الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 10-Jun-2008, 05:39 PM رقم المشاركة : 1
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
Lightbulb ديوان/ غازي بن دخيل الله بن عون ..

بسم الله الرحمن الرحيم

السلام عليكم ورحمة الله ..

يطيب لي بأن انقل لكم ديوان لأحد عمالقة الشعر وهو
الشاعر العلم / غازي بن دخيل الله بن عون الرويس العتيبي ..

فأترككم للأستمتاع بالدرر الثمينه ..





مدح في الشيخ عبدالمعين بن عقل بن ثعلي العضياني العتيبي .




مقناص في عرض السماء برقهـا لاح=طلت علينـا عقـب طـول المغيبـه
كم مذهب ٍ منها امتلا صـدره افـراح=بعـد لقـا فيهـا نفـايـس ذهيـبـه
بغى يصيـر لقلبـه جنـاح وجنـاح=يـوم التقـى بعـد الفـراق بحبيبـه
الله يبارك فـي فهـد وابـن مرجـاح=فيها عطونـا اخبـار شاعـر عتيبـه
اللي نهض بيت الادب عقب ما طـاح=وعزه قبـل تركـز عليـه النصيبـه
وضمد طعونه مثل تضميـد الاجـراح=ونال الشفا يوم اعتنـى بـه طبيبـه
عبد المعين من اهل الافتا والاصـلاح=واهـل المعرفـه والمزايـا العجيبـه
نبراس شعره مثـل فـلاج الاصبـاح=مرجع ورمـز وقـدوة ٍ نقتـدي بـه
عملاق مـا نوفيـه حقـه بالامـداح=ولا ننصفـه مهمـا شعبنـا النجيبـه
رمز الشعر من جد ماهيـب الامـزاح=حامـل لـواه وعبقـريـه واديـبـه
شعـره طعـام ٍ للمسـامـع والارواح=وازكى من ازكى زاكي الطيـب طيبـه
لا اوحيت شعر اسطورة الشعر يا صاح=كنك تمشـى فـي فياضـا ً عشيبـه
نباتهـا ينعـش عبيـره ليـا فــاح=وطيبه مـذاق المستمـع يهتنـي بـه
قيم مقام الشعـر فـي ماضـي ٍِ راح=وامامه اللـي مـا يضـام وخطيبـه
واليوم في وقت المصالـح والاربـاح=يدرى باسم غيره وهو مـا دري بـه
اهل الصحافـه والبرامـج بالانصـاح=ما اعطوه واحد فالميه مـن نصيبـه
عن واقع الساحه نشدنا هـل السـاح=وعطونـا اجابـه والاجابـه غريبـه
قالوا لها بيبـان مـن غيـر مفتـاح=ولا تنفتح لـك ليـن تدفـع ضريبـه
وفي شاطي الساحه ثمانيـن تمسـاح=مـا يفهمـون المخطيـه والمصيبـه
وكانك تبى شعـرك يبـروز فالـلاواح=لو كان مـا يعـدى ولا ينبـدي بـه
قدامـك حلـوق التماسـيـح فـتـاح=وفي كل حلق ارم الـك حبـة زبيبـه
ولو ان شعـرك نبـق حطـوه تفـاح=وبالمـدح يكسونـه حلـي ٍ قشيبـه
واستثني اللـي ضـد تيـار الاريـاح=اهـل المبـادي والسلـوم العريـبـه



وهذه قصيدة مدح في سحمان بن ملحم السبيعي ..



يا اللي تسوي بالسوالـف جمالـه=من العام مابان لسوالفـك برهـان
اثرك مثـل نـوّن يهيـض خيالـه=ومن يارده مظمي صدر منه ظميان
والحمل مـا يبـرك لـه الاجمالـه=جمال التخوت المنوبه مثل سحمان
بعـض الاوادم مثـل صفرالجمالـه=بالحكي واليا قرب الحمـل حيـران
وسحمان لا قرب له الحمـل شالـه=وينقل حمول غير حملـه بليهـان
حمل اعشره منهم يشيلـه لحالـه=ولو ضاعفوه اضعاف ماهوب بحلان
سحمان هجسي للمديح انتحى لـه=حيث ابوخالد فيـه للمـدح ميـدان
في مدحه الشعـر يتوسـع خيالـه=يلقا به افياض خصيبـه وريضـان
من طيب فعله كـل ماجـا مجالـه=تنعم له عتيبـه وشمـر وقحطـان
بـذال فالماجـوب غالـي حلالـه=وشراي تيجان الفخر باغلى الاثمان
طود تزبـن قمتـه مـن لجـا لـه=لعتا الزوابع راسين مثـل حـوران
في لاهب الجـوزاء ايظلـل ظلالـه=وفالبرد به للاجي كهـوف واكنـان
لاراحله من ضيـق الوقـت بالـه=منيـوب ولا ظاهـده ديـن ديـان
يواسيه ويخلص مشربـك حبالـه=ويجلا عماسه عقب ماهوب عمسان
بالجود وبطيب السجايا بنـى لـه=مجد ٍ ومجد ٍ وارثـه ورث جـدان
ماشاد بنيـه فـوق جـرف هيالـه=مشيـده علـى قواعـد وسيسـان
خصب الجناب اللي عطايا شمالـه=اكثر من اكثر ماعطت بعض الايمان
فدح الخصوم الخيـر اللـي هلالـه=نوره يغطي شمس غيـره ليابـان
بوسع صدر معه من الاحنف وكاله=وجا بالكرم خليفة ٍ لابـن قطنـان
وفالسمؤال عاصبـه عـن عيالـه=ومن الدها والعرف والعقل شبعـان
الطيب لـو انـه يجـي بالسهالـه=ماصار فالعربـان طيـب ورديـان
الطيـب كيفـه مـا تبهـر دلالـه=بالهيل ويلقـم بهـا بـن خـولان
فنجال كيف الطيـب كـدر ٍ زلالـه=واحيان يلقى به طعم سـم ديبـان
الا لبـو سلطـان صـاف ٍ حثالـه=ودايم وهو عليه مظـرم وخرمـان
يـاالله عسانـا مانـدور بـدالـه=حتى يصيـرون المواليـد شيبـان
وجميع من يبخـل بجاهـه ومالـه=لعل يومه قبـل يـوم ابوسلطـان


وهذه مدح في الشيخ مسلط الأزمع ابوثنين السبيعي..



ياهل الونيـت اللـي عزمتـوا مسيـان=للشرق من قطر ايسر الغـرب ناصيـن
تجملـوا بــن ياطليقـيـن الايـمـان=وريضوا على شانـي ولوكـان عجليـن
وليـا كتبـت ابيـات شكـر وعرفـان=امشـوا عسـاكـم للسـعـادة ملقـيـن
طريقكـم يـبـرى لبيـبـات مــروان=وليـا وصلتـوا ظلـم جاكـم طريقيـن
درب يـروح يسـار مـن دونـعـردان=ودرب يـروح يميـن يوطـا الشيابيـن
بين العواصـم عبـدوه اهـل الاحسـان=لاهـل اللـزوم وللحجـيـج الملبـيـن
في الدرب الايمـن للمسافـات نقصـان=روحـوا يميـن اقـرب لكـم يامياميـن
ولا من بـرج العاصمـة قدامكـم بـان=تعـدوا الحـي المـوالـي للاقصـيـن
تلفون شيـخ فـي ربـا الفخـر سكـان=اهـل الفخـر فـي الفاخريـة مبنـيـن
عنده قرا الضيفان مـن قـرح الضـان=يبهج كبـود اللـي مـن البعـد لافيـن
ولا دار مايجلا ضـرم كـل ضرمـان=مـدوا جـوابـي للـوفـي يالوفيـيـن
ولاوصلتـوا المكتـوب لابـن شعيفـان=ياهـل الوفـا وافيـن منـتـم بهافـيـن
شيخ سلايل شيـخ مـن روس شيخـان=بنـك الجمايـل مـن شيـوخ الجماليـن
بعـض الاسامـي للمخالـيـق تبـيـان=قبيـلـة عـلـى الجمـايـل مسمـيـن
ماسميـوا مـن بـدة النـاس جـمـلان=غيـر لسلفهـم بالجمـايـل براهـيـن
ولولا الخلف فعل السلـف راح همـوان=مير الخلف مع درب الاسـلاف ماشيـن
ومسلط ورث جدانهم عاداتهم ورث جدان=واحيـا فعـول اللـي بالجـداث فانيـن
الخط يكتب له علـى الظـرف عنـوان=والفاهمـيـن العارفـيـن اللبيـبـيـن
يدرون بالعنـوان فـي وجـه الانسـان=والجود له في وجـه مسلـط عناوييـن
اسمع فعـول الشيـخ مسلـط بـالاذان=ولا اقتنعـت الا بعـد شفـت بالعـيـن
ليا عنـى لـه واحـد فيـه لـه شـان=يقابلـه قبـل القـرا بالنـبـا الـزيـن
من جا محلـه راض لوكـان عجـلان=وفضايـلـه يلقونـهـا المستحـقـيـن
لاجـاه معسـور مـن الديـن غرقـان=عانـه وخفـف عنـه ديـن الديايـيـن
مـن لابـة يـوم المغـازي والاكـوان=لديارهـم بمـذلـق الـحـد حامـيـن
مسكانهم جميـع فـي ماضـي الزمـان=بيـن النفـود وضلعـهـا والشعيبـيـن
من غرب حد ديارهم خـرص وضعـان=ويحدهـا مـن شـرق دار القحاطـيـن
وجنوبهـا مـن يـم شهـران خـلـدان=وشمالهـا ثـلاث شـدات مـن تـيـن
حادين عنها الناس مـن عصـر بـدران=وراسيـن ولطلابـة الديـن مضحـيـن
ويوقـرون الجـار كرمـان شجـعـان=ودهــاة ثـقـاة ثـقـال خفيـفـيـن
خفاف النفوس اليا لـف الـدار ضيفـان=وان زارهـم خصـم لقاهـم خفيفـيـن
للصاحب احلا من لبـن حـم الامعـان=وعلـى الاعـادي كايـديـن غثيثـيـن
ويوم اجدبـت وديانهـم والدهـر شـان=قسـم رحـل منهـم وقسـم مقيمـيـن
اللـي قعـد منهـم حصـون للاوطـان=دون العشـايـر والجبـايـر راسـيـن
وقسـم تحـدر بالسبايـا والاضـعـان=يمشـون فـي مشهـاة رثـم العرانيـن
محوالهـم مابيـن خنـزيـر وذقــان=وحطوا سدير يسـار والعـارض يميـن
وفاضـوا علـى دار عذيـة وجـيـان=وغزوا عمـود البيـت بيـن الحفيفيـن
مابيـن مطـران وخوالـد وعجـمـان=استوطنوهـا غصـب ماهـم راضيـن
لولا فعل خضر النمش وادهـم الـزان=ان كـان فيهـا ماستـقـروا زمانـيـن
خـذوا لـهـم دار ماهلـهـا بـرديـان=لكـن جـاء الشجعـان ربـع شجيعيـن
خذوا مـن الحايـر لنـا جـو ساقـان=وفي الحاير الهم فيـه غـرس وبساتيـن
سـاروا بهـا ليومـه قبايـل وسلفـان=وهم يـوم جوهـا مـن ديرهـم قليليـن
وسبيـع قسميـن اهـل حـرة ووديـان=والقسم الاخـر باسفـل الـدار ناجيـن
مبطيـن حـنـا والعلويـيـن جـيـران=وبالطيب سلونـا عـن الربـع الادنيـن
حنـا وهـم ورعـان واليـوم شيـبـان=عنـد الـكـرم مكرمـيـن عزيـزيـن
احسـب هـل الوديـان مامثلهـم كـان=واهـل الحفـر ورمـاح عنـا بعيديـن
ومن شوفتـي فعـل بعضهـم بالاعيـان=اشهـد بشـوف العيـن ماهـو بتخميـن
به قصة مفروض ينشـر لهـا اعـلان=وتحـط للقاريـن مـن بيـن قوسـيـن
قصة عبيـد اللـي ذبـح حيـل سمـان=والضيـف داره ويـن ومضيفـه ويـن
وان كان قبـل العلـم ماهـوب وكـدان=شهودهـا الحضـار خمسـة وعشريـن
ولو قالو احكم بينهـم صـرت بحـلان=بيـن الحـداريـة وبـيـن العلويـيـن
وازريت افضل منهم احد علـى الثـان=بفعـل الامـور الطيبـات متساويـيـن
ياكثـر مافيكـم مـن الطيـب سبعـان=على الكـرم كـن الكـرام متواصييـن
وختامـهـا عـــداد مـاهــل ودان=صلـوا علـى الهـادي خيـار النبييـن



قصيدة الشاعر سعد بن جدلان الاكلبي ومجاراة الشعراء : عبدالله بن عون وغازي بن عون ومطلق بن شنار الزعبي ..


يقول بن جدلان ..




الا يالهبوب البـاردة عجلـي هبـي=على جاش من قامت هواجيسه أتلوبه
أنـا مـرةٍ اصحـى ومـرن يغيبـي=وأسرح مع كثر الطـواري بغيبوبـه
ألا يادهـر ماهـوب حـقٍ تلاعبـي=وخليتنـي لمقـرد الخلـق لعبوبـه
أعبـادٍ مغفلهـا الزمـان وتعجبـي=يحسبون قل المال في الرجل عذروبه
وأنا قانعٍ باللي علـي كاتبـه ربـي=ومومن بمقـدوره وقانـع بمكتوبـه
ولا أبغى عمى الأريا برايـه يجربـي=وهو ماعرف ماجوب ربي وما جوبه
هذور المجالس راعي المدح والسبي=وهو في الخلا لو جاه بنت خذت ثوبه
يقولون لي جز من تصرفك وتحبـي=وهي توبتي من مجتمعهم هي التوبه
ديار الوبا مـن طبهـا راح متوبـي=وقرابة الجربا على الحول مجروبـه
انا عارفٍ منصاي لمـن بـدا نبـي=واعرف طريقي اللي بتجـه صوبـه
وانا أعرف من أعادي ومـن أحبـي=وبه ناس لاتبغض ولاهي بمحبوبـه


فرد غازي بن عون قائلا :



انا للكـلام الزيـن يابـداح يـا حبـي=راع القصيدة داعـب القلـب باسلوبـه
تشوقـت فيهـا يـوم لقيتهـا لـبـي=تشـوق محـب شايـف زول محبوبـه
على شان في موضوعها ماحرش ضبي=وخلاني أمشي مع مماشيـه وادروبـه
هجـوس تكبـر مـع معانيـه وتلبـي=وهو يشتكي من قسوة الوقت وخطوبـه
ويلوم الهذور اللي على الهذر متربـي=مشاهد عيوب الناس ماشاهـد اعيوبـه
بخيـل ذليـل علتـه مالهـا طـبـي=شذب القفى غايـة مرامـه ومطلوبـه
ولا لوم من جاشه من الغيض متعبـي=على مـن تناجـوا بالمقفـى ونموبـه
عسى ساق من لامه بما قـال ينجبـي=نتيجة قذيفـة بنـدق وجهـت صوبـه
ليـا ضبـه الجبـار ماعـاد ينضبـي=وصوابه من الركبه ليا حـد عرقوبـه
أصارع همـوم عـن يمومـي تجنبـي=وتكشفلي آفات عن الخلـق محجوبـه
وأحول بسوق عن هل الكـون متخبـي=تجيني بـه أنـواع الغرابيـل مجلوبـه
وانا أرجي الفرج من وامر الوبل ينصبي=مدبر ابـن آدم خالقـه غافـر ذنوبـه



وجاراهم عبدالله بن عون قائلا :



انا يوم غازي جاب تقريـره الطبـي=عن الأكلبي درته وفوجيت باعجوبـه
وتواشى بجاشي واهج الشوق واشتبي=على مشرع حلو على الكبد مشروبـه
ورمع للجنوبي رامع الشوق واجنبـي=وعلى شوق ابن جدلان خاويت مندوبه
ولـو ماجذبنـي لا عزيمـه ولانبـي=جذبني حديثه مـع ثنيـنٍ تناجوبـه
ولا لوم ابن جدلان ولو عاش متخبي=وهجر ساحةٍ فيها الموازيـن مقلوبـه
احد صاير قاضي واحد صـار متنبـي=واحد صاير عوني على حسب مطلوبه
واهو لو يرد بحر المواهب على غبي=يصدر حصيله مايجـي ربـع انبوبـه



والشاعر مطلق بن شنار الزعبي ايضا قام بالمجاراة ..



الا يالذلـول الداربـه عجـلـي خـبـي=خبيب الظليم اللي من الصوت مرعوبـه
با خاوي عليك الأكلبي ان كـان رحبـي=على منهج بعـض الشواعيـر غنوبـه
والا ياملكة الشعر جـاك الطلـب لبـي=لبي رغبتي برضـاك منتـي بمغصوبـه
ابيها تجـي مصبوبـة بالمثـل صبـي=مثل مايصبون الذهـب لستـوى ذوبـه
انا أطرب لجـزلات القوافـي وتطربـي=ولي ساحـة بيـن الشواعيـر مهيوبـه
جذبني ثمين القـول وأشمـل وغربـي=أبيات لبـن يكلـب يقولـون منسوبـه
شعاني واشوف الشـوق قـام يتلهبـي=تلهاب نارٍ فـي دجـى الليـل مشبوبـه
هيضني وانا أخفي عن النـاس واغبـي=مراهيش مـزن داعـب البـرق دالوبـه
خطير علـي لـو افتـح البـاب تلعبـي=كمـا يلعـب البركـان بكـلاه وجنوبـه
سمعـت الكـلام ولبـن جـدلان قربـي=وسمعوا به افحول الشعر قبلي وهلوبـه
وقـام البيـت الأول بالخيـال يتقلـبـي=ومابين الثريا والثـري صـرت مندوبـه
هذا الشعر ماهو شعر بعطيـك واكتبـي=وانشر صورتي في صفحة الشعر لو نوبه
ولاهو شعر ابو من هب يهديه من دبـي=ويسمى حداثـه واكثـر النـاس هبوبـه
منهم يستغيث الشعر ويصيـح ويهبـي=يصـرخ ويتعـوذ ماسكينـه بلغبـوبـه
لو ان الهبايـب ياسعـد تقضـي النبـي=شفت الناس كل من هواها قضـى نوبـه
مرات الهـواء يسكـن ومـرات ينكبـي=وهذي سنـة الايـام غالـب ومغلوبـه
ولاتسمع الواشـي تـرى مالـه ملبـي=خله مع فريق ابليس يلعب معـه طوبـه
ولاتقولـه يافـلان وشفيـك تشـذبـي=ترى عـادة النمـام تحصيلـه الكوبـه
وترى الناس مجبوله على الكره والحبي=وترى اللي تحسه غيرك رجال حسوبـه
وترى الأدمـي مخلـوق لعبـادة الربـي=وترى كل مافي الكون لعبـات واكذوبـه


وهذه قصيده ارسلها الشاعر عبدالله بن معجب الشهراني للشاعر العلم غازي بن عون ..

يقول الشاعر عبدالله الشهراني ..



الآ يالنشامى سلموا لي على بن عـون=راعي المنهج اللي محدث في الشعر نقله
دليل الجزاله.. لامشى تتبعـه بالهـون=وهي لامشت مع غيره ايجي لها رقلـه
وقولوا له ان العاشق الهايـم المفتـون=خذي منه قلبه والمخافـه علـى عقلـه
سبب مهرة تلعب طروق الهوى بلحـون=نبت حبها وسط الحشـا نبتـة البقلـه
ولتني بدون اسلاح والنـاس مايـدرون=ولعبت بقلبي لعبـت الـورع بالصقلـه


فجاء رد الشاعر غازي بن عون :



انـا يالنشامـى قبـل بالعلـم لاتلـفـون=وقلبـي كـلام الطيبيـن يتشـوق لــه
ولفيتوا بقيل عن جميع الخطـا مضمـون=بهج خاطري من كبر حجمه ومـن ثقلـه
من الشوق ابن معجب نشا في سماه مزون=معنّيـه بـارق مزنـة قـام يبـرق لـه
وانااضما على روايعـه مثـل مايضمـون=هل البوش لا راوس علـى جمـة العقلـه
شكى لي من الفرقا وبيـن لـي المكنـون=وعسى اللي على بال النديم يتحقـق لـه


قصيده مرسله من الشاعر سلطان حمود البقمي الى الشاعر غازي بن عون ...

يقول سلطان ..



الله ياهمـاً ثمـان اسنيـن وانـا اتابعـه=هماً تغذيه الليالـي والظـروف الكامنـه
يجري بقلبي مثل ماتجـر الميـاه النابعـه=اللي تحدّر من جبل يـم الديـار الطامنـه
الاولـه والثانيـه والثالثـه والرابـعـه=والخامسه والسادسه والسابعـه والثامنـه
عدة سنين اطوال بين امحاولـه وامتابعـه=وايضا ظروفً مع غرابيل الدهر متزامنه
اعقول خلق الله ورق واحداث بقعاء طابعه=والرسم يبقى فالورق والغيب محدن يامنه
عطني ياغازي من روابعك الثمينه رابعـه=اهل المعرفه والثقه بافكارهـا متضامنـه

فرد عليه الشاعر غازي قائلا ..



سلطان لو فكرت في بصمات روس اصابعه=امعقـده متداخـلـه متيـاسـره متيامـنـه
من التيه رويانه ومن زاد المخادع شابعـه=تلقح هواجيس الفكر منها وتصبـح سامنـه
سفينة افكاري من اجله في بحرها طابعـه=واحترت بين احمد وعيد وبين امينه وآمنـه
يشكيلي اهمومه ولاوضح لي اللي سابعـه=وهواجسي ضاعت وتفكيري وخمنن خامنه
مدري همومه ذكر حـيً لاوطـا مرابعـه=بعد خمد يثور بركـان الشجـون الكامنـه
والا همومه من زمـانً تصطفـق زوابعـه=وبحره حداً يروحبه موجه وأحد ينجا منـه
ونصيحتي لصق على ظرف الخبر طوابعه=يللي رقيت العالي المرقاب عـن مطامنـه


قصيده للشاعر سعد بن جدلان بدون نقط ومجاراة الشاعر غازي بن عون للقصيده ..
يقول سعد بن جدلان ..


مــع الـهـم والسـهـر والـولـوال=ادلـه همـوم الصـدر والصـدر مادلـه
احاول على حلو الحلاوى وهـو محـال=وحـاول ودار الحـول واعملـه هملـه
سهوم الوساع الساحره لاهل الهوى سلال=لاسلهم سحى سلهامـه سهـومٍ مرسلـه
وهو اللولوه وهو الدراهم وهو راس المال=ومـلا حصلـه لولـوه لا حـلال الــه

فرد الشاعر غازي قائلا ..



سعد مع مسار اهل الهوى حط له مدهال=وماصار لملّوح هل الـوّد صـار الـه
سحر سود سلمى سم روحه وسل الحال=وحـاول ولا حصـل حـلاواه وعسلـه
طمع اله مطامع مع والعسل صار للعسال=محرم علـى الطمـاع مملـوك لاهلـه
وللولوه حراس والها صـروح طـوال=مسـور حماهـا والحراسـه مكمـلـه
وكم حام حول حمى حلاوه طعمها حـال=لحمد لمسهـا حـارم ولاحمـد مـحلله
وهو ماحصـل لـه محـرم ولا حـلال=وحطم طموحه كاحـل السـود واملـه
وعود سعـد مهمـوم ومحطـم الآمـال=طوى الهم حاله والكـرا صـار ململـه
وسامر هل السامر ولاحى هل المـوال=وصعد سلم المهمل واله طـاع مهملـه
وهلاّل لاطروا له هلاله وسمـع هـلال=سلك مسلكه وعره لـو طـال وسهلـه
ولو مارسل المهموم لاهل الهوى مرسال=هل الود مـع راع المـوده لهـم صلـه



وهذه قصيدة (( القدس )) ..



انا قبل ما بلغ من العمـر عشريـن=حبيتلي فـا الكـون ثالـث حبيبـه
ما حب قلبي غيرهـا غيـر ثنتيـن=ياليتهـا مثـل الحبـايـب قريـبـه
أزاور الثنتين مـن حيـن لا حيـن=ومريـم زيارتهـا عليـه صعيبـه
مقدارهـا عنـدي وعنـد الملايـن=وزنه ثقـل مقـدار مكـه وطيبـه
وحبيلهـا بخـلاف حـب المحبيـن=اللي يلاحـظ فيـه شكـه وريبـه
وحبيلها تمليـه اللأخـلاق والديـن=ولابه مـن المنقـود عيـب يعيبـه
وأنا مابا الاشوفهـا شـوف بالعيـن=وحال أبرهه بين الحبيـب وحبيبـه
شريـفـه محبـوبـت للشريفـيـن=بكف الخبيث اللـي يبيهـا خطيبـه
يالنود ياللـي فـي سنعهـا تهبيـن=اقفـي بسراهـل الهـوى وقبليبـه
اذا تكرمتـي بعـد مــا تـوديـن=علمي لها اخذي علمهـا وأرجعيبـه
وقولي محبك لايعـه لايـع البيـن=من الشوق غاديت ضلوعه حطيبـه
ومن يوم مرسولي عطاها العناويـن=من البعد زارتنـي زيـارة غريبـه
يوم الدجى الداجي زلف منه ثلثيـن=فا الحلم جتني عقب طول المغيبـه
ومن الفـرح سألتهـا وش تريديـن=قالت على أحبابي جروحي عطيبـه
ما تدري أني من ثلاثـه وخمسيـن=وطرفي من اللوعات يجري شعيبـه
واحفاد خلاني لـي اليـوم ناسيـن=وانا انسبي مثـل السبايـا غصيبـه
والله لو ان اجـداد الاحفـاد حييـن=مـا تنحنـي هاماتـهـم للغليـبـه
واحبابي اهل المجد عينتهـم ويـن=اللي لهم في ماضي الوقـت هيبـه
أقصد هل القرآن وأهل الصحيحيـن=وهل العزايم وأهل الاريا الصليبـه
واهل الحديبيه واهل بـدر وحنيـن=واهل سيوف من عداهـم خضيبـه
اللي عن السنـه ماهـم بمتحاديـن=ورجالهم في الحرب ينطـح كتيبـه
لو أن جمع عداهم اكثر من الصيـن=لاشب سـو المـوت وردوا قليبـه
ولا يرتعـون مرجحيـن الموازيـن=بمراتع الحقران لو هـي خصيبـه
ماهم هل الاعراف واهل القوانيـن=وهم مسلمين ومـن جـدود عريبـه
قلت الـذي يابنـت عنهـم تسأليـن=ركزت عليهم فا اللحـود النصيبـه
وحفادهم صارو مثل مـا تشوفيـن=ما خلصوك من الظروف العصيبـه
لو انهم علـى الكرامـه غيوريـن=ما نامـو الانـذال وانتـي صويبـه
رجالهم بالثـوب والمنظـر الزيـن=يفوق تلعـا الجيـد شقـرا الذويبـه
وأن دار فن الحرب بيـن الفريقيـن=على العـدا الرعديـد مـا ينعديبـه
يسافر من أجل العلم رخو الجناحين=وليـا لفـا للـدار بعـد تغريـبـه
ليا هو مصد عن طريـق المياميـن=ومضيـع دينـه وعيـبـه بجيـبـه
وصارت حياته بيـن كـازا وبكيـن=يـا عزتـي عـن جـادل تعتزيبـه
ولا عـم لكـن النشامـى قليلـيـن=يخط الهدف عشره وواحـد يصيبـه
وكانك تبين النصر من جيل الالفيـن=مهـمـة علىالـزلايـب تعيـبـه
صارو بسيف الحيف والذل راضين=من عقب ديد الـذل شربـو حليبـه
انتي من انجـال القـرود الخبيثيـن=مجروحة(ن) جـرح يحيـر طبيبـه
وهم في الملذات الرخيصـه مفليـن=مثل البهايم فـي الفيـاض العشيبـه
ومن جبنهم يشكون من ظلم ياميـن=على عدو الديـن الاخـر صحيبـه
اللي على نهب الديـار متواصيـن=كـل يبـي يجيـه منهـا نصيـبـه
ونداك ياللي فوق الاشهـاد تنخيـن=لا معتصـم لامـن صـلاح يجيبـه
وحنا بعد كنا علـى الضـد قاسيـن=ونثبت على ما صابنا مـن مصيبـه
اليـوم نمشـي للمذلـه مطيعـيـن=نلوى مثل خضر الغصون الرطيبـه
المسجد الاقصى تحت بطش رابيـن=ونشجب ونستنكر بعـد مـا غديبـه
والشجب في الاعلام ما يقضي الدين=ولا تستعاد بـه الحقـوق السليبـه
ان ماحصل يوم مثل يـوم حطيـن=كـل أذاعـات العالميـن تحكيـبـه
مـن دون بيـت ثالـث للحرميـن=نبيـع اللأنفـس والحيـاه بزبيـبـه
ان كان ما عشنـا عليهـا عزيزيـن=عيش المذلـه والجبـن وش نبيبـه
وياللي لتفريـج المصيبـه ترجيـن=ارجي فرج راعي الفرج وابشريبـه
مغيـر الأحــوال رب الثقالـيـن=اللي من اخلص بالعمل لـه يثيبـه
والحق شمسه تجلي الليـل وتبيـن=والظلـم مهمـا زاد ثلجـه تذيبـه
وصلوا على خاتـم جميـع النبيـن=اللي الى القدس الشريفـه سريبـه


(( كيف النشامى ))



ياريـف قلبـي للمساييـر قـم شـب=وحط المناره فـي طويـل الضلالـي
عقب تشق لها لجزل الحطـب جـب=وهات النجر وأحضر جـداد الدلالـي
ثلاث(ن)الهن راعي الكيـف يطـرب=وسوطهـن ضمـر والآخـر جلالـي
وبطونهن ماخذن اسبوع(ن)عن الـرب=وجنوبهـن صفـر(ن)تـلالا تـلالـي
والرابعـه ملقامـةٍ لونهـا أصـهـب=حيـث إنهـا للنـار دايـم تصـالـي
ولاجبت كل شروطهـا اللـي تطلـب=إجلـس عليهـن يازعيـم العيـالـي
وإحمـس لنـا بريةٍحبهـا أشـهـب=وبهارهـا هنـدي ومـاهـا زلالــي
وإعـرف تـرى قانونهـا مايخـرب=وندارهـا ينقـى ومـاهـا يكـالـي
تـراه مايصلـح لهـا كـل مـذهـب=ولاتقبل الراضه ولا الاعـت جالـي
وليا حمست إحرص على حمسة الحب=واعرف ترى الحمسه تبي وسع بالـي
تاخذ على ادنى الجمـر فتـره تقلـب=لين العـرق يطلـع سـوات اللوالـي
ومـن يـوم يطلـع فالمبردلهـا كـب=ليـن النـدار ان كـان فيهـا يشالـي
وليـا خـذت مقـدار للنجـر قـرب=ودنه بصـوتٍ يسمعـه كـل غالـي
دنـه وخـلـه للمسايـيـر يـجـذب=لاقـام صوتـه للنشـامـى يـلالـي
يوحونـه الجيـران لاقــام يقـنـب=ويجيك الاقصى والقصيـر الموالـي
وعقـب تـدق البـن لقـم وركــب=ليـن انهـا تسمـح مـن الاجتوالـي
وقبـل تبهرهـا عـن النـار تجـذب=وتركد شويه ليـن يصفـى الحثالـي
وبرويد في حـدى المباهيـر تسكـب=من عقب غـال الهيـل فيهـا يهالـي
واعــرف ليابهرتـهـا يالمشـبـب=تـراه يكفيهـا مـن النـار صـالـي
ثم اجذهـا مـن يـوم بالهيـل تقلـب=ومن يـوم تركـد صبهـا للرجالـي
حتى يجـي الفنجـال منهـا لياصـب=بيـن الشقـار وبيـن لـون الشعالـي
ياأمّا أشقرٍ رايب مثل بـول الارنـب=والا اشعـل يشبـه لـدم الغـزالـي
يطرب لها من كـان للكيـف يشـرب=كيف النشامى اللي من العيـب خالـي
واعـرف تراهـا عـادةٍ ماتسـيـب=ولاينتقدهـا إلا قصـيـر الحبـالـي
احرص تخلـي عـادة الجـد والاب=ماهم عليـه اول عليـه انـت تالـي
تـراك مـن كـل المناسـب معـرب=مابيـن جـدان وعـمـام وخـوالـي
وابيـك عـن منهاجـهـم ماتجـنـب=انـكـان فكـنـك بـنـات الليـالـي



(( يانايح الورق ))


يا نايح الـورق بالله لـو توكلنـي علـى النـوح=وانتـه توكـل علـى سـر الهـوى وده وهااتـه
وصل جوابي عشيرن كـل شيـن فيـه مملـوح=ماقبلـه احـدن مـن الخـلاان سوابـي سوااتـه
قله ترفق على من جحـت قلبـه بالغـلا جـوح=لولاك يازين مالـه عـن هـوى الجـود التفاتـه
اسمه قبل عرفكم مـن دفتـر العشـاق ممسـوح=وبعثرت شوقه بعد مامات مـن حفـرة ممااااتـه
وقل له عيونه من الفرقـا تفـوح اعبارهـا فـوح=وليلـن يباتـون فيـه امـت محـمـد مايبـاتـه
اودعت خلك يجاوب ساجع القمري علـى الـدوح=واودعت قلبه يهوجس فيـك حتـى فـي صلاتـه
وقل مقصده منك شوفك وغير الشوف مسمـووح=شوفتـك عنـده تراهـا لـذت العمـر وطراااتـه
وان كاان ماهوب غامرني بشوفـه قبـل لابـوح=قل لـه يخبـر قتيلـه فالهـوى يكتـب وصااتـه
ولايحسب الموت بسباب الموده ضحـك ومـزوح=في ماض الاجيـال قـد جالـه ضحايـا مثبتاتـه
منها برمح المـوده ضيـف ابـن هـذال مذبـوح=ومنه الدجيما ترى رمـح الهـوى سبـت وفااتـه
وانـا ترانـي قتيلـه وسوقـي عنـه مـطـروح=لو كـان مايقتـل المسلـم قبـل تضهـر برااتـه
مسموحن الزين لو يخطي خطى المملوح مدمـوح=ندمـح مساويـه لوهـو ماغمـرنـا بحسـنـاات
ويبي يبين الك لاجيتـه مـن المملـوح منضـوح=ويبي يبين الك منـه اخـلاص قلبـه مـن نياتـه
وانا اخبره للعـواذل فـي لا يبصـر ولا يـووح=ومن نم بـي عنـد مظنونـي محناتـن حصااتـه
ورمح الهوى جارحن قلبه مثل مانـي بمجـروح=لـولا سلـوم الهـوى الـي مانعنـي مانعـااتـه
وهاذي تراها سلوم اهل الغرام الـي لهـا رووح=لـو مالحقنـا زمانـه حدثـونـا بــه رواتــه
وقتن مضى مع خشوف فالهوى ابن اعمير مصلوح=لحـق علـى اتـلاه ولا مقدمـه يقـول فـااتـه
قال اوله مـاح محسـن والدجيمـا جمتـه مـوح=وابن ربيعـه وابـن لعبـون شربـو مـن فراتـه
واليوم حطو لهم عشقـن مبـاري فيـه سامـوح=اسمه على اسم الهـوى ميـر السلـوم مخالفاتـه
عشقن تسمو به اللـي عشقهـم للنـاس مفضـوح=يوم المناعير شامـو عنـه شربـو مـن صراتـه
يم الفضيله يشـوم اعـن الرذيلـه كـل ممـدوح=وهم قاضبين الرذيلـه قضبـت الاعمـى لشاتـه



(( اهل الهوى ))


اهل الهوى تجـدف مجاديفهـم جـدف=وانـا بـدار مـن زمانـيـن جـدبـا
وانا مااحـب مقابـل المـارد العـدف=ولالـي بـدار عقـب تجـرد وتدبـا
وصادفت ملهوف الحشا نابي الـردف=والعنق عنق الخشـف والعيـن هدبـا
وذرعان عفر(ن) لا ضوامر ولا صدف=كنّـه عليهـن مثـل ماقـيـل يـدبـا
ولا شفت في جيله مثل شقره الغـدف=يجدب بهن من جمّـة الحسـو جدبـا
والصـدر كـن منجـد نادفـه نـدف=عليـه م لأهــل المناقـيـد مـدبـا
كنه يقول اعـن الاسـادي تعـال ادف=وانـا عليـه اندبـك ياعبـيـد نـدبـا
اغديـك تسدفلـه علـى يمتـه سـدف=تـرى ظعنهـم عقّـب العتـش يدبـا
ياعبيد صادفته علـى زوعتـه صـدف=لكنّ مـن دونـه مـن العجـز حدبـا
ودّك تقـاد لعقـلـةٍ طيّـهـا هــدف=مجزين عنها الـورد فـي رأس حدبـا
وتهفت هفت من ضرب راسه الـردف=هفـن بـه الاقـدام واتـلا العهـدبـا


(( اعوي عوى الذيب ))


اعوي عوى الذيب الأشهب وهرف هرافه=واعدي معاديه وطرش مـع مطاريشـه
وامسـي مماسيـه واشـرّف بمشرافـه=واضوي مضاويه واغبش مـع مغابيشـه
الذيـب مـبـداه وهـرافـه ومـذلافـه=ومسراه وعواه ودورتـه علـى العيشـه
وانـا بـلاي وحنيـن القلـب وتـلافـه=علـى الـذي مـا ينوشنـه مناويـشـه
الصاحب اللي يحيـر الفكـر باوصافـه=وان كان ضميان مـا يـروي معاطيشـه
غصنٍ يكلّ القلم مـا يحصـي اوصافـه=قضيـب مـوزٍ تظلـل فـي معاريشـه
مير الغضي رافـضٍ مطلـوب ميلافـه=مدري متا ينتصر جيشـي علـى جيشـه
غـزال ريـم يعنـي رجــل لقّـافـه=ابعد من اقبه على القنـاص مـن بيشـه
مايـدرك اللـي يريـده منـه حـوافـه=وردٍ صعيـبٍ علـى الطمـاع تفتيشـه
واخد مثـل القمـر فـي ليلـة انصافـه=يجهر بياضـه وحـب الخـال تنقيشـه

(( العين بالسر ))



وراك يـا تـرف القـدم مـا تسلّـم=كّنـك بمـردود التحيـات شحّـيـت
عسـاك مانتـه للهجــر بمتعـلـم=وعساك لهروج الشماميت ما صغيت
كانـك لدقـات الـوشـاة متـولّـم=تبي تخطيبي ولو كان مـا اخطيـت
يا صاحبـي خـل الطريـق المظّلـم=وامش الطريق الّي مثل موضي اللّيت
حتـى المـودّه حصنهـا مـا يثلّـم=لو لغّمـوه اهـل الـردا بالدناميـت
وسلّم على صاحبـك لـو مـا تكلـم=وانا فهمه لو مـا تكلمـت واوميـت
العيـن بالـسـر المخـبـأ تعـلّـم=ليا أطرقت بالسود المظاليل وغضيت
وانـا علـى سـرك حصـانٍ مبلّـم=ما كّنها شافت عيونـي ولا وحيـت
وكانك مـن اللّوعـات مثلـي تألّـم=لا تقطع اسباب الرجا عقب ما أرهيت
وانـا ابـك حتّـى فالمنـام اتحلّـم=حسيت بالهجـران منـك وتجافيـت
ولو للهوى يـا زيـن قـاضٍ معلّـم=من يوم في طيشك وغيـك تماديـت
طرشـت يمـهّ مـن جفـاك اتظلّـم=لين اخبره باللّي بصاحبـك سويـت



(( يازين سلّم ))




يازين سلّـم تـراك أخطيـت=لـو مـا تكلّمـت بالسـانـك
رد التحّيـه لـيـا مـرّيـت=باطـراف رمشـك وحجانـك
تـرى تحّيتـك تحـي الميـت=وانـا بسّيـتـك وأحسـانـك
لا طرقت برموشهن وأغضيت=تسلـب معالـيـق خـلانـك
كّنـك تكحّلـت واستوفـيـت=مـن كحـل هـارون لعيانـك
وفاقت خدودك شعـاع الّليـت=وعن عاتقك هزعـن امتانـك
وطّبقت ممشى حمـام البيـت=ولو تبـا تحـداه .. بامكانـك
جرحت قلبـي ولا دواويـت=ودواه مــن ورد بستـانـك
اذكر وصـوفٍ لهـا ماريـت=حكـو بهـا عنـك جيرانـك
وليـا طلبنـا اللقـا صديـت=ياصاحبي ويـش .. محيانـك
حتى يشوف النظـر شحيـت=ياكبر صـدرك .. وهجرانـك
لو شفت وش من غلاك أخفيت=وش صاب روحي على شانك
إن كان بالوصـل مـا عييـت=واودعتني .. ثالـث اخوانـك


(( سرى الليل ))



سرى الليل فكري بين قسمه وطرح وضرب=عقب صافحه من كلّ موضـوع مرسالـي
تلافاعليـه مـن المفـاوز وقلـع السـرب=على كلّ ضامـر جنـه الـوان واشكالـي
وبعد فات ثلث اللّيـل زاره وفـودٍ غـرب=تغنـى لهـن يـوم انتحـا الليـل موالـي
من الشرق داعيهن دعانـي يمـوم الغـرب=بدا سبرهن فـي مهبـط الوحـي وومالـي
يقول اشرح اسرارك لأديب سكن بالقـرب=من البيـت بيمـن مسجـد النـوق نزالـي
على مسلك الحجـاج بيتـه يميـن الـدرب=اديـبٍ محلـه لـهـل الأداب مدهـالـي
حليف الوفا والجود في سلـم ولاّ حـرب=ولا هوب عن كسـب المعالـي بمكسالـي
شرب من ينابيع الحكـم والبلاغـه شـرب=وتدفـق مـن افكـاره للأجيـال شـلالـي
وقريضه من النقـاد مـا يعتريـه الـذرب=وغوانيه سارت فالمـلا مسـرى الأمثالـي
سر بها عن المنقود غربال فكـره سـرب=وتغنـو بهـا السمـار أهازيـج وازجالـي
وغرس للمعارف شجرةٍ في مصب الغرب=عناقيـدهـا مـثـل القنـاديـل مـيـالـي
ثبت جذعها وجذورها فـي تخـوم التـرب=وبلغ فرعها عـن عجزهـا مبلـغٍ عالـي
وانا اعتز بالمدوح لوهو من أقصى العرب=فمـا بالكـم لا صـار ممدوحـي اولالـي
ولا بديتله من هجر صاحب ولا من كـرب=لكن اخبره بسباب مـا حـاك فـي بالـي
ليا قلت الأتراب العـذاب البكـار العـرب=تعـرّض لقيلـي عالمـاً فـيـه جهّـالـي
وهم شلفهم ورماحهم مثل شـوك الـزرب=وهو يرتدي عن طعـن الأنـذال سربالـي
بدو يقذفون صحاح حمر النعـم بالجـرب=يبون السليمه مـن وبـا الجـرب تشتالـي
ولو تكرب اسباب القضيـه عليهـم كـرب=تحرّكبهـم مـن شـدّة الخـوف زلزالـي
مثل حوت موسى فالبحر طريقـه سـرب=ولا يرجـع اّولهـم مـن الخـوف للتالـي


(( تفاحه .. وتفاحه ))



ياراكب اللـي يقّـرب نـازح الريـد=اياصل هوى البال مسراحه ومرواحـه
خـلّ ً يتـل الفـواد رويـداً رويــدا=لين ادركه واستبـاح حمـاه واجتاحـه
محد ٍ سكن يا حبيـب الـروح بسويـدا=قلبي ولا أحد ٍ ملـك قفلـه ومفتاحـه
إلا أنت ياللـي عليـك البيـض تقليـدا=ومن شاف منهن جمالك سلّـم سلاحـه
غـرو ٍ تكيـد بجمالـك للمـلا كيـدا=وصايـف ٍ فيـك للعـشـاق ذبـاحـه
ماحد ٍ مشى بالبهاء مثلك علـى البيـدا=من ساحل عمان ليـن تعقّـب الباحـه
ومن حضر موت اليمن وأشمل ليا صيدا=ماحد ٍ مشى بالبهاء مثلك على الساحـه
خشيف ٍ تفوق العنود المغـزل الغيـدا=بصـدر طلـع فيـه تفاحـه وتفاحـه



من اجمل من قيل من قصائد الرثاء وهذه قصيده رثائيه في حاتم عتيبه
وابا الكرماء الشيخ عبدالعزيز بن خالد بن جامع .. رحمه الله



يا اللي من الاعماق للشيـخ تنعـون=بعـد رزتكـم فالفقيـد الــروازي
يالابتي فـي شيخكـم مـا تلامـون=النـادر الهيلـع ثقيـل الـمـرازي
شيخ ٍ يبا يبطـي وربعـه بيبطـون=طـاو ٍ ضمايرهـم عليـه النحـازي
ليت البشر عن نعي الاموات ينهـون=الا فابـو خالـد ومثلـه مـجـازي
لو البكا مـا يحيـي اللـي يموتـون=لكـن يبيـن حجـم قـدر العـزازي
طبع البشر عن بعض الاموات يسلون=قـدام لا تكمـل ثــلاث التـعـازي
ومثل فقيدتنا من الصعـب ينسـون=ومهما نعزى فيـه ماحـد ٍ بعـازي
شيخ ٍ ورث مجدا ً له احقاب وقرون=مجدا ً بنـوه ابـاه يـوم المغـازي
صرح ٍ له قبـاب رفيعـات وركـون=مثبت ٍ ساسه على ارض ٍ عـزازي
من الزوابـع والاعاصيـر مامـون=دب الدهر ما صـار فيـه اهتـزازي
شادوه سادات ٍ على الموت يـردون=وعلـى عداهـم ياخـذون امتيـازي
رجالهم لا طب فـي ساحـة الكـون=من الصطـر كنـه بحفلـة جـوازي
ويحجون بايـام الشدايـد ويقـرون=لا صـار بديـود المنايـح غـرازي
واحفادهم مع درب الاجداد يمشـون=ما جابهم عن سلم اهلهـم نشـازي
وتاريخ ابو خالد بالامجـاد مقـرون=كله لنـا مجـد وفخـر واعتـزازي
من اللي عن حياض الكرامه يذودون=ولهفوة الصاحب ماهـوب انتهـازي
من طبع ابو خالد مثل مـا يقولـون=بالطيب يجزا بالـردى مـا يجـازي
يملك مكـارم حاتـم اللـي يعـدون=وعلى احنف بن القيس بالحلم فـازي
وسره عن الادنى والاقصين مكنـون=ولا يستمع دقـة جويـزي وجـازي
ماهوب جسم انسان في شكل بالـون=ويـدار بالريمـوت مثـل الجهـازي
والناس عن دانيه واقصـاه يـدرون=صندوق سـره مثـل درج القـزازي
ويوم ارتحل عقب لنـا كـل دنـدون=شبول ليـث ٍ غابهـا مـا يهـازي
بالطيب وبليـن الجنـاب يتمـارون=وافعالهـم لفعـال ابوهـم تــوازي
عسى ابو خالد بين جنـات وعيـون=ويفوز حيث الاتقيـا الهـم مفـازي
وصلوا على الهادي عدد ما يلبـون=ومـا هـل نـون بارقـه فالعيـازي


هذه قصيده رثائيه في سمو الامير الراحل : طلال الرشيد .. رحمه الله .



مرحوم ياشيخ الجبل ريف الاضيـاف=ياالماجـد اللـي مـال جـوده نهيـا
اللي لطرق الجود والمجـد ميـلاف=وعلـى بقايـا مجـد الامجـاد عيـا
اللي من الاجداد في شخصه اوصاف=اهـل المكـارم والوفـاء والحمـيـا
اهل العطايا مرويـة حـد الاسيـاف=ملاجـي المضيـوم شيخـان طـيـا
لراياتهم فـي قمـة المجـد رفـراف=وفي ظلهـم شاكـى الهجيـر يتفيـا
وطلال عدا في حجا كـل مشـراف=ويطمـح لمصعـاد القمـر والثريـا
وصوف النجابه فيه كلٍ لهـا شـاف=وهو في زهور العمـر تـوه صبيـا
بالجود له شف" نفـل كـل الاشفـاف=ماهـوب غمـر" يقنـعـه ماتهـيـا
أبحـر بيـمٍ هايـجٍ مالـه اطــراف=تلاطـم امـواجـه مهـبـة عتـيـا
اله الصبر دانـوق والعـزم مجـداف=مواصـلٍ سيـره صبـاح وعشـيـا
لين انه احيا مجد الاسلاف واضـاف=لامجادهـم مجـدا طليـق المحـيـا
والموت دربٍ للبشـر يابـو نـواف=وماصـار للمؤمـن مـن الله محيـا
واللي يخلى الفجعه اضعاف الاضعاف=موتتـك يابحـر النـدى هالسـويـا
واللـي يخلينـا كثيريـن الاحسـاف=موتك علـى ايديـن الخـوارج كذيـا
واللي جعلنا نفرك بطـون الاكفـاف=موتـك كذيـا ماوخـذ بـك قضـيـا
ولو منهم اخذنا لك فـراش ولحـاف=انـت وسـواد النـاس مانتـم سويـا
وقتلك غدر يدم الضمايـر والالجـاف=تقتل علـى ايديـن الخـوارج بريـا
اللي لهم في ماضي الهجره اسـلاف=اللـي قتـل عثمـان واللـي علـيـا
واليـوم يقتـل فالجزائـر بـالالاف=ومنهجهـم الخاطـي وصلنـا هنيـا
يبون بأسم الديـن تحقيـق الاهـداف=وبـدوا بتفجيـر الخـبـر والعلـيـا
وفجّـر بغرناطـه مهيـن وحـلاف=وبشبيلـيـا ومجمـعـات المحـيـا
ويااللي هرم جودك على النايفه نـاف=المـوت مكتـوبٍ علـى كـل حيـا
عسـاك فالمـاوى بجنـاتٍ لـفـاف=يحـط لـك فيـهـا مـكـان علـيـا



ومن لديه إضافه من قصائد الشاعر فلا مانع من ارفاقها في ديوانه
ولكم من خالص التقدير ..















التوقيع
اضغط على الصورة لرؤيتها بالحجم الطبيعي









للتواصل عبر twitter تويتر


al_bargawy@
رد مع اقتباس
غير مقروء 11-Jun-2008, 01:24 AM رقم المشاركة : 2
معلومات العضو
/عبد العزيز الجذع/

رابطة محبي الهيلا

إحصائية العضو





التوقيت


/عبد العزيز الجذع/ غير متواجد حالياً

افتراضي

بيض الله وجهك يابو مشعاب...


مجهود جبار....


صح لسان ينبوع الشعر الشاعر العلم غازي بن عون....



ولي عودة بأذن الله على الديوان...















رد مع اقتباس
غير مقروء 11-Jun-2008, 01:29 AM رقم المشاركة : 3
معلومات العضو
/عبد العزيز الجذع/

رابطة محبي الهيلا

إحصائية العضو





التوقيت


/عبد العزيز الجذع/ غير متواجد حالياً

افتراضي

وهذي قصيدة اخرى




يالعين صيري دايم الدوم تبكين =على مدار أربع وعشرين ساعه
أرثي لعمرٍ فات وانعيه يالعين=وابكي على ما فاتنا من ُطماعه
اليوم كمّلتي من العمر خمسين=تلعبّك اوهام الغرور ومتاعه
يا ما خدعنا الوقت بالمظهر الزين=واليوم يا عيني عرفنا خداعه
ما ندري إن الوقت لُه باطنٍ شين=الاّ بعد ما قام يسقط قناعه
وإن ما انتهزنا تالي العمر فالدين=والاّ خسرنا ما لنا من بضاعه
باقي العمر في علم رب الثقلين=تماكني تاليه قبل انقشاعه
مع هجعة اوباش الملا لا تهجعين =احيي الدجا ذكر وتوسل وطاعه
اليا بقا ثلثٍ ومضى منه ثلثين=وقتٍ يربّح باذرين الزراعه
لا ناموا اللي فالملذات لاهين=تضرعي لله باكف الضراعه
ويا الاذن في قول الخنا لا توحّين=والذكر والنصح انصتي لاستماعه
اليا استمعتي للذكر والصحيحين=يصير عندك ضد غيره مناعه
ويا الرجل لوحيتي الندا لا توانين=اليا دعا داعي صلاة الجماعه
ويا النفس مع درب الهوى لا تميلين=بيعيه مثل اللي زهد به وباعه
الخمسة الاركان لازم تلبين=بتوحيد واخلاص ويقين وقناعه
عسى بتالِ العمر ثقل الموازين=كود يتعوّض ما مضى من ضياعه
سالين كنا دايم الدوم حيين=ولا دامت الدنيا لراع الشفاعه
والأنبيا والأوليا والسلاطين=واهل المروة والكرم والشجاعه
العبد مهما عمّر أحقاب وسنين=له ساعةٍ فيها يطوّى شراعه
يرحل وخلانه وربعه مقيمين=وتصير فرقا الشمل بعد اجتماعه
وصلوا على المبعوث جد الحسنين=ما نبت من نبتٍ وما ازهر طلاعه















رد مع اقتباس
غير مقروء 11-Jun-2008, 01:59 AM رقم المشاركة : 4
معلومات العضو
زبن الدخيل
شـــاعــر

الصورة الرمزية زبن الدخيل

إحصائية العضو






التوقيت


زبن الدخيل غير متواجد حالياً

افتراضي

سلمت يبومشعاب

وهاذي اضافة مني

مساجله بين غازي بن عون وعبد الله بن عايض القثامي
يقول عبد الله القثامي :




قـم يانديبـي شغـل الجمـس وأقـدم=واحــد ورى الألـفـيـن فـــك الـوكـالـه
جـمـسٍ حـمـر والـتــرس صـــمٍ مـقـسـم=سـواقـه الـلــي فـيــه مـرتــاح بـالــه
ماركـبـه الــورع الغشـيـم ايتعـلـم=ويـفـت كـبـد الـلــي مـفـلّـس جـمـالـه
ماطـب فـي المـعـرض ولاقـالـو إبـكـم=مـن مصـنـع إمريـكـا وجـانـي حـوالـه
ينصـى الأديـب معـرب الـخـال والـعـم=قــرمٍ لـيـا شــان الـزمــان إرتـكـالـه
غــازى دخـيـل الله وأنـعــم وأكـــرم=أرويــس والـروســان را س الـرجـالـه
والجـد الأدنـى عـون فـي عـون يلـتـم=يلتـم إبـه طـيـب وشجـاعـه وأصـالـه
مـايـرفـعــه مـــــادح ولايــنــزلــه ذم=فـــوق الـمـديـح وطــيــب الله فــالــه
عـلــيــه تـسـلـيــمٍ ســـــلام مـســلّــم=تسليـم مسـلـم سـالـم مــن الجهـالـه
ومـــن القـثـامـي للسـنـافـي إيـقــدم=عـــــداد هــمـــالٍ تـنــاشــا خــيــالــه
عليه أبا أشكي الحال وأقول وأجزم=ماغيـر غــازي فــي الــزوم إيعنـالـه
قلبـي خضـر ومــن الغـنـوج إمتحـطـم=لـوكـان مـانـي مـــن هـــواة الـضـلالـه
حبه ياغازي سمنـي فـي الهـوى سـم=وآحــد وغـيـره مـايـجـوز الـثـنـا لـــه
أمسيـت أصالـي صـالـي الـهـم والـغـم=وأون ونّـةمــن خـــذى الـقــوم مــالــه
كنّه بقلبي مـن هـوى الزيـن يشعـم=جمر الغضـى فـي القلـب زاد إشتعالـه
غـديـت مــن مــا جـانـي أصــمٍ أبـكـم=ولـــد ولابـــس ثــــوب عــــودٍ هــلالــه
ميـزة وليفـي نضـرتـه تـبـري الـهـم=مــن نضـرتـه عـقـلـي خـطـيـرٍ زوالـــه
ماهـو ياغـازي ضمـن ألأنـس إيتكلـم=وأبعـد مجالـي لـن عـصـى عــن مجـالـه
ولاهــو بجـنـي كـــل مـــا حـــن وأرزم=أقـــرى كـتــاب الله وأجـــود حـبـالــه
دا يـم بـسـم علـيـا يـنـادى ويـزهـم=وأم الكـبـايـر رمـــز إلـــه ويـحـدالـه
لاهــــو مـحـلــل لــــي ولاهـــــو مــحـــرّم=قربـه بسيـط المشكلـه فـي وصـالـه
مـن دونـه ألأنــذال تكـفـر وتسـلـم=وأنـــا سـلـومـي مـــا تـحــب الـنـذالـه
عــود وثـلاثـه وأربـعـه خـاضـو الـجـم=لاهـــــم بـعـمـانــه ولاهـــــم خـــوالـــه
وأنـا لـو إنّـه يطلـب الـلـي يـبـا تــم=قلـبـي وعقـلـي ياالعتيـبـي فـدالــه
لاكنـهـا دنـيــا كـمــا غـبــة الـيــم=دبـــرة ولـــيّ الــكــون جــــل جــلالــه
دنـيـا المصـالـح والضعـيـف المعـضـم=كــلٍ عـلــى فـكــره يـدرهــم جـمـالـه
دنـيـا دنـيـه كنـهـا اللـيـل ألأضـلـم=والــلــي عـلـيـهـا فــانــيٍ لامـاحــالــه
وبشـرهـا نـومــن ونـسـمـع ونـسـلـم=لازل يـــــومٍ جـــــاء حـلــيــه بــدالـــه
أحــدٍ بـهــا مـســرور وأحـــدٍ مـتـنـدم=وأحـدٍ بهـا فـي النـا س يرثـى لحالـه
وجــدٍ وهـــو جـالــس مـغـيـر إيتـحـلّـم=يمـلـك جمـيـع الـلـي بحـلـمـه طـرالــه
يبنـي مـن العمـران ساعـه ويـهـدم=ويـفــوق ولـيـنّـه يـهـوجـس لـحـالــه
وأنـــا لـيــا حـبـيـت مـانــي بـمـجـرم=فـي النـاس غيـري مـا جـرآلـي جـرالـه
تكفىيـاغـازي مـــا يبـيـلـك مـعـلّـم=انتـه حكيـم ومـن رجــال الشكـالـه
كـل الكـلام اللـي عـلـى خـاطـري تــم=وأرسلـت مرسـولـي بـضـرف الرسـالـه
وإخـتـامـهـا اللهم أصــلـــي وأســلّـــم=عـلــى رســــول الله وصـحـبــه وآلــــه





وهذا رد الشاعر العلم غازي الرويس العتيبي :




عـــــداد هــمـــالٍ رعـــــوده تــــــرازم=مـــن رايـــحٍ بـــارق خـيـالـه ســرالــه
تواشـيـن فــي ضــرف لـيـلٍ مسـلـهـم=عــلــى مــتــون الارض مـــــرخٍ شــالـــه
لامـــن بـرقــه فـــي مـزونــه تـبـسـم=عـلـى شـيــال الـلـيـل يـرخــى بـوالــه
بالـلـيـل كـــن الارض عــــذراً مـلـثــم=وليـا بـرق عـن وجههـا الستـر شالـه
يفرحـبـه المسـنـي مـثـل فـرحـة الام=ولابـولالـفــو عــقــب غــابــو عـيـالــه
مـزنــه كـمــا وضـــحٍ عـجــالٍ تـداحــم=ألـطــافــحــه قــدامــهـــا والــهــلالـــه
من الشـرق ذعـذاع الصبـا لـه تنسـم=يـلـقــح الـحـايــل ويـقــهــر عـجــالــه
يقـولـه الله فــي الـكـتـاب الـمـكـرّم=بـيـن لـنـا إن الـريـح يـلـقـح حـيـالـه
لارسـل عليـه الـريـح بـمـره تـراكـم=وفـالـودق عبـره لـن خـرج مــن خـلالـه
يامرحبـاء باللـي علـى الجمـس ألادهـم=الـلـي مــن الـطـايـف لـفــا بالـرسـالـه
جـانـي مـعـه برسـالـةٍ مــن ولــد عــم=سـنّــد عــلــى الـقـيــل مــمــا جــرالــه
اثـــر العـيـبـي بـــا لمـحـبـه مـتـيــم=بـعـد كشفـنـا مـــا يـــدور بخـيـالـه
لـو عشقتـه جمـاً تـقـود أجـمـل الـجـم=دقـاقــة عــــلاوي والـبـواقــي جــلالــه
كــن الزبـيـدي فــي حـمـا صـدرهـا زم=والـوسـط لاهــب النسـيـم إ ستـمـالـه
دورتـهـا لــو هــي ورى يـــام وأدهـــم=بطـول الـبـلاد مــن الجـنـوب لشمـالـه
وليـا لقيـت اللـي بهـا الحسـن ملـتـم=إن كانـهـا جــت بالـرضـى والسهـالـه
ولاغـزيــت الـهــا بـجـيـشٍ عــــرم رم=ومــن حـدنـا عنـهـا نتفـنـا سـبـالـه
مير ابن عايض عشقته ليلهـا اضلـم=من عقب ابـو زيـد وعزيـز ابـن خالـه
بعد الثنين وبعد ابن صيفي اكثم=جـــرى لـعـلـيـا مــــن دهــرهــا عـبـالــه
بـعــد الـثـلاثــه مـسـتـواهـا تـحـطــم=الـلـي ضعـنـهـم شـــد عـنـهـا رحـالــه
وباقـي ثـلاثـه كــل منـهـم مخـضـرم=ودلـيـهـم تـاخــذ مــــن الــمــا زلالــــه
في ما مضـى تردعهـم اسلـوم وشيـم=والـيــوم قـامــو يـاكـلـون الـنـخـالـه
وعلـيـا تـنـوح وتــذرف دموعـهـا دم=مــن يــوم جــرد وجهـهـا مــن جـمـالـه
ومدامـهـا هـالــون عـــن حـبـهـا شـــم=وطــو الـرشـاء عــن عـدهــا والمـحـالـه
وأدرس صحـيـحـي الـبـخـاري ومـسـلـم=وخـل الهـوى المشـبـوه مـالـك ومـالـه
من يوم قـام النـار ينفخهـا الاشـرم=والـكــيــف راح ولابــقـــى الادلالــــــه
منولٍ لياجا اللـي علـى الكيـف مضـرم=يـقـدم لــه الفنـجـال قـبـل البـيـالـه
وعليـا حماهـا مـثـل دار ابــن الارقــم=وعشاقها اهـل العـرف واهـل الجزالـه
والـلـي بـهـا قلـبـه مهـايـم ومـغــرم=يـدفـع لـهـا المطـلـوب مــن حــر مـالـه
والـيـوم عاشقـهـا هـدفــه إيتـغـنـم=جـنــب دروب الـطـيـب لاطـــاب فــالــه
محبـوبـهـا لاغــــاب مــلــزوم يــعــزم=ولايـجـي لافـــي كـــود بالكنبـيـالـه
بــــروس الـمـجـنـن لـلـحـلاقـه تـعـلــم=وقبـل يحـلـق الــراس يـشـرط ريـالـه
ومـن ذاق در الديـد لـو كــان يفـطـم=يرضـع منـه لـو كــان دونــه شمـالـه
والـلـي يـجـي معـجـم نـــرده مـتـرجـم=هـــذا جـــواب الـلــي لـفـانــا ســوالــه
وسـلـم عــدد وبــلٍ مـزونــه تـهـشـم=يــا صـاحــب عـنــدي سـلـوكـه جـلالــه















رد مع اقتباس
غير مقروء 11-Jun-2008, 02:17 AM رقم المشاركة : 5
معلومات العضو
السبيــــعي
عضو ممـــيز

الصورة الرمزية السبيــــعي

إحصائية العضو





التوقيت


السبيــــعي غير متواجد حالياً

افتراضي



قصيدة الشاعر \\غــازي بن عــون .. في المورسيدس



ياراكب اللي تو جابـوه مـن بـون=احدث انتـاج التقنيـه فـل كامـل
علـى نظـام مايضاهـا وقـانـون=جا عن طريق اللمس معه التعامـل
نظـام مطـور ومتقـن ومـأمـون=مبرمج على بصمات روس الانامـل
على الهوى والهيدروليك والدركسون=والبستـم اللـي يرفعـه والفرامـل
من الداخل مفخم مراتـب وطبلـون=مرابتـه والسقـف جلـد ومخامـل
اليا اشتغل بالهون يـادوب يوحـون=طلاسم مخفـاه فـي صـدر رامـل
كـن البساتـم والبلـوف يتخالـون=متفاهميـن فالعـمـل والمعـامـل
الحجم ست اميـه كفـارات بالـون=ورقمه مميز مثـل وسـم الهوامـل
كنه قطـاه شافـت الحـوم واللـون=لون المهاه اللـي ربـت فالمهامـل
من مصنعه عشر سنوات مضمـون=ضمان عن كـل العذاريـب شامـل
يروّح من الطايف بعـد مايصلـون=كنّه نـداوي علـى الطلـع صامـل
وليا تعدى ظلم يمشي علـى الهـون=بدارٍ لرايـة حبهـا القلـب حامـل
ياحبتـي لاجيتـهـا لا تعجـلـون=حتى صورها فـي خيالـي تكامـل
محبوبـةٍ شـارك غلاهـا الـنـون=بيـن الحنايـا عامـل لهـا عامـل
عـذرا منّـول وجههـا مـزيـون=واليـوم مخلفـتٍ بهـا العـوامـل
لا شفتهـا بيّحـت ماكـان مكنـون=وتنجب عيـونٍ بالعبايـر حوامـل
تنشي مناشيها مـن الدمـع بمـزون=وقامت مثل ديـم السحايـب تهامـل
من وضعها كنّي على اللجف مطعون=والحال ساملها مـن البيـن سامـل
ماكن حل بربعها اسلاف وضعـون=وعوارف ترفـي فتـوق الخوامـل
صيـدٍ دهـاتٍ فالملمـات ينصـون=كعّامـة العايـل جمـال المحامـل
هم و الوفاء في كل ظرف يتخاوون=مخاوي الكبير سعود هـوّ وزامـل
رجالهم يبـرز الطوابيـر فالكـون=ولابن مهيد ولا خو همـلا مزامـل
الجـود ماخـلا بفعلـه منـه لـون=لشمايـل الجـود وللامجـاد جامـل
اهل بيوتن تكهن الضيف وصحـون=بكنافهـا عاشـوا يتامـى وارامـل
والنخوه الها عندهـم يـوم ينخـون=تنغمـش فالـروس والهـا تنامـل
وهيباتهم دون الوطن سور وحصون=ماهيـب غفـل للطماميـع هـامـل
عـن حدهـا للـي يبيهـا يحـدون=ويخيبـون آمـال ضـد بهـا آمـل
اقصد ذخر مارق وسطام بن عـون=جمال تشيل حمـول بـاق الزوامـل
لا عـدوا اعـلام القبايـل يعـدون=قول يصان اعن الخنـا والمجامـل
وصلوا على الهادي عـدد مايلبـون=وعداد مايهمل مـن الوبـل هامـل


كل الشكــــر لك اخوي ابومشعاب
وجهــــد تُشكــــر عليــــــه

بيض الله وجهك















رد مع اقتباس
غير مقروء 11-Jun-2008, 02:35 AM رقم المشاركة : 6
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

احبابي الاعزاء
عبدالعزيز الجذع ، زبن الدخيل & السبيعي


الله يبيض وجيهكم يالنشاما على هذه المبادره الطيبه
يالطيبين ..

والله العظيم انكم اخجلتوني بطيبكم ..

بيض الله وجيهكم ..

تحيه من القلب لكم ..















رد مع اقتباس
غير مقروء 11-Jun-2008, 06:56 AM رقم المشاركة : 7
معلومات العضو
وافي الخماش
عضو ممـــيز

الصورة الرمزية وافي الخماش

عضو مميز 
إحصائية العضو






التوقيت


وافي الخماش غير متواجد حالياً

افتراضي


مـجـهود تـشـكـر عـلـيه يـابـو مـشـعـاب ..

وهـذه قـصـيـدة لـه عـنـدمـا أراد ان يـعـتـزل الـشـعـر ..


تخالطوا فالشعـر حابـل ونابـل=
ودشوا حماه مطوليـن الاظافيـر=
بعض شبابٍ كـل مامنـه ذابـل=
ويقلدون أحيان هيـم الخواصيـر=
ازوالهم تشبـه بـروج الكيابـل=
تعجبك والاحلام مثـل العصافيـر=
وكلٍ لسوق الشعر منهم يسابـل=
يساوقون السوق ببضاعة غيـر=
بسوق الجواهر يجلبون الحنابـل=
وان قلت وش هاذا يقولون تطوير=
وتطويرهم ماجيب من سوق بابل=
ولا له بسوق عكاظ قيمه وتسعير=
ولاجا من الاكمـام والا السنابـل=
ولامن عذوق نبوت سيف مباكير=
جا من نفايات الخنـا والمزابـل=
وأستقبله مستشعرين وجماهيـر=
جونا بحكي مثل حكـي البلابـل=
يحتاج للشفره تراجـم وتفسيـر=
ناس تحبذ قـول هتلـر ونابـل=
وتكره شعرعمر بن كلثوم وزهير=
ماستقبلوا منهم صناعـة قنابـل=
والا صناعة طايـرات وبوابيـر=
ومن يوم شفت الشعر جاله مقابل=
وضيرعلااه والي تبلـوه تضييـر=
وشفته تشارك فيه نابل وحابـل=
حول اعتزال الشعرقررت تقريـر=
قرار للتعديـل مـاهـوب قـابـل=
بوادعه وداع بن عـون للطيـر=















رد مع اقتباس
غير مقروء 11-Jun-2008, 03:58 PM رقم المشاركة : 8
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

الغالي / وافي الخماش .

اشكرك من القلب للمبادره الطيبه ..
شكرا جزيلا لك ..















رد مع اقتباس
غير مقروء 12-May-2010, 11:23 PM رقم المشاركة : 9
معلومات العضو
بعيدالهقاوي1
عضو فعال

الصورة الرمزية بعيدالهقاوي1

إحصائية العضو





التوقيت


بعيدالهقاوي1 غير متواجد حالياً

افتراضي

اشهد انك ماقصرت وكفيت ووفيت















رد مع اقتباس
غير مقروء 12-May-2010, 11:45 PM رقم المشاركة : 10
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

بعيد الهقاوي

اشكرك على مرورك الرائع يالغالي


تحيتي لك
..















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:02 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي