وهذا فضل من ربي عزيز الجاه عال الشان*كريم الوجه لو أركع ولو أسجد على شانه - الهيـــــــــــــلا *** منتدى قبيلة عتيبة

ذياب · 08-Nov-2005, 12:45 AM

السلام عليكم ورحمة الله وبركاته

أخواني الاعزاء تعتبر هذه القصيده أول مشاركاتي في النظم في هذا

المنتدى وارجو أن تنال شي من أستحسانكم

تهيض ياضمير الشاعر اللي يبدع القيفان=من هجوس الرجال اللي ماتخلف وزن قيفانه
وأنا لا دق هاجوس الضماير دقت البركان=بنات الفكر تطلع والسبب ناره وبركانه
وأنا شاعر ليا منه بنا قافه على السيسان=وجاه المنتقد ماينتقد قافه وسيسانه
وهذا فضل من ربي عزيز الجاه عال الشان=كريم الوجه لو أركع ولو أسجد على شانه
ذكرت الاوله والثانيه بس الله الرحمن=ولابه خير في مجلس تغيب عنه رحمانه
وتبقا الثالثه طبعاً رسالة حب بالعنوان=رساله للحبيب اللي ماغير رقم عنوانه
وفي مضمونها مضنون عيني ماني أبخوان=لكن أنتي بقانون الهوى والعشق خوانه
أنا ياما وفيت وسقت قلبي بارخص الاثمان=على شان أرضي أغرورن بنفسك زادت أثمانه
وأنا ياما هديتك من ورود الفل والريحان = وأنا ياما هديتك من قصيدن فاح ريحانه
وقلت خاتمتك وقمت دوني تصفق البيبان=وتنسى اللي على شانك يشرع كل بيبانه
وتنسى انك معاهدني مايدخل بيننا شيطان=وأشوف أبليس واعوانه دخل وألفين شيطانه
وفرقنا على مالون لا رابح ولا خسران= وأنا ماقول ربحانه وأنا ماقول خسرانه
أقول الله يساعدني على النسيان والسلوان=ويلهم قلبي الملتاع نسيانه وسلوانه
وبعد الهجر جايتني وعذرك أن أنا الغلطان=لكن الواجب أتقولين أنا آسف وغلطانه
بعد عامن مضى لا تطلبين الصفح والغفران=أنا أدعس بالقدم قلبي ولو ينطق بغفرانه
أنا بطلت من حبن بلا معنى ولا برهان=أنا وش لي بحبن ماثبت فالوقت برهانه
هذا دربي ودربك مع طريق فلان ولد فلان=وأنا بعدك ولا وحده تجي فالقلب يافلانه

أخوكم محمد العصيمي

التوقيع

m10-m10@hotmail.com

خلف بن مرزوق · 08-Nov-2005, 01:19 AM

000

الاخ الغالي / ذياب

صح لسااانك والله ياشاعرنا

انشهد انها جزززززلة لاعدمتك

لكن الواجب تقولين انا اسف وانا غلطانه

الا ترى ان الافضل

لكن الواجب تقولين انا اتأسف وغلطانه

بحكم ان اسف للمذكر

تحياااتي

التوقيع

اهداء لاعضاء وزوار الهيلا
777
77
7
ديوان الشاعرالعملاق / رشيد الزلامي

ديوان الشاعر الكبير / حبيّب العازمي

al3azmi@w.cn

الــوآفــي · 08-Nov-2005, 01:26 AM

ذياااااااب

يزداد اعجابي بما تخطه يمينك يوما بعد يوم

صح لسااااااااانك ملايين يالقرم

كل الود

اخووك

التوقيع

ليا جاء طاري الهيــــــلا يفز القلب فزة شوق

ألبوم صور

مدونه مميزه

فيصل المسعودي · 08-Nov-2005, 02:30 AM

صح لسانك يالغالي

على هالرائعه

والجزله

تحيااتي

ذياب · 08-Nov-2005, 02:33 AM

خلف مرزوق شهادتك وسام على صدري هذا اولا

وثانياً

عزيزي أنا مأقلت

لكن الواجب تقولين أنا اسف وأنا غلطانه

لانها هكذا راحت سوالف وانكسر اللبيت

وبيتك(لكن الواجب تقولين أنا أتاسف وغلطانه)

هذا رايك وأنا أحترمه ولا زلت مصرن على رايي

أخوك ذياب