محمد الربيقي وعبدالله بن عتقان "حفل الصلاح"

[أحمد المويعزي]

السلام عليكم..


طاروق من حفلة معايدة قبيلة الصلاح من حرب العيد الرابع..


كتابي وفيديو

محمد الربيقي:
يامرحبا عند أهل يامرحبا بالجميع=الضيف ذا واجبه والطيب ذا منزله
كان ابن عتقان رشح للاذاعه مذيع=الظلم مايقبله والحق مايزعله

عبدالله بن عتقان:
دام البقا فالشتاء والصيف ولا الربيع=الطيب ياحرب له بيبان وانتم هله
صاحبك قد الطلب ماهو بطفل"ن"رضيع=اصبر وابهذل لك عيال البدو بهذله

محمد الربيقي:
انا ادري ان الوداعه في ضمانة وديع=مير الشهاده تقدم مرحله مرحله
انته طموحك بعيد وحلم ربي وسيع=والحبل ياصاحبي من ينقضه يفتله

عبدالله بن عتقان:
الحفظ والصون محفوظه لايمكن تضيع=لاتحسب ان التفاهم بيننا مشكله
تزعجني الزحمه اللي بالطريق السريع=وليا زهمت العساكر صلحو بلبله

محمد الربيقي:
واقت عليك السباع الشهب مع كل ريع=وانته تقول الاخير كنها الاوله
لاصرت صاحب مكانه سو ما تستطيع=قدام تكثر عليك ايامك المقبله

ابن عتقان:
لولا الشجاعه ماتعرف كل واحد شجيع=كم واحد"ن"ضايق وهو ضاع مستقبله
ياحزن شالح على ماصاب اخوه الفديع=وانته تعشى حبارى والفطور حجله

محمد الربيقي:
قام يتلوى على رجليك شوك النقيع=الوضع يبغى ركاده وانت فيك عجله
حزن العرب مشترك طيع العرب يامطيع=ياللي تعشيت من بذر الشتاء سنبله

ابن عتقان:
انفذ أمري على ما اريد واشري وابيع=محمد اطلعه وسعيد انزله

[/align]

[مهجرس]

محمد الربيقي:
واقت عليك السباع الشهب مع كل ريع=وانته تقول الاخير كنها الاوله
لاصرت صاحب مكانه سو ما تستطيع=قدام تكثر عليك ايامك المقبله

خطير الربيقي و معاني خطيرة بينه و بين بن عتقان
شعراء كلهم مكانتهم الشعراء و يحسب لهم الف حساب
شكرا ياحمد ع النقل

[منصف في زمن الظلم]

اتوقع المعنى عن وفاة؟؟؟؟؟؟؟؟؟؟؟
وتولي ؟؟؟؟؟؟؟مكانه
والله اعلم

[غالب الذيابي]

:
:
:
:


محمد الربيقي للأمانه شاعر يفاجئ الجميع في كل مرة

بجزالة المفردة وابتكار الاسلوب الجميل ..

أحمد... الف شكر لك.
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[محمد الذيابـــي]

’’

الميعزي مشكور على الذائقه الرفيعه.

,,,,,

التوقيع

التوقيع محمد الذيابـــي

[برنس العتيبي]

الف شكرر احمد ع النقل صراحة محاوررررررررره قويه بين شاعرين مبدعين كلمة حق الربيقى شاعر يعتبر في نظري من العمالقه في الوقت الحاضر

[منصف في زمن الظلم]

والله ان ابن عتقان مبهر
خطير جدا وذكي
مشكلته الخوف والميدان يحتاج له قلب

[أحمد المويعزي]

مهجرس:

العفو يابعدي

شكرا لكـ على المرور


منصف في زمن الظلم:

ربما والعالم الله..

لاهنت يالغالي على المشاركه..


غالب الذيابي:

لاشكر على واجب يالغالي..

لاهنت على المرور والتعليق..


محمد الذيابي:

يعافيك ربي ولاهنت..


برنس العتيبي:

وجهة نظر نحترمها..

لاهنت يالغالي على المرور..


منصف في زمن الظلم..

أبو هذال مايحتاج وهو كفووو

لاهنت يالغالي على المررو..