مرثية الشاعر : مشاري النثري في أخيه مشعل

[طارق النفيعي]

بسم الله الرحمن الرحيم

السلام عليكم ورحمة الله وبركاته

مرثية الشاعر : مشاري النثري في أخيه مشعل بن رفاعي النثري " رحمه الله "

المتوفى الاربعاء 8/5/1431اثر حادث في مدينة ابوجلال

لاواعناي من السهوم العطيبات=اللي ماتاسعها الضلوع المحاني
ياليتني ميّت ومن ضمن الاموات=ولا انفجعت بواحد ٍ من اخواني
اللي خذته ايام بقعا المريرات=واقفى وخلانا بفقده نعاني
واللي معلمني به ابوي بالذات=يوم اتصلبي فالرياض ودهاني
يقول مشعل صار له حادث ومات=ووقفت من هول المصيبه ثواني
ماسمع ياكود اصبر وبعض التنهات=وثره يقصّر بنهتانه عشاني
وانهل دمع العين غارات غارات=حاولت ارده بالرموش وعصاني
تشوف لآثاره رسوم وعلامات=الخد فيه رسوم والوجه حاني
نعم .. من الفرقا وكثر المعانات=بكيت حتى من عرفني بكاني
ماهو جزع باقدار رب السموات=لكن في نفسي بقايا أماني
اما وداعه قبل موته بلحظات=ولا قبل ياخذه .. موته خذاني
قرم ٍ حماسه لكتساب الجمالات=اعز من تحقيقها بالمعاني
الله فيه من الوفا والمروات=والله فيه من العطا والتفاني
يعرف وش ابغى قبل اقوله بنظرات=واطوع على تنفيذته من بناني
لو فيه مخلوق ٍ خدم بالصلوات=ان كان حتى في صلاتي كفاني
عساه بالجنه رفيع الدرجات=وانّه يعين بما بقى من زماني
موته بطش بالخافق وحطّم الذات=وتهبيطته وسط القبر موت ثاني

نسأل الله له الرحمه والجنه وجنات النعيم ..

التوقيع

أخوكم : طارق النفيعي

[مرزوق حمدان العتيبي]

..
عظم الله اجر مشاري ورحم اخاه ...
صح لسانه على هالقصيده المعبره في اخيه ...
ولاهنت ياطارق ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الحميدي العتيبي]

..
عظم الله اجر مشاري ورحم اخاه ...
صح لسانه على هالقصيده المعبره في اخيه ...

[فيصل المسعودي]

عظم الله أجرهم وأحسن أعزاهم

نسأل الله لمشعل الجنة والمغفرة والعتق من النار

صح لسان مشاري

قصيدة يتجلى فيها الفقد وروح الاخوة وصدق المشاعر

شكراً ياطارق

تحياتي

[محمد العتيبي]

رحمه الله وجميع اموات لمسلمين ..

مرثية مؤثره

لاهنت يالغالي على النقل

تحيتي
..

التوقيع

للتواصل عبر twitter تويتر al_bargawy@

[ابومشعل العازمي]

يعطيك العااااافية طارق

[محمد بن حويل]

الله يرحمه ويسكنه فسيح جناته


مشكووووور اخوي طارق على الطرح



تقبل مروووووووري

[ضيف على عتيبة]

الله يرحمه ويسكنه الجنة

عظم الله اجرهم

[ولدعساف]

..
عظم الله اجر مشاري ورحم اخاه ...

صح لسانه على هالقصيده المعبره في اخيه ...

ولاهنت ياطارق ....

,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[شديد الشيباني]

الله يرحمه