(حرب) و (عتيبه) ارجوا من الجميع الاطلاع

[تركي الحربي]

ادراة هذا الصرح الشامخ والمشرفين والاعضاء والقائمين عليه

السلام عليكم ورحمة الله وبركاته


كل رجال يعتز في قبيلته ويذكر معاركها وبطولاتها لكن لايهضم حق الاخرين والقبائل الاخرى


لقد تصفحت وصلت وجلت في هذا القسم ( معارك وبطولات ) ووجدت التعصب على بعض الكتاب والاعضاء

فهذا شي لاينبغي ،، ونعم في عتيبه الهيلا لكن لماذا الاعضاء هنا يتجاهلون حق الاخرين


قرأت في بعض المواضيع عبارات لاينبغي قولها مثل ( انهزموا اشر هزيمه ) و ( قفوا شاردين )

لو وجدتوا هذه العبارات في منتديات حرب وهي اكثر من منتدى اسأكم بالله ماتزعلون وتغضبون منها ؟؟؟


فمن حق كل قبيله ان تفتخر بامجادها وبطولاتها لكن بدون ذم وتجاهل الاخرين ....

ورأيت في هذا المنتدى هجوم واضح على قبيلة حرب وعلى قبيلة مطير ... لماذا هذا الهجوم ؟؟

ووصلت الى درجة التشكيك في الانساب الى هنا ويقف كل واحد عند حده ...

اذا تبغوننا نستمر مع بعض وناخذ ونعطي في العلوم الطيبه فارجوا من الادراه والقائمين على منتدى الهيلا ان توقف بعض الاعضاء عند حدودهم .... واذا لم يحصل ذلك وتبغونها حميه جاهليه ماعندنا مانع وكل واحد يشعب ذلوله ..


اناشد كل عتيبي لو ذهبت الى منتدى لقبيلة حرب ووجدت تشكيك في الانساب تزعل والا لا ؟؟؟


اتمنى ان تتوقف هذه المهزله وتعود المياه لمجاريها

تحياتي

[هوزن العتيبي]

كلام طيب ياتركي من رجال طيب ...........ولكن مالذي يحدث في منتديات__مجالس حرب اقرأ هناك وسترى ان هذا المنتدىأفضل من حيث أحترام الغيرز
ولك تحياتي

[طلاع الكريزي]

حياك الله ياتركي ونعم فيك وبصلك الطيب ولياهاالحين وحنا نفتخر بشبابه والدليل عان ربعي يكتبون عن شبابه في المنتدي وابن هذال قال خواله حرب واعمامه عتيبه بس انت الله يهداك سويت سوات عاقل السهول طول بالك ياالحربي وشكرررررا

[أبو مرحبا]

ياالشبابي


نحن لانشكك في نسب قبيلة حرب ولا قبيلة مطير

قبيلتكم عزيزه على قلوبنا

فالله الحمد كلن عارف نسبة مهوب انا ولا انت يبا يغير في التاريخ

ولاهنت على الموضوع

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[فتى وادي الرشا]

كلامك طيب يالحربي لاكن انت متاكد ان منتداكم مايجي منه خطا بالمره ارجع له وتاكد |192|

اما بالنسبه لمطير فالصراحه منتداهم غير (|74| |74|)

وشكرا لك

[قاطع طريق]

بواسطة: تركي الحربي
ووصلت الى درجة التشكيك في الانساب الى هنا ويقف كل واحد عند حده

المنتدى قدامك فاتح بيبانه

هات الراوبط التي تدل على كلامك هذا

وإلا فأنت كاذب

[قاطع طريق]

بواسطة: هوزن العتيبي
كلام طيب ياتركي من رجال طيب ...........ولكن مالذي يحدث في منتديات__مجالس حرب اقرأ هناك وسترى ان هذا المنتدىأفضل من حيث أحترام الغيرز
ولك تحياتي

بواسطة: فتى وادي الرشا
كلامك طيب يالحربي لاكن انت متاكد ان منتداكم مايجي منه خطا بالمره ارجع له وتاكد

الأخوة الكرام/ هوزن وفتى وادي الرشا
الكلام في المنتديات, سهل ولا يغضب أحد
وماله أي قيمة
لكن المشكلة الذي يؤلف الكتب في تاريخ الأمة, وهو أجهل ( ....... ) أبيه.
يزيف القصة هذي, وينكر القصة هذي, ويبتر الوثيقة هذي, ويجحد القصيدة هذي, وبدون إي دليل
وتعليقاته تذكرني بتعليقات أخوي في صف ثالث ابتدائي!!
يعني بالعربي الفصيح فضيحة على تاريخ الجزيرة العربية.
واخذ وخل


وليا هالحين ما تحرك أحد!!!

فعلاً نحن في أخر الزمن
لأنه من علامات الساعة ان يوكل الأمر إلى غير أهله.

[هوزن العتيبي]

الاخ العزيز قاطع طريق
سبق ان قلت بالمنتدى ماقلته انت الان ولكن للاسف ماعندك أحد موروث عتيبه وأشعارهم وقصصهم زيفت من قبل الكاتب المعروف الذي تشير اليه والذي لم يشتهر الا بسبب حماقاته ولكن شهرته امام قبيلته فقط
وعموما عتيبه محاربه من قبله و ((...نتمنى من كتابنا المميزين امثال هنيدس وغيره ان لاتقتصركتاباتهم على الانساب فقط)) وانما التصدي لهذا الكاتب رويبضة الامس

[قاطع طريق]

[TABLE="width:70%;"][CELL="filter:;"]

صدقت وانا خوك

[/CELL][/TABLE]

فلو أني بليت بهاشميٍ = خؤولته بنو عبد المدانِ
صبرت على عدواته ولكن = تعالوا فانظروا بمن ابتلاني

[ابن القبيلة]

يامـن سـأل عنـي وللعلـم نشـاد
أني صبي من حرب اهل السـدادي


اللي لهـم تاريـخ يشهـد بالأمجـاد
ومعروف عند الحاظـره والبـوادي


يالمستمع لحضـات بأنبيـك بأمـراد
واعطيـك نبـذه لاتصيـر أنحيـادي


ترى الكـلام الزيـن هوملحةالـزاد
ولاعّد أنا قولي علـى غيـر قـادي


أسمع رعـاك الله كلامـن بالأوكـاد
ماينقـل سيـفـن بلـيـا أغـمـادي


مـن أخوحسنـاء للمعاديـن مبـراد
مقدم حمول الخيل طلـق الجـوادي


شريدت الفرسـان كسـاب الأسعـاد
مظـراب سيفـه بالنحـر والثنـادي


ومناأخودلهـا بالمواقـيـف ســداد
طير السعد يعجبك وقـت الهـدادي


هذاك أبن سعدى عمى عين الأضداد
عوق الخصيم أن جى نهار الطرادي


وبن نحيت اللي على الطيب معتـاد
فرز الوغى ون حل وقت السـدادي


وبن جـزى نفخـر بعلمـه ونـزداد
ريف القطين ألياحدىالقـوم حـادي


ونويشي اللي قصتـه ذكرهـا سـاد
دون الخـوي مـاذاق لـذ الرقـادي


ومنوّر غدى لنحور عدوانه أضهـاد
حرز الذليـل بماكـر العـز بـادي


وأذكر أبن ناحل عن الضيف ماحـاد
منـزال بيتـه شامخـن بالحمـادي


ونعيس صيته مشتهـر بيـن الأولاد
أمـورّد الهيـاب بيـر الهـجـادي


ومنا أخو نمشه بالنبـاء أبـن حمـاد
لـه ماقفـن مشهـود ماهـي دوادي


وبـن جديـع بوقفـه فــك الأذواد
وسلمان أبو خالـد رفيـع المبـادي


وفيحان أخو نوره جهد نفسه أجهـاد
ومانع أخو فـزه ضديـد المعـادي


ومناالبلالـي ماقفـه درع وسـنـاد
فك الدخيـل وفـي حياتـه مفـادي


ومناالذويبي له مـع الطيـب ملكـاد
وبن أصميعر بالكـرم لـه مـزادي


هذامقيـل وغيرهـم بــد وأبــداد
ذكرت روس أقلام حسب أجتهـادي


صعبن أبحصيهم جماعـات وفـراد
أمـور تجهلنـي كثيـره اجــدادي


ذكرت موجز ماتقصـاه مـن غـاد
بسم قبيلـة حـرب عنهـم وآحـادي


ربعي مواقفهم على روس الأشهـاد
ويطوعـون اللـي براسـه أعنـادي


من يومها غزون على دور الأجـداد
تعـرفّ مواقفهـم بقـدح الزنـادي


صوارمـن فـي قمـة المجـد روآد
ووقفاتهـم فيهـا ثبـات وركــادي


ربعي ذرى وجهي عن اللأهب اللحاد
سيفن أعـده مـن سيوفـن احـدادي


وكل القبايل فيهـم شيـوخ وأسيـاد
ماذمـهـم والله علـيـم بـمـرادي


شي ٍ عرفت وشفت مانـي بجحـاد
لهـم أحقوقـن وافيـات ومـبـادي


واليوم هذاه كلنا أخـوان وأعضـاد
وأنا أحمـدالله حـدر رايـة بـلادي


ون جى مجال وصار للعلـم ميـراد
حربي ومثل حربي بأسمـي ونـادي


وودي بشورن فيه توجيـه ورشـاد
يالله عسـا منـه الهـدف يستفـادي


واللـي مهـو لله حتيـش لــو زاد
تـرى مصيـره للفنـا والنـفـادي


للكيـف شرابـه وللشـعـر نـقـاد
واللي يتيـه الـدرب ينقـال غـادي


ترى التكاتـف فيـه منهـج للسعـاد
والتفرقـه فيهـا طريقـن محـادي


من يفرق الثنتين عن درب الأجـواد
واللي يزل يضيـع مـع كـل وادي


ومن لانفع ربعه رجع نقـص مافـاد
لوكان طامع فـي غـزال الشـدادي


يرجح به الميزان ويشوف الأزهـاد
وش عاد لوهو فـي نعيـم البـرادي


ومن شح بالمعروف ماهـو بحصـاد
تذبل غصونه قبل قطـف الحصـادي


وعند اختلاف الراي بسلـوب ينعـاد
ولايصير في وسط الحبال أنعقـادي


تكاتفـوا بالـراي والمنطـق الجـاد
علـى الوفـى تكاتفـوا بـالأيـادي


القـاف شـاب وخيرماقيـل تـرداد
تحيتـن مـن عـود عنبـر وكـادي


وصـلاة ربـي عـد ماهـل رعـاد
على النبي المرسول للخيـر هـادي

--------------------------------------------------------------------------------

وانشاء الله تعجبكم القصيده .......