تعتبر معلقة شعر بكل ماتعنيه الكلمه

وياليت اذا احد يقدر يجيبها بالقاء سعود الدلبحي.


اخوي ماقصرت وبيض الله وجهك على التغطيه والطرح انت دوما متالق


تقبل مروري المتواضع


دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[/عبد العزيز الجذع/]

مشكوووورين يالغالين على المرور الرائع.

وبالنسبة لقصيدة سعود الحافي جاري البحث وان شاء الله نلقاها.