الهنوف اللي تربت في عفيف \ لمشعل المرشدي ( المحنك )

[سلمان المرشدي]

انقل لكم هذه القصيده وهي لــالشاعر الكبير مشعل حسين المرشدي ( المحنك )





امس العصر ساقتني الذكرى على الضلع المنيف
وجهتلـه يـوم النحايـا وجهـت بـي يمتـه


عديت به والصدر متضايق وانا حالـي كسيـف
وهيجنت بأعلا الصوت حين اني رقيـت لقمتـه


وقامت بيوت الشعر تطري كل بيتً لـه رديـف
لين اكتمـل منظـوم لولـو والقصيـده لمتـه


كله على شان الهنوف اللي تربت فـي عفيـف
اللي على القلب اركت الميسـم بعـد ماحمتـه


ام الحلا وام الدلع والجيـد والخصـر النحيـف
ام العيـون اللـي هدبهـا يشتبـك لاضمـتـه


كانت تقابلني وقابلها علـى الحـب الشريـف
ودلـو المحبـه بيننـا محـدن يعكـر جمتـه


ولا يفرقنـا شـتـاء ولا يفرقـنـا خـريـف
وعلى اللقاء كـلً مـن اللهفـه يجـدد همتـه


انا وهي طول الزمان الرقـم الأول والوصيـف
اقطف لها ورد الغـلا ويفـوح لامـن شمتـه


واليوم فرقنـا الزمـان وراح لطفـك يالطيـف
عقب الصغير اللي وهبها الله وبسمـي سمتـه


لوكان ابومشعل درى والله مايقفـي باالوليـف
مار النصيب الشيـن خدرنـا وجـاب مطمتـه


هاذي مقاسيم الحياه وغلطـة العقـل النظيـف
اللي تمادى ليـن عسـرات الدعـاوي خمتـه


ودك ليامنه جمعـك الحـب باالغـض العفيـف
تغانـم الفرصـه مـدام العـود بـأول زمتـه


هذا هو اللي جابني لمعانـق الضلـع المنيـف
واسرار قلبي جعلها مـن ذمتـي فـي ذمتـه


مشعل المرشدي

((المحنك))

آخر تعديل سلمان المرشدي يوم 26-Mar-2012 في 04:40 PM.

[محمد الذيابـــي]

..


صح لساااااااااااانه



مشكوووووووووور يالغالي...

التوقيع

التوقيع محمد الذيابـــي

[الغضنفر]

هاذي المحنك المرشدى صح لسسسسسانه ملالالالالالالالالالالالالالاين لنه محنك ولك الشكر ملالالالالالالالالالالالايين يالمرشدى ويعطيك العافبه على النقل المميز ياالمبدع وبيض الله وجهك

[سلمان المرشدي]

المشاركة الأصلية كتبت بواسطة محمد الذيابـــي

..


صح لساااااااااااانه



مشكوووووووووور يالغالي...

العفو يالذيابي ولاهنت على حضورك

[سلمان المرشدي]

المشاركة الأصلية كتبت بواسطة الغضنفر

هاذي المحنك المرشدى صح لسسسسسانه ملالالالالالالالالالالالالالاين لنه محنك ولك الشكر ملالالالالالالالالالالالايين يالمرشدى ويعطيك العافبه على النقل المميز ياالمبدع وبيض الله وجهك

العفو يالغضنفر والله يعافيك ويسلمك
و وجهك ابيض يالغالي

تحياتي لك طال عمرك

[محمد القوس]

صح لسانك يامشعل

ابداع ابداع ابداع

وسلمت يانقلها

[مهدي الأعصاب]

صح لسان مشعل صح صح صح ولافض فاه

وجعل يمناك ياسلمان على نقل هالقصيده مايجيها الضرر..

ابيات شاعر جزل ووصف مبدع واحساس قلبٍ خضر


مع كل تحياتي

[مهدي الأعصاب]

صح لسان مشعل صح صح صح ولافض فاه

وجعل يمناك ياسلمان على نقل هالقصيده مايجيها الضرر..

ابيات شاعر جزل ووصف مبدع واحساس قلبٍ خضر

وبلا شك تحكي قصه حقيقيه كما فهمت... وممن هنا اخذت شاعريتها

مع كل تحياتي

[عايض جزاء العصيمي]

صح لسانه
والله يعطيك العافيه على النقل المميز وحسن الاختيار

[سلمان المرشدي]

الله لايهينكم وصحة ابدانكم بالنيابه

وتسلمون على مروركم طالت اعماركم