أمك تغازل من ورى أبوك بالدس ,, كلمات : مرير الحبيل أداء : سلطان الجلاوي

[عمر الدغيلبي]

السلام عليكم

هذه القصه حصلت مع الشاعر مرير الحبيل العتيبي وكان الشاعر في

يوم من الايام يستمع في جهاز النداء (الكنود) بنت تراسل الشباب

وتغازل ..وتضحك مع فلان وترد على فلان والوضع ماشي عندها ولا كأنها

مسويه شي أبد وحاول يكلمها وينصحها ويعلمها بخطاها وهي أبد

ما ترد عليه ولا كأنها تسمعه ...المهم .. وهو يحاول ينصحها

سمع صوت بكا طفل صغير عندها وهي تحاول تسكته فعرف شاعرنا إن

المرأة متزوجه من صوتها اللي يوضح إنها كبيرة بالعمر وان هذا الطفل

اللي يبكي طفلها فحس بالقهر من اللي تسويه هالمرأة

وكتب هذه الأبيات ... في هذا الموقف اللي حصل معه ...

والتي يقوم

باداءها شاعر المحاوره الشاعر سلطان الجلاوي العتيبي

والأبيات تقول :

يابنت قلبك يفعل العيب ما حـس=وان ما هداه الله عسى الله يحسـه
يكفي غزل للناس ياخاينـه بـس= خلي حلالك قفـر لأحـد يعسـه
أبليس لك يابنت في الشر وسوس=تعـوذي بالله لعـلـه يخـسـه
الستر له ثوب من العـز يلبـس=وجسم الشرف ما كل رجل يجسه
عار ونار مذهب البنـت يلمـس=وعرض المره فادناة شيء يهسـه
يابنت عرضك بالمجالس يدنـس=حدر النصايب جعل ربعك تدسه
ولا جايك الا مثل ما قيل واخس=واللي شرفها غالـي مـا نمسـه
ياورع ياللي عندها بان لك حس=قلبك على أمك يوم خانتك نسـه
أمك تغازل من ورى ابوك بالدس= الله مـن رجـل تلـذذ بحسـه
قله تراخى الحبل يحتاج له مـس=علم أبوك الحبـل لازم يمسـه
والا يشيـل العار لاعـاد يجلـس= في وسط بيت عاش ما فيه هسـه
خله يجوز عن النجس لا ينجـس= ثم يقلعـه ياليـن يقلـع مرسـه
لا تلحقونه من حسايف ليا طس= عسى العمى في نون عينه يطسه

حفظ الهدف باسم


إن لم يعمل رابط الإستماع ( إحفظ وأسمع )

وأتمنى أن تكون نالت على إعجابكم

تحياتي لكم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[ابو عطا]

صح لسان الشاعر مرير الحبيل العتيبي

وجاري التحميل ..

يارب استر عوراتنا وعورات المسلمين ..

الله لايبلانا بهؤلاء النساء ...شكرا يابن العم على القصيدة الجميله .

[ابو ساره]

الله يعطيك العافيه

[/عبد العزيز الجذع/]

قصيدة راائعة...



لاهنت على النقل يالغالي...

[وافي الخماش]

الله يعطيك العافية يالذيب ..

وانا كنت ادور القصيدة والقصة وبالنسبة للمقطع ما طلع حفظته ونفس المشكلة ..

[سيف سليم]

صح لسان الشاعر الكبير مرير العتيبي


وبيض الله وجهه على هالابيات الجزله


والله يصلح المره .


ومشكور وما قصـرت يا عمـر .

[Man من العتبان]

قصيدة راائعة . .



لاهنت على النقل يالغالي . .

[ّالـــشـــامــخّ]

مشكور ع القصيدهـ
يعطيك الف عافيهـ ياعمرالعتيبي
وصح السان شاعرهـ
دمتم بخير....
تحياتي.......

[نجر بن هاجد]

مشكور يالسمي وصح لسان شاعرنا

[عمر الدغيلبي]

بيض الله وجيهكم يا الربع على المرور

ومشكورين على التواصل

اخي الغالي وافي

المقطع بصيغة صفحة إنترنت وهذي المشكلة في الاستماع

أما الحفظ لا حفظته وانا اخوك سو فتح بواسطة واختر برنامج

ريل بلير وبإذن الله يشتغل معك وإن ما اشتغل علمني

وارفعه لك من جديد