الجوخ ما يشبه قماش البقالة

[عبدالله العبدالله]

هذي آخر ما كتب زميلنا وشاعرنا / غالب الذيابي وهي بالتأكيد في قامة الشعر وهامته
خلف بن هذال .. اتمنى تعجبكم..

لا والله ألا محفل الشعر جاله=مستشعرينٍ لبسوا الثوب مقلوب
والمنبر المعروف يا شين حاله=من يوم حوّل فارسٍ يلحم الصوب
اللي مخاليبه تصيد الجزالة=وخليفته مخلاب راعيه متروب
الجوخ ما يشبه قماش البقالة=ميزة عقيد القوم في شان وحروب
والشعر أبو هذال يبقى مجاله=بحره وسابح غبته عرف وأسلوب
كلش يموت الا قصيده لحاله=يبقى خلوده مابقى النبض بقلوب
مبدا خلف يشبه شوامخ جباله=مزموم قدام العواصيف منصوب
ياما تهلل وجه صاحب جلالة=يسرق من أحداقه ملمات وخطوب
مدحه يليق بحاكمٍ ينعنا له=شروا زعيمٍ رد له حكم مسلوب
رد الوطن وشداد راعيه جاله=وامسى على أفراح وزغاريد رعبوب
وأعلام سلطانه ونخوة رجاله=شاعر يشيل الحمل ما ون متعوب
في كوكب الابداع يسبح خياله=وليا وصف وصفه من المزن محلوب

غالب الذيابي