هذه قصيدة من قصائد الوالد مطلق الحبردي
ومناسبتها / عندما ذهبنا من الرياض متوهجين للمزرعة التي كان يديرها ويسكنها عمي الله يرحمه عمير الحبردي وجدنا البيت خاويا وخاليا ولم نجد في البيت سوى العمال الهنود عكس على ماكان في السابق أيام حياته الله يغفر له كان دائما البيت عامر بالرجال والمسايير والدلال وريحة العود وناره في أوجاره دايم شابه فتهيض أبي وقال هذه الأبيات :
البيت شفـــــــــته والنخـــــــــل والمناره=وذكر عـــــــلي محـــــــــب يقفد حبيبه
يابيت وين عــــــــــــمير وأن شب ناره=داخل أوجـــــــــــاره والــــدلال الربيبه
معاد لك يا بيت قــــــــدر ووقـــــــــاره=ولا عــــــاد لك يا بيت راعي وهيبه
بعد الرجــــــــال اللي يجــــــــونك زياره=في مجـــــــلـسك دايـــم ولا عنك غيبه
فيك الهـــــــنود أهــــــروجهم بالإشاره=ما كـــننا في وســــــــــــط ديرة عـــتيـبه
من فقد أخويه ذقت طعـــــــــم المراره=مصيبةٍ يا كــــــبرهـــــــــــــا من مصيبه
قمت أتصور صـــــــورته في نهــــــــــاره=والذاكــــــــــــــره في كل موقـــــف تجيبه
ذيك الســــــــنـــين اللي جنينا ثمـــــــاره=راحت به الأقــــدار روحــــــــه مغيبه
روحة عمر ماهيب روحــــــــــة زيارة=ياليت حــــــــلم الليل عــــــــندي يجيبه
واخذ منه وأعطيه واعرف مســــاره=واللي يــبـي فــــــــــــــرضٍ علينا نجيبه
يالله ياخــــــــــــــــــلاق جـــــــــــنه وناره=في جنة الفـــــــــردوس تكــتب نصيبه
وتغـفر ذنــوبــه يوم كـشف الســــــــتاره=في ماقـــــفٍ فيه الحـــــسيب وحسيبه
« آخـــر الـــمـــشـــاركــــات »
27-Jul-2005, 02:54 PM
من قصائد والدي (1)
العرض العادي
