الزلامي ( شرب حليب المراعبي لييين طاح مغشي)

[مهجرس]

هذه المحاورة جرت بين الشاعرين الكبيرين شاعر الخليج/ صياف الحربي " رحمه الله"

و الشاعر الكبير/ رشيد الزلامي اطال الله بعمره .. و على ما اعتقد انها كانت في

محافظة الرس في حفل بن سمار.

عندها كان صياف ساع بدأ في الحفلات بعد رحلة علاجه لزراعة الكلى "رحمه الله" . و اعتقد ان المعنى حول الشعر .

صياف=
الليل مبروك والمبروك يمشي معه=لكن بعض الليال الــسود ما تـنـمـشــي
اثـر الـمـنـادي مع الـصجه محد يـسـمـعـه=ليت المخايل تلوح بروقها من عشي
الزلامي=
الليل مـبروك و البابور مايدفعه=يا كود رجال مـايرشي ولا يـرتـشي
ياللي تغيبت و انت رابع الاربعه=و الخامس اللي عليك من الزعت محتشي
صياف=
بابور الاتراك لو كل(ن) مشى فـ سنعه=ما ستوي لـين نقاش الـحجر يـنـقـشــي
الاربــعه شالـو الــكرتــون مـن مـصنعه=مافيه والخبل والاصم والاطرشـي
الزلامي=
من صبح ابرحل عن اهل الغاط والمجمعه=يـاصـاحــب قـريـش مدام الــرســـول قرشي
الـباب خربان والــصــندوق لـه قربعه=والـقـوم ما غـيـر كوري واعـجـمـي واحـبـشـي
صياف =
انـا اعرف انــك فــي كل بــلاد لـك مـزرعـه=مـا غـيـر تلـعـب مــع العـربـان لـعـب الحـشـي
ان كـان ضـرسك مواذيــبــك نـبا نـقلعه=و اضن الاسباب من دكـتــورك الـمـجـرشـي
الزلامي=
هـــل تـعـلـم ان الـشـعـر بـعــدك لـقــا مـصـرعــه=شــرب حلـيـب المـراعـي لـيـن طــاح امـغـشـي
من ذاق طعم العسل لـو فـوق راس اصبعـه=يـطلب و جسمه بـريـــح الـعـافيــه مـنـتــشــي
صياف=
سـبحان ربً هذا ينزل وذا يرفعه=اصــبر شــويـه يـجـيك الـشـاعـر الـمـرعـشـي

[محمد بن سمار الحنان]

الله يرحم صياف ويبقي الزلامي

تسلم يامهجرس

[عزارم]

شكرا لك ياطيب والله يرحم صياف

[مهنـا العتيبي]

اقوى شاعرين مرو على تاريخ المحاااوره...

[عبدالملك القاضي]

الدنيا لاتبقى على حال

صياف ورشيد اذا تقابلو ابدعو ..

وكأن رشيد ينعى الشعر بعد صياف

وهذا ماحصل فعلا..

[ضاامي وفااا]

تـ^ـحـ^ـيـ^ـتـ^ـيـ^ـ ـ^ـوتـ^ـقـ^ــ^ـديـ^ــ^ـريـ^ـ

[محمد الذيابـــي]

..


مشكووووووور يالغالي..

التوقيع

التوقيع محمد الذيابـــي