ديـــوان الأبــيــات الــمــمـــــتــازة,,

[شاعر شعبي]

يقول عبدالله بن زويبن :

ياشين بعض الاوادم لوضحك سنه = يضحك بوجهي ويشذب في عراقيبي
واللي ليا غبت غوجه للطرد عنه = وجرّد سيوفه عطيبات المضاريبي
هجرت كل الدروب اللي يمرنه = اخير لي من مجيه .. عنه تجنيبي
لو ما اقتدي في كتاب الله والسنه = خليت كل ٍ على دينه يصلي بي

[شاعر شعبي]

يقول سعد بن جدلان :

بعض القراشيط ما تستاهل الضمه = ما غير عبوا لها الوايت وعشوها
قطعة جفار ٍ على البرسيم ملتمه = واليا انتهت ربطة البرسيم هجوها

[شاعر شعبي]

يقول فلاح بن مبرد :

تواضعي بالطيب لأظهار كبري = في ماقف ٍ يصعب على مستخبره
ما اضيق من شبر ٍ ورا قوس شبري = يغضبني القاصر على شين دبره

[شاعر شعبي]

يقول نايف بندر :

الاثرياء بشوت وارقام وابراج = ورغباتهم مابين سري وعاجل
تلقى حراويهم منافق وهراج = ناهيك عن شلة شويعر وداجل
لاتستضيق ان عشت كادح ومحتاج = الفقر فــالغالب ضريبة مراجل

[شاعر شعبي]

يقول سعد الحريّص :

ان رحت يا كثرهم وان جيت يا كثري = ضاقت بي عيونهم لو كنت وحداني
احيان ودي اطيح من التعب وازري = وتشيلني عزتي وسلوم جداني

[شاعر شعبي]

يقول سعد بن جدلان :

كل المشاهير فالتاريخ موجوده = مقري ومسموع ومجغرف ومشهودا
وثنتين في عالم التاريخ مفقوده = جنازة حسين ومثلث برمودا

[خالد سعود]

ودي اشاركم لوسمحت بالبيتين هذي

لاتبدي الشكوى ليا ظامك الشيل=الا على قرمن يحس بوجعها
رجلن ليا التفت عليك النشابيل=اما شبرها شبر والاذرعها

الشاعر /عبد الله بن عون

[ولد الطنايا.]

شكرا على هذة اأبيات الجميلة

[خالد سعود]

عفوا لاهنت

[خالد سعود]

بيتين اتمنى ان نفهمها ونعمل بها

ياخوي فالاسلام بأهديك هالبيت=وابيك تفهم مقصده لاقريته
لاتنظر لصغر الخطيه لياأخطيت=أنظر لعظم الخالق اللي عصيته

الشاعر/خالد سعود بن عون