كبيرين العقول

[غاازي العتيبي]

السلام عليكم ورحمة الله وبركاته
استلمو الله لايهينكم


كنت اعدك من كبيرين العقول
اهل العدل واهل التفاكير الرزينه
وخاب ظني فيك مدري ويش اقول
تبت يدين بن الردى تبت يدينه
انت جاهل عرف خبل" ومهبول
مشحون وصدرك ممتلي حقد وغبينه
ياقصير الباع لا تسب الزحول
ابك حنا مجدنا متوارثينه
حنا هل الوقفات واصحاب الفعول
والطيب من عصر القدايم مدركينه
يوم العزاوي والقنا وصهل الخيول
فعلنا بالسيف حنا مثبتينه
وقت اللقا لامن دقن الطبول
العدو يعود ذليل وهازمينه
نحتزم بالعزم ونشتال الحمول
ودرب الردى كله ترانا عايفينه
تاريخنا معروف لايمكن يزول
تاريخنا كل الخلايق خابرينه
ولاانت مالك لاشداد ولا ذلول
يوم العزاوي مالك جنوب" متينه
مالكم لاعرف ولاحتى قبول
ودرب الوفا والطيب كله جاهلينه
صابكم عن درب الاحرار الميول
والعلم من فوقكم هم راكزينه
لو تقول ولو تقول ولو تقول
فعلنا معروف يالي منكرينه
لو كلامك زاد حتى لويطول
البحر ما فكر بحجم السفينه