الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > شعر المحاورة > منتدى ارشيف المحاورات المباشره والمميزه)

« آخـــر الـــمـــشـــاركــــات »
         :: صرخـة قبيلة (آخر رد :العفاري)       :: هذه القصيدة من كلمات الشاعر: عبد الله زبار المربوب العتيبي في ولي العهد نائب رئيس مجل (آخر رد :عبدالله المربوب العتيبي)       :: هذه القصيدة من كلمات الشاعر: عبد الله زبار المربوب العتيبي في ولي العهد نائب رئيس مجل (آخر رد :عبدالله المربوب العتيبي)       :: اسعار القرميد الكوري والحجري بخصومات 30% الاختيار الاول ج \ 0500559613 (آخر رد :المسوقة نور)       :: صباح الخير (آخر رد :فهيد الايدا المورقي)       :: غير واتساب المخترق ووداعا لانتهاك الخصوصية مه هذا البرنامج الرائع (آخر رد :سيرياتوك)       :: أفضل صناعات مظلات قماش-مظلات للحدائق بالرياض مؤسسة الدوسري 0533894552 (آخر رد :المسوقة نور)       :: شركة الامتياز للخدمات المنزلية بابها 0503430129 (آخر رد :Mshmsh_osama)       :: فترة غياب ونقاهه (آخر رد :الوابصي)       :: مركزرؤى التميزللتدريب يقدم (آخر رد :هبه حماد)      

موضوع مغلق
 
أدوات الموضوع انواع عرض الموضوع
قديم 24-Jan-2010, 05:45 PM رقم المشاركة : 1
معلومات العضو
بندر المرشدي
إدارة الأقسام الأدبية
إحصائية العضو





التوقيت


بندر المرشدي غير متواجد حالياً

افتراضي نايف بن ملحق الثعلي + خالد العصيمي .....( مبـــاشــره)

نايف بن ملحق الثعلي


مرحبا في منتدى العتبان ماضين الفعايل=فالحجاز ويشهد التاريخ في نجد العذيه
يالعصيمي فيه بعض الناس مدري كيف قايل=شايفينه محفي الاقدام ويحث المطيه


العصيمي خالد


البقا ياللي ترحب بالحروف وبالرسايل=والمضيف في نحيه والطراقي في نحيه
الدليله مايبي من نايف الروقي دلايل=وان عرض له مركز التفتيش في جيبه هويه


نايف بن ملحق الثعلي


الوفاء من طبعنا ياربعنا والشك زايل=مار هاذي يالعصيمي ماتمشيها عليه
ادري انك ماعليك اخلاف ياقاس البلايل=مار ابا اعلمك بالموضوع وانت اصبر شويه





العصيمي خالد



طق بيبان الصبر من باب صنعاء لين حايل=باقي في الدم من سم الافاعي سم حيه
لا تعلمني وانا شاعر قبيلة من قبايل=شد حيلك ثم اصب الماء على راس الضميه


نايف بن ملحق الثعلي


البعير اشعيل يارجال شال الحمل مايل=جعل ربي مايبارك في الجمال الساحليه
الامور امدبره والنعم بعيال الحمايل= يالعتيبي مانكب الواجبه والشمس حيه



العصيمي خالد


ياقضاة المحكمة ياللي تحلون المسايل=واحدن مايعرف الله ماعرف سنة نبيه
يا عتيبي نعرف العتبان تلطم كل عايل=وانت ليش تمد كفك بين شمس وبين فيه


نايف بن ملحق الثعلي


القضيه حلها ياصاحبي بهون وسايل=مالها غير القضاه الي يحلون القضيه
المشاكل جوبها الي مايعرفون الجمايل=والحميه ماتضيع من الرجال اهل الحميه


العصيمي خالد


مال لارض الممحلة غير الصدوق من المخايل=والصدوق من المخايل يعجب العين الشقيه
يا محفرت القبور اللي تحت حمر النثايل=احفروها ودخلوها لا سلااام ولا تحيه


نايف بن ملحق الثعلي


المخايل خيلت ياصاحبي والسيل سايل=ياعسي الله يرحم الاجواد والدار السنيه
يامحفرت القبور الي تضيعون القوايل=من طمع فينا يبا يارد علي حوض المنيه




العصيمي خالد



ابتدينا بالسلام وبالتحيه والمثايل= وانتهينا من محاريف الطروق السامريه
اقبلو مني تحيه ياعريبين السلايل=خلطها الشهد المصفا والورود الطايفيه


نايف بن ملحق الثعلي


العتيبي مايهمه مشكله والراس طايل=والعصيمي مرتبك بالحيل والذمه بريه
والختام الله يكثر خير وافين الخصايل=والسلام اختام للجمهور والشاعر هديه















موضوع مغلق

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »01:10 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2018, Jelsoft Enterprises Ltd
اتصل بنا تسجيل خروج   تصميم: حمد المقاطي