نسب قبيلة الذويبات في أنحاء الوطن العربي الكبير,بقلم الشاعر محمد سعيد الذويبي العتيبي

[أبوعمـــر!!!]

كثيرآ ما تتحرف الأسماء وتتغيرالأ نساب بقصد وبدون قصد وفي الأونه الأخيرة نرا ونقراء كثير من المغالطات في الرويات والمكاتبات لذالك أحببت كتابة هذه القصيدة عن أصل قبيلة الذويبات وما تحدر منها من فروع وقبايل في أنحاء المملكة العربية السعودية وبعض أنحاء الوطن العربي الكبير والله سبحانة وتعالى يقول في كتابه العزيز( يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌِ) وأترككم مع قراءة القصيدة كاملة

قبل اجمـع الأبيـات وآلـم الشتـات ‍=وأسهر علـى ضـي النجـوم السمـرا
أبدأ بمـن يحيـي بالأمطـار النبـات=‍ واسقى الشجر واحياه وأينـع واثمـرا
من يحيي من الماء الصحاري الممحلات=‍وكــل شـيـاً للحـيـاة اميـسـرا
يعلم عـن اسـرار القلـوب الخفيـات=ويسمع صدى الأصوات ويحس وبـرا ‍
في علمـه اعمـال العبـاد مسجـلات=‍وكـلاً يجـد عنـده كتابـه محضـرا
من بعدهـا ابـدأ باللحـون الشيقـات=‍مع ثابـت المعنـى وطيـب المنظـرا
وإلى حصل منـي خطـأ ومغالطـات= ‍أتأسـف أ لكـم واعتـرف وتـعـذرا
حيث الكمال لمن عليه أفضـل صـلات=‍رمـز المكـارم والجبيـن الازهــرا
وأن قالوا انسـاب العـرب متعـددات=‍ايــوالله ان انسابـهـم ماتحـصـرا
والله رفع بعضاً على بعـض ادرجـات=‍ولا البعـض ماينعـرف لـه مصـدرا
واليـا تتبعنـا المذاهـب والصفـا ت=‍ماتنقطـع مابيـن الا نسـاب العمـرا
قبايـلاً وشعـوب شتـى واطبـقـات=‍يتعارفـوا عبـر الـبـوادي والـقـرا
والله خلقنـا بـالألـوف وبالمـئـات= ‍ولا فـرق بيـن الأبيضـا والاسمـرا
الا بتقـوى الله وتــرك الموبـقـات=‍وحسن التعامـل والضميـر الأطهـرا
هذا سبيـل الرشـد وشـراع النجـات=‍فـي يـوم حـره فـوق مانتـصـورا
ومادام اجـاز الشعـر سبـع معلقـات=هل ما اذكـره عـن منسـي يستنكـرا‍
وانسابنـا عنـد الثقـات آم إمـنـات=‍خمسـه غناويـه وخمسيـن افـقـرا
ياكاتـب التاريـخ منـك ملاحـظـات=‍فيمـا كتبتـه وش تشـوف وش تـرا
تستعـرض احـداث العصـور الاولات=‍وتقول بعـض احيـان شيـاً ماجـرا
اكتـب ليـا منـك وجـدت البيـنـات=‍والناس في التاريـخ والحـق اخشـرا
وابحـث ليـا منـك لقيـت ملابسـات=‍بحثـاً يسـر الـي كتـب والـي قـرا
واخذ الحقائق مـن متاقيـن الـروات=بعض الكتـب تصـدر ظليمـه وافتـرا‍
حنـا الذويبـات الصـروح الساميـات=‍من حيـث مانوجـد مشايـخ واومـرا
يالي تقول ا ثبيت قبـل قـرون مـات=ا‍ثبيت حـي وثابـت اسمـى واكبـرا
واليا درسنا عن سعد فـي الملحمـات=‍نلقـى شـذا طاريـه مسـك وعنبـرا
قبلـه بكـر شيخـاً صفاتـه باقيـات=بيـن الـجـدود الأولـيـن مـوقـرا‍
قايد هوازن فـي العصـور الماضيـات=‍من حـدا بالحـارث ليـا قمـة كـرا
بني سعد لـو راحـت الدنيـا وجـات=‍يبقـون رمـز العـز واسـود الشـرا
منشـأ عتيبـة متعبيـن المسرجـات=‍حمـايـة التـالـي لـيـا رد الـبـرا
برقا وروق أهـل السلـوم الطيبـات= ‍يشهد لهـم بالطيـب اجنـاب واقطـرا
ولا أصل الاد الذيب في كـل الجهـات=‍الطيـب فيهـم سـر والمجـد اجهـرا
وأن رحت للمغرب لقيـت معسكـرات=وفي الجيش والسلطـات قـادة وأوزرا
وأن رحت لأرض الشام باب التضحيات=‍تلقـى الذويبـات الكـيـان الأكـثـرا
من نهر الأردن إلى دجلـه والفـرات = ‍فيهـا الذويـبـات الثـريـا والـثـرا
ولهـم بسينـاء والخليـج مجمعـات=‍ماينكـرون انسابهـم مهـمـا جــرا
ومنهم مع هذيـل الجبـال الشامخـات=‍من حل بتهامـة ومـن سكـن القـرا
واليا نشدنا حـرب واحرجنـا الـروات=عن حجرف ومنزالـه بـوادي القـرا ‍
منهم هل العليـا مطوعـت العصـات=اليـا لمـع حـد الحسـام الأبـتـرا ‍
ومن يكرم الضيفان ويضـد الطغـات = ‍اليـا أدلهـم الليـل والسـاري سـرا
من مثل حجرف في هز شـم النيفـات=‍واسمـه مخلـد ليـن يـوم المحشـرا
وان قالوا اتراحيب مـروي المرهفـات=ماسل سيفـه فـي صـراع الا أثـرا ‍
اسمـاً يشرفنـا مــع المتغـيـرات=‍اسـم الذويبـي للشـرف كــن وذرا
الأصل ثابـت فـي جبـال السـروات=‍والفـرع يتحـدث مـن أعـلا منبـرا
الأصـل ثابـت والفـروع مثبـتـات=‍واسـم القبيلـة مايـبـاع ويشـتـرا
كسابـة العليـا عزيزيـن الـصـلات=اسماً علـى روس النوايـف ينشـرا ‍
قوماً لغتهـم واضحـه بيـن اللغـات=‍لأنهـا بـيـن اللـغـات الاجــدارا
ما ختار عبدالمطلـب فـي القادمـات=من بيـن مـن ساقـوا إليـه الفطـرا
حليمـة السعديـة أوفـا المرضعـات=لمحمـد المختـار مـن بيـن الـورا ‍
اكبـر شـرف يعطيـه رب الكائنـات=‍لبنـي سعـد واهـو العزيـز الأكبـرا
وعاش النبي بربوعهم سـت سنـوات=وانشق صـدره فـي ثراهـا الأطهـرا‍
قبل يتلقى النور مـن سبـع سمـوات=وينزل عليه الوحي فـي غـاري حـرا‍
نعتز باسمه في الحياة وفـي الممـات=مـالاح برقـاً فـي سحابـاً وامطـرا‍
محمـد الهـادي نـبـي المعـجـزات=‍تشهد لـه أقـراء والفلـق والكوثـرا
أشرف نسب تبنـى عليـه المنجـزات=‍مـن جـدد الإسـلام والغـى المنكـرا
من شع نوره في العصـور المظلمـات=والـي سمـع برسالتـه والـي قـرا ‍
قلته وانا بـأرض الشيـم والطائـلات=من طيبة الخضـرا ونـور ام القـرا ‍
أشرف وطن طاهـر واجـل مقدسـات=ومن طـاف بالبيـت العتيـق وكبـرا ‍
قبلـة عبـاد الله مـن كـل الفـئـات=ياحـظ مـن صلـى بهـا واستغفـرا ‍
داراً تـؤدا فـي حماهـا الواجـبـات=ويأمن بهـا الخايـف وفيهـا ينصـرا‍
ارض السعوديـة بــلاد المكـرمـات=من طيب اهلها العرض فيهـا يستـرا‍
فيهـا مـع الديـن الحنيـف مميـزات=‍يزهـي مبانيهـا الشعـار الاخـضـرا
دستورهـا آيـات الكتـاب المحكمـات=يشكـر ملكهـا والعـدالـة تشـكـرا ‍
فيها الأدب فيهـا الصفـات الراقيـات=فيهـا روات العلـم سـادة واشعـرا ‍
تحيـا السعوديـة ويحيـون الـولات=ملوكهـا آل سعـود ساميـن الـذرا ‍
ماها علـى مـر الدهـر عذبـاً فـرات=ألـذ وأحـلا مـن لـذيـذ السـكـرا ‍
انوارهـا مثـل الشمـوس المشرقـات=واقمارها تجلـي الظـلام إليـا اقتـرا ‍
واختامها صلوا علـى خيـر الدعـات=اشـرف عبـاد الله سـادة واكـبـرا ‍

محبكم
شاعر الهيلا وشاعر المصيف الأول الشاعر . محمد سعيد الذويبي العتيبي
الثلاثاء 24/12/1431 هـ 30 نوفمبر 2010 م

[ابووئل السنوي]

صح السانك اللة يعطيك العافية

[أبوعمـــر!!!]

ابووئل السنوي

سلمت وكل الشكر ع مرورك الاكثر من رائع
ربي لاهانك يالغالي
منوووووووووووور

[فهد الشهيب الثبيتي]

الله الله الله

ونعم مليون بالذويبات

صخ لسان شاعر الهيلا محمد بن سعيد ولاهنت ياابو عمر على النقل

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[أبوعمـــر!!!]

فهد الشهيب الثبيتي .. شكراً جزيلاً لك على الرد الجميل والمعبّر



وأشكر لك تواصلك الدائم بصفحتي..والله يعطيك العافية



ودمت بخير أينما كنت