(ثبتي) وإلا (ثبيتي) وإلا مافيه فرق بينهم؟؟

[فـهــيد]

ليس هناك الا ثبيتي واحد سواء في نجد والا الحجاز
واعجبني اسم العضو روقي ثبيتي وهو الصحيح

[البراق511]

السلام عليكم ورحمة الله وبركاته وبعد

انا والله ماقد سمعت با الثبتي الي اعرفه انه حنا يا الروقه الثبتان يقال لنا في الجمع ( الثبتان ) واما عيال عمنا ثبتة الطائف يقال لهم في الجمع (الثبته) وما قد سمعت با الثبتي هاذا والله اعلم

[بن قليل]

مشكورين اخواني على التعليق واحب اوضح لكم الصوره اكثر ان الرباعين من اهل لغب وهم قساوره من اللصه من الثبته بنى سعد وجميع الثبته اهل السيل يرجعون الى بنى سعد وعتيبه عامه والى مايرجع اصله الى ثبيت ؟؟؟؟ ماله في عتيبه بيت
والثبته لا برقاء ولاروق كونهم اساس عتيبه والكل يرجع لهم وللمعلومه جميع القبائل بعتيبه لها اصلول في بنى سعد وابناء عمومه لهم ولهم حصون باقيه الى يومنا هذا وفي حفل ابن قليل بالطائف بتاريخ 4/8/1429هـ في قناه المرقاب ارجو الاطلاع عليه الحفل وتسمع كلمه الامير / عبدالله بن عمر بن ربيعان

وماذا قال شاعر الهيلا والمصيف / محمد سعيد الذويبي
صاحت عتيبه وينكم يالشجيعين
‍ياصور صرحاً ماتزعزع عتابه
برقا وروق أبناء ثبيت الأصيلين
ومن ثبت أصله شرفه واعتزابه
الجد ثابت بن سعد بن بكر وين
كانت هوازن تنطلق من عضابه
واليومه اعتيبه على العز باقين
صفآ موحد ماتخضع رقابه
http://www.thowibi.com/vb/showthread...C7%E1%E1%D5%E5

قصيده الشاعر / محمد بن سعيد الذويبي الثبيتي
يا نسايم نجد هـزي كـل عـود
والهوى اتسامه من أجبال السراه
واصعدي للشمس بالعالي صعـود
وجعلي نور القمر يشـرق سنـاه
وادعي إلنا يا عسى الماضي يعود
ماضيآ(ن)مأكـل متحضـر قـراه
سجلوه أهـل الشجاعـة للخلـود
وسارت الأجيال تمشي في ضيـاه
السنين أشهود والواقـع شهـود
وكل موقع تشهد أنهـاره ومـاه
ربعـي عتيبـة عربيـن الجـدود
الكرم والطيـب فيهـم والحـزاه
كـل منهـم لاحقـود ولاحسـود
معدنآبالطيـب عالـى مسـتـواه
الشهامـة والمـروة والصمـود
ولا يحب النقص في حق أحـدداه
سمعت اعتيبه على مـر العقـود
تكتـب التاريـخ وتعـزز بـنـاه
العتيبـي لاذلـيـل ولا جـحـود
عـز ضيفانـه وربعـه وقطـراه
وكل شيخآ(ن) بالصوادر والورود
ماظلـم غيـره وراسـة ماحنـاه
غيـر لله بالركـوع وبالسجـود
يمتثل لأمره ويمشي فـي رضـاه
عزوة(ن)من قادهـا للعـز قـود
كل شيخآ(ن)طـوق ألامـه ثنـاه
في نهار(ن)فيـه تلتـم الحشـود
والجبال أتذوب من شدت لأضـاه
ماتهنت بالكـرى عيـن الرقـود
وكل مخطي يطلـب الله فالنجـاه
هذي اعتيبـه مقابيـس الزنـود
قبـل أبـو تركـي يذريـنـا ذراه
رفرف البيرق على متن العمـود
وعلن التوحيـد والكـل ارتضـاه
وجتمع شمـل القبائـل فالوجـود
وأكرم المسـؤل والجاهـل هـداه
وشرقت شمس التلاحم والصمـود
والوطن نحماه لـو كثـرو عـداه
للوطن من حيث مـا كنـا جنـود
مانفرط في شبـر منمـا احتـواه
الأمـن موجـود والدنيـا مهـود
وكل شيخآ(ن)ترفع ألهامه أعـزاه
والملـك عبـدالله الأب الــودود
واحترامـه عندنـا كلآ(ن)يـراه
يا بن أربيعـان ياشبـل الأسـود
ياسليـل اثبيـت ياذخـر الابــاه
أنت ابن ثابت وربعك في الوجـود
من ربا حائل إلى أجبـال السـراه
ومع بن أقليل نرش إلك الـورود
وننثر الريحان بـدروب المشـاه
نحترمكم واحتـرام إبـلا حـدود
لوشرحنـا مـا وصلنـا منتهـاه
لأورب البيـت ماهـو مـدح زود
مدح حـب المـن تملكنـا غـلاه
انتم امن اثبيت وثبيـت العضـود
ونحمد اللي مدنا عـزآ(ن) وجـاه
مرجع اعتيبه علـى كـل البـدود
ولانـفـرق بينـهـم فالاتـجـاه
عزوتي برقا وروق اسمآ(ن)يسود
والزمـن مهمـا تغيـر مامحـاه
انشد اعن اعتيبه وتوحي الـردود
عـزوة الهيـلا مهديتـا لعصـاه
عزوة(ن)في مدحها أتشجع وعود
وسمها مانا صـل القمـة بـلاه
كل ما خيل سحـاب وهـب نـود
وذكرت أنواع الشهامـه والبـراه
وكل ما تبرق وما حنـت رعـود
وكل ماتـروي سواليـف الـرواه
عن عتيبه لاجنـوح ولا صـدود
تعتـرف فينـا القبائـل والـولاه
والقبائـل طيبهـم مالـه حـدود
كل منهم بالشـرف رافـع لـواه
نشكر اللي من كرم جوده نجـود
ومن سعى للموت يمنحه الحيـاه
مرحبا باللي على الكـل معـدود
من شهر وعيان ربعه في حـراه
زارنا وفـدآ(ن)ولا كـل الوفـود
من سنين أنمنـي الـروح أبلقـاه
مرحبا ترحيـب حـر إبـلا قيـود
من ربا الطائف ومن بنـة شـذاه
ألطف امن الماء المصفى للكبـود
وأعذب امن الشهد في لذة حـلاه
يا عزاتـي يـا عريبـن الجـدود
وكل حي يزور ربعـه واصدقـاه
يكتب التاريخ عـن عـاد وثمـود
كيف ما يكتب عن اثبيـت وفـاه
من عطا التاريخ مسك وعطر عود
وعطرا لعالـم بطيبـه وغتشـاه
الشرف موجود والـرب أمعبـود
مع محمد مـع خوالـه ونسبـاه
يالله اجعلنا علـى حوضـك ورود
مع رسول الله عليه أفضل صـلاه
وحفظ أمجاد الوطن بال السعـود
وعاش أبو متعب وطال الله بقـاه

وقصيده الشاعر / سعيد الشهيب الثبيتي في حفل ابن قليل بن محسن الثبيتي في الطائف على شرف الامير / عبدالله بن عمر بن ربيعان


الاوله يالله يامعبود مرتفع الجلال
ياعـالم أسرار الخلايق دقها وجـلالها
ياحي ويا قيوم ويارب الملا جل وتعال
ماني بلااخر ولا أول من دعاك وقالها
تقيم لنا خشيتك درب الهدى والاعتدال
والنفس ترضيها وترزقها بحسن أعمالها
وأحفظ لنا هذا الوطن في كل وقت وفي كل حال
واجعل تباشير السعد فوق جـل جلالها
وإحنا هل الحسد والفسق وأصحاب الضلال
عـقول مـاتت وطـنها شيـن الله فـالها
وأحفظ لنا صقر العروبة واجعل سنينه طوال
مليكنا إلي كل قـالها للوطن يسعا لها
نقدر نعيش بلا طعام ولا شراب ولا ضلال
إلا محبـة خـادم البيـتين وش بـدالها
والي بعدها زاد همال الخيال
مزنه صادقه رعدها والمطر في خيالها
وذوي قـلـيـل رحبوبك عادتك كرام السبال
محبتك في قلوبهم تعرف طوال أحبالها
تشريفك لهم مايقدر بالثمن مهما يقال
أغلى من بنوك الذهب وجنيها وريالها
وثبيت ربعك لوطاوعتهم وتعطيهم مجال
وفي كل حله فاح ريح الهيل وسط دلالها
كل يقول أبيك تكرمني ولك واجب لحال
واخوي ما يخشر في مثلها وسوالها
محبتك ياشيخ نذرفها من صدور الرجال
والثار رحب فيك واديها وروس أجبالها
وأنا أتشرف اكتب بيوت الشعر من كل جال
وانضم قوافيها وأغنيها على موالها
اكبر شرف لشاعر إلي يحسب لكل احتمال
بصمه يسلمها لسنين ألمقبله وأجيالها
لا قال في مثلك قصده واكسب مدح وقبال
واصغر عياله يعرف زحول الرجال إخلالها
ولا حفظها قال أبويه قال في بعيد المنال
هات القصيد واسمعوها واسمعوا منهالها
لوان شعري ووالقريحه يالعتيبي لاتزال
تعجز قوافيها ويعجز بحرها وأمثالها
يا أمير نا ياشيخ بالقرم يادرب الخصال
ياسيف ربعه داعي الهيلا ومنعالها
إلي سواتك كسبت الطالات من عم وخال
وانت وابوك وجدك وعلوم النشاما نالها
ماسجل التاريخ منصب بالمجامل والريال
الا في مواقيف الرجال قولها وافعالها
وانت مواقيفك تشرفنا على طول الليال
في غربها في شرقها في جنوبها واشمالها
ان كان في الدوله كسبت من الثقه حسن المثال
فيك الولا والكل غلا في اخفافها واثقاهلها
تجدد البيعه وحنا لا دنا منا السؤال
نـقـول كلمـتـنا وقيـدوم الـقبيـله قـالـها
وان كان مع ربعك جبل وراس من اثقال الجبال
ولاثـقـلة هموم القـبيله عارفين إجمالها
انت واخوك ابن حميد اخوان اهل قول وافعال
قال المثل ماتصفق اليمنى دون شمالها
من شافكم في ملتقى الهيلا كبر راسه وطال
بين القبايل وافتخر بعزوته وارجالها
ما ينسي يوم اجتمعنا في كأن السيل سال
حتى الهواتف بطلت عيت تبث ارسالها
كبرت ياراسي وميلت العمامة والعقال
واقول هذي عزوتي وشيوخها وأبطالها
بعض الاوادم يأخذ المنصب يدور راس المال
وانتم مناصبكم بنوك للمجد وروس اموالها
لاهو بنيف ولا صريف ولابعيد ولا محال
على الشجيع إلي مواقف النشاما طالها
من جدنا وشيوخنا تمشي على عز وكمال
يا هيبت الله هادي الهيلا وهذي حالها
هذا وصل الله وسلم عد همال الخيال
على شفيع الخلق داعي على حسن اعمالها
ووسلامتكم,,,,,,

[خلف القثامي]

وفيت وكفيت يابن قليل


ونعم في الثبته وبشيوخها ورجالها


وبعتيبه الهيلا كافه



واشكرك ع الاضافه والقصائد الرائعه

[عبدالمجيد النفيعي]

المشاركة الأصلية كتبت بواسطة البراق511

السلام عليكم ورحمة الله وبركاته وبعد

انا والله ماقد سمعت با الثبتي الي اعرفه انه حنا يا الروقه الثبتان يقال لنا في الجمع ( الثبتان ) واما عيال عمنا ثبتة الطائف يقال لهم في الجمع (الثبته) وما قد سمعت با الثبتي هاذا والله اعلم

أصلاً هذا الواقع المشهود والمعروف في تفريع عتيبه الثبتان منهم بن ربيعان من الروقه والثبته منهم هل السيل من برقا

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[الحميدي العتيبي]

..انا ثبيتي روقي وجمعنا ثبتان او ذوي ثبيت وننقسم الى _ البراريق مفردها براق ومنهم الشاعر زبن بن عمير الثبيتي رحمه الله _ ومنا شقران _ وحمران وغيرهم ومنازلنا وديارنا كلها في نجد ولا لنا ولا هجره في الحجاز . ومن هجرنا 1_ هجرة وضاخ للبراريق من ذوي ثبيت واميرها فاحان البراق الثبيتي 2_ الداهنه وأميرها ابن حليس ويسكنها الحمران من ذوي ثبيت

أما ثبتة السيل فهم من برقا وهذا اللي انا اعرفه من يومي ...

آخر تعديل الحميدي العتيبي يوم 11-Jun-2010 في 05:21 PM.

[راع العبيه]

الموضوع الاخوان كفوا وفوا فيه وانا قد مر على مثل هذا الكلام ولكن الواضح ما يحتاج ايضاح

[فهااد]

المشاركة الأصلية كتبت بواسطة محقق تاريخي

لا بدّ أن لدى هذا الشايب وغيره الأساس الذي بنوا عليه قناعاتهم

اول مره نسمع بما يسمى (( الثبتي )) !!!؟؟

ولكن هذا

اكتشاف يحسب للشايب المذكور

قناعات العوام في كثير من الامور ومن ضمنها هذه التسميه الشاذه ليس لها اساس .

وليس بالضروره اقناع هؤلاء او ان نبحث عن سبب قناعتهم !.

على كلٍ ان قابلته مره ثانيه اسأله تعرف مطلق الثبيتي والا لا ؟؟؟؟

[سعد الرياض]

اول مره اسمع بالثبتي !!!




وبالنسبه لعيال عمنا الثبتان ذوي ثبيت نجد فرع من ذوي ثبيت الحجاز


حنا ذوي ثبيت كافة بالأول وبالتالي=الاصل واحد وكلاُ منا رفيع الشاني
بلادنا نجد صارت لنا غصب منزالي=وبلادنا الحجاز واللي بها ذراعنا الثاني


وسلامتكم

[على الغيم]

اخوي لم نسمع الا بالثبيـــــــــــــــــــــــــــتي فقط