عيد العازمي
عقب انتحت برق الحباري يالجذع رد السلام = البندق اللي ترعب الصيد وتصيد معلقه!!
راع البعير اللي يسوقه لاشداد ولا مسام = ماعاد اله قيمه وهيبه من رجال المنطقه!!
ابراهيم الجـــــذع
حنا مشينا يا ولد عازم على حسب النظام=واللي يعكسون النظام معلقه فالمشنقه
راع البعير اللي يسوقه ما يقوده بالخطام=هذا ترا اللي كلمته عند الرجال مصدقه
عيد العازمي
اشرب من الما وان دعيت الى طعام اكل الطعام = لاهبّت العليا على غصن النشب طار ءورقه!!
اللي يقوده من زرى عوّد يسوقه فالظلام = مدري من الدم انعزل والا الرخامه تلحقه!!
ابراهيم الجـــــذع
يا أبو طلال أنته وراك اعلوم واعلومك تمام=لكن غير اللي على بالك معي لا تنطقه
دامه يسوقه ما عليه ولا على مثله ملام=اللوم فاللي جا يبل الدقن والموس احلقه
عيد العازمي
ما يطرح الاهداف من لا شدّ وسطه بالحزام = والفكر لو نطلق سبوقه ماش حيٍّ يسبقه!!
لو يقضم الهامور من صخر البحر 20 عام = اطرف حصاةٍ من حصا الحره براسه تفلقه!!
ابراهيم الجـــــذع
ميز كلامي زين وافهم يا الكريم أبن الكرام=بعض العرب ما يعرفون الا علوم امنسقه
الفارس اللي معه رمح وسيف اله قدر ومقام=يا قشر حظ اللي ضربه السيف والرمح ازرقه
عيد العازمي
ماكل مايطري على بال العرب برد وسلام = بعض الصدور تفوح واللازم ماهيب مغلّقه!!
لولا الحيا والخوف من درب العنا والانقسام = لا اقول يالتاريخ حطّه في لهيب المحرقه!!
ابراهيم الجـــــذع
أنا أدري أنه ذبحتك ما هي حلال ولا حرام=ياللي مع الحر القوي والشمس ما صب اعرقه
هذاك تاريخك يا بن عازم وفعلك في جهام=يوم العرب بقصورها وأنته بوسط الصندقه
عيد العازمي
الغلّ ما يشفيه يابراهيم تردديد الكلام = والكون شمسه من غروبه تبتدي في مشرقه!!
القاصره دون النظر والباليه سود العظام = مخ العظام الباليه مافيه عاقل يسرقه!!
ابراهيم الجـــــذع
اليا بدا نور القمر يا العازمي يجلا الظلام=واللي يبا الظلما لا بد ان الهوايش تنتقه
اللي عليه العلم ثابت جاك رده يا غلام=والا لسانك فالدروب المشبهه لا تطلقه
عيد العازمي
كان الصداقه شيّدت لاجل الوذا والانتقام = من قدّم ا صحاب التخاذل صار للقوم مرقه!!
ماطلت لوّنك بحيد النيل ياغصن البشام = واللي يقرّب منك من بعض العرب مانفرقه!!
ابراهيم الجـــــذع
لو أني ابعد هدفها ضاع صيدك فالعسام=لو كنت مثل الحر مخلابه على الصيد اطبقه
تقولها وانته من النخبه ومعطينك وسام=بعض العرب يظهر على الأرزاق والرزق امحقه
« آخـــر الـــمـــشـــاركــــات »
30-Sep-2010, 03:49 AM
العرض العادي
