قاف جميل جدا جدا بين فواز السعيدي وعلي الحصني

[فارس السعيدي]

قاف جميل جدا من حفلة الخميس الماضي في القصيم جمع بين فواز السعيدي وعلى الحصني

..




فواز السعيدي




بيض الله وجه ابن غلاب ووجيـه العشيـره
والبدايـة بالسـلام ورحمـة الله وبركاتـه
حرب قوم(ن) فعلهم معروف في شبه الجزيره
والوفا فاهل الوفا معروف مانجهـل سماتـه




علي الحصني




بيض الله وجهك اللي جيت من ديـره لديـره
مرحبابك باسم شيخ(ن) واضحات(ن) منجزاته
العرب مثل العرب والرجل مايجهـل مسيـره
انت تعرفنا وحنـا نعـرف الشعـر وهواتـه




فواز السعيدي




المزون المدلهمّـه والرحـاة المستديـره
ليت ابو زيد الهلالي جالس(ن) لابس عباته
خلو الحصني ليا جات اللزوم يـدق زيـره
المناه اللي تمناها قبل عاميـن ,, جاتـه




على الحصني




سرها ياشاعر(ن) محدن عرف شره وخيره
وان لقيت الشر خلّه وان لقيت الخير هاتـه
انت رجال وخطير ومن رياجيل(ن) خطيـره
والهذيلي نعرفه بالطقّه اللي مـن حصاتـه




فواز السعيدي




جاتك جموع الرجال وجاتك الخيل المغيره
مار لاتنسى زعيم القوم وتضيّع وصاتـه
راح عمرك وانت من حايل لياديرة سميره
اعتبرها ياوسيع العرف نوع من الشماته




على الحصني




لاحصان اسمع صهيله لابعير اسمع هديـره
والزبيدي من ورى الصفين يومي في عصاته
ويش عرفك الدير هاذي عسى فالامر خيـره
الهذيلي في بلـد مكـه ولايحسـن صلاتـه




فواز السعيدي




انت حصني كل مانقرب منه نسمع صفيره
مانقول انه جمل حتى لو يطلّـع لهاتـه
ديرة الغالين تجذبنـا عساهـم للستيـره
والهذيلي سيف عز وعز سيفه من شباته





علي الحصني




مانمدك ياطويل العمر بحبـال(ن) قصيـره
والهذيلي فالقصيم ولاوصـل سكـر نباتـه
رح وراها يسار وتحصّل لكم قوم وعشيره
وان لقيت الشيخ تجلس معه وتسوي سواته




فواز السعيدي




قبل لاتالع سلـوك المـاس وتشـب الظفيـره
الرجـل هـذا مخاطـر مايفكّـر فـي حياتـه
انت مثل القرص ماينفخ طرفـك الا الخميـره
وان خرب شغله وطبخه جاب قرصه من حماته




علي الحصني




علمو فواز لايتعـب مـع الطرقـه بعيـره
لين ياخذ له سبـع حجـات ويجـوّز بناتـه
كنت احسب اني خبير اثر معي ناس(ن) خبيره
كل واحد يشعـل النيـران ويملمـل شواتـه




فواز السعيدي




ماتضيق الا على العالم قليليـن البصيـره
والضعيف اللي نهار الهوش يقعد مع خواته

[علي الثبيتي]

فارس الله يعطيك العافيه محاوره رائعه وفواز السعيدي شاعر متمكن ومن بيت عرف

التوقيع

ماني بلا روقي ولا برقاوي = انا ثبيتي جد روق وبرقا

[ابو فيصل الحربي]

لا هنت على المحاوره الرائعه



صت السنت الشعار

[خالد بن مورق]

بيض الله وجهك على المحاوره

[اسير الروح]

لاهنت على المحاوره

[محمد الشامان الحشيبري]

مشكور اخونا فارس وفواز شاعر متمكن والميدان محله

[سامر فهد]

لا هنت على المحاوره

[فارس السعيدي]

العفو يارجاااال



وشكرا على تشريفكم للموضوع

[صقر مكه]

انت مثل القرص ماينفخ طرفـك الا الخميـره
وان خرب شغله وطبخه جاب قرصه من حماته



الله الله


صح لسان فواز الهذلي



وصح لسان الحصني


شكرا يافارس

[ياسر الجعيد]

الحصني و قبيله

فتل ونقض

شعار اذكياء يجيدون المراوغه

صح الله السنتهم

ناقل الموضوع تسلم يمينك على النقل المتميز