ياعيدنا اللي صاير(ن) بيـن عيديـن

[صقرالحره]

ياعيدنا اللي صاير(ن) بيـن عيديـن=بين رمضان وبيـن عيـد الضحيـة
جعلك تعود ليال وشهـور واسنيـن=وحنـا بخيـر ولا رزانـا رزيــه
نعم بنعم الضافـي الأمـن والديـن=ماعنـدنـا بغـضـا ولا مكرهـيـه
في ظل ربي ثـم بظـل السلاطيـن=العادليـن اللـي ذممـهـم بـريـه
حكامنا الوافين في العسـر والليـن=فـي حكمهـم كـل القبايـل سويـه
وحنا لهم طـول الليالـي مطيعيـن=علـى كتـاب الله وسـنـة نبـيـه
من عهد أبو تركي مقـر الموازيـن=اليـا عيالـه طيبـيـن السجـيـه
متكاتفيـنـن كلـنـا ومتصافـيـن=الـرأي واحـد والضمايـر نقـيـه
سوات هذا اليـوم فالمحفـل الزيـن=اللي حضرنـا فيـه مـن كـل نيـه
في أربع ميه وإلف وثمنيه وعشرين=في شهر عشره وسط نجـد العذيـه
مسجل(ن) في قلوبنـا والدواوييـن=مايمحـي مادامـت الشمـس حيـه
مزايـن الهيـلا للأبـل المـزايـن=أهل الحلال اللـي قليـل(ن) حليـه
سود(ن) وواضح(ن) غاليات المثامين=وشعل(ن) وصفر(ن) فيهن الجاذبيـه
نسع الغـوارب ضافيـات العرانيـن=وظهورهـا فيهـا تقاعـس شويـه
معمقات(ن) مـن خيـار البعاريـن=ماحولـت فيهـا الزمـول الـرديـة
ومن السطر فيهـا تـدك المياديـن=عسكـر ولـو ماتعـرف العسكريـه
تعمل عروض خلاف ويسار ويميـن=تقـول راعيهـا مــدرب سـريـه
والوحـده منهـا تراعيـه بالعيـن=تقول تضـرب لـه سـلام وتحيـه
ماجـات معنـا بالتسلـف وبالديـن=والا عطـن مصفـوط والا هـديـه
اللي ورثها من رجـال(ن) مسميـن=وصية(ن) يوصـي عليهـا وصيـه
واللي دفـع فيهـا مئـات الملاييـن=ويقـول مهمـا سقـت فيهـا بليـه
والبـل تـرى ماتؤخـذ الا بثنتيـن=شي(ن) مجرب من علـى الجاهليـه
أمـا بنثـر الـدم يـوم الأكاويـن=ومصافق الفريـس صبـح وعشيـه
والا قناطير الذهـب والذهـب ويـن=يخلـي النـاس الفقـارى غنـيـه
وحنـا كسبنـاه مـن أول وذلحيـن=بالجهـد وعـزوم الرجـال القويـه
وقمنا بواجبهـا كـلام(ن) بتثميـن=واللـي يسـوي مثلنـا حـي حيـه
مرباعنا عرعر وأبا القـور ويميـن=اليا الحجـر ومـن تحتهـا شويـه
وأن صار للصيف المبكـر وداديـن=علـى العبـال الشاسعـات الخليـه
جاتك تخافـق مخزيـات الشياطيـن=تبغا الجنوب اللـي تطـارد نصيـه
وأن صار يامشكاي وجه الدهر شين=وضاعت علوم اللي يسوق المطيـه
علـى مصارفهـا بربـي قويـيـن=ندرك عشاهـا لـو نباتـت وقريـه

الشاعر الكبير ملفي المورقي(ابو وافي)

[قف امامك عتيبي]

قمت الابداع ومشكووووووووووووووور ولاهنت
1
1
1
1
1
اخوكم : سعود سالم الدغيلبي

[صقرالحره]

شكرا لك اخوي العزيز سعود

اسعدني تواصلك بارك الله فيك

[عبدالله هادي ناشي الفليت.]

مشكوووووووور على القصيده اخوي

وسلملي على ملفي

[صقرالحره]

لاهنت اخوي العزيز هادي الفليت
اشكرك على الحظور
وسلامك يبلغ ان شاء الله