تغانـم كذبـة الحريـة وسافـر بهـا البـحـار =يلاطمها البحر والخـوف مـن قبلـه يلاطمهـا!
تهادت مثل طفلة تحمـل البلسـم لابوهـا البـار =وهو فاخر رمـق ووصايتـه بـا الـدم خاتمهـا
يسابقها الزمـن وتسابقـه فـي رحلـة الاقـدار =على رجوى القدر يرحـم ابيهـا قبـل يرحمهـا!
بريئة والبريئـة مـا تعـرف ان البحـر غـدار =ولا البحار عـن قـول( البحـر غـدار) علمهـا
تناهشها كلاب البحر الابيض مـن يميـن يسـار =على مرأى من عيـون البشـر تبغـى تقاسمهـا!
بغت كسر الحصار وصابها لاجل الحصار حصار =بغـت شـط السـلام وللقيـود الشـط سلمـهـا
يا غزة كم تساقط لاجل عينك فا البحـار احـرار =وكم طاحت رؤؤس ٍ مـا اعتلاهـا الا عمايمهـا!
وكم مات بسبب شح الموارد في ثـراك اشجـار =وكم ذبلت عروس.. اسوارة الخطبـه بمعصمهـا
وكم داسوا طرف ثوبك عبث( شعب الله المختار) =واباحـوا عورتـك والله فاالتـوراة حرمـهـا !
وش اللي ترتجينه من عرب لبسوا ثيـاب العـار =عـرب تحلـم بنصـر الله وتصحيهـا هزايمهـا
تبين الثـار يـا غزة؟تـرى حنـا قضينـا الثـار =واخذنا مجرمين الحـرب فـي تهمـة جرايمهـا
قضينا دمك المهدور فا المرقـص وفـوق البـار =واخذنا الثار بـالاف الكـؤؤس اللـي نحطمهـا
تسيدنا المنابـر بـا الخطـب والسيـد الـدولار =ينسقهـا علـى كيـفـه ويبـداهـا ويختمـهـا!
رخصتي في نظرنا لين غليـت عندنـا الاعمـار =تغانمـنـا مـلـذات اللـيـالـي ونتغانـمـهـا!
طبول الحرب بعناها بسـوق الطبـل والمزمـار =وصـارت سلعـة مـا بيـن بايعهـا وسايمهـا !
يا غـزة سامحينـا واعذرينـا معشـر الشعـار =ترى الشعار ملعقة الذهب تلعـب علـى فمهـا!
قصايدنـا تسـول فـي بيـوت المـال والتجـار =عرايـا جايعـه مـن يكسـي العريـا ويطعمهـا
كسوها با الدراهم واطعموهـا القـرش والدينـار =جـواري تخـدم السـادات والشعـار تخدمهـا!
دخيلك تسقطينـا مـن حساباتـك ترانـا اصفـار =على هامـش تواريـخ البطـولات وملاحمهـا !
ابو تمـام عمـره مـا نقـل حربـه ولا =ولا المتنبـي اللـي قعـد الدنـيـا وقومـهـا !
ولا من صرخة بيـوت القصايـد يولـد الثـوار =ولا كذبـة منـاديـل الـسـلام ولا حمايمـهـا!
ولا من خارطة تنـدار بامـر الكرسـي الـدوار =ولا تعويـذة اصحـاب التعـاويـذ وتمايمـهـا !
من الزيتون بكـرة يولـدون الصبيـه الاطهـار =صغار اجسـام لكـن تذهـل الدنيـا عزايمهـا!
نساءك ينجبـن عيـال وانتـي تنجبيـن حجـار =الى ان تنجب الانصار مـن يحمـي محارمهـا !
فامان الله يـا غـزة وانـا واحـد مـن الشعـار =احاسيسي عجز حبري على اوراقـي يترجمهـا
على وجـه العروبـة ودي اكتبهـا بمـاء النـار =وتبقى ندبـة فـا الوجـه مـا تمحـى معالمهـا!
« آخـــر الـــمـــشـــاركــــات »
18-Nov-2010, 10:02 AM
العرض العادي
