حبيب العازمي *عبدالحميد الفهمي .أنتم وحنا ..تحاور الكبار.

[نبض الكلام]

بسم الله الرحمن الرحيم

أطرح بين أيديكم قاف دار بين الشاعر الكبير حبيب العازمي والشاعر الكبير عبدالجميد الفهمي.

بصراحه أطربوو الجمهور .قاف من أجمل ماسمعت ,حضروو شعراء الإبداع وجسدو الابداع للجمهور.

البدايه كانت من حبيب العازمي وكان عبدالحميد بالمرصاد..


حبيب العازمي

سلام ياعزوة فهم وأنتم وحنا فاهمين**إن المواقف واحده وديرنا متقاربه

عبدالحميد اللي بجن الأرض يبقى يستعين**أظن شمسه شارقه والجن شمسه غاربه


عبدالحميد الفهمي

يامرحبا وأنتم وحنا ياحبيب واحدين**ضيفً على وضح النقى لازم ندسم شاربه

أظنكم زودتموها ياحبيب حبتين **أفكاركم مستعربه وأنتم عربكم عاربه

حبيب العازمي

حنا نشوف البينه والعاقبه للمتقين**وليا تولينا الجمل نركي العصا في غاربه

لا والله الا رايكم ماهو بطيب يالثنين**قلت العلاقه صالحه وإثر العلاقه خاربه

عبدالحميد الفهمي

ياللي تشوف الظاهر إنك ماتشوف الا بعين **لاتعترض عابر ولا تقارب قاربه

إمن الشبه ربك خلق ياعاقل الربع أربعين**أحدن مخاوي الجرب وحدن تنفعه تجاربه

حبيب العازمي

إن كان أمير القافله منته بمير المؤمنين**وإن كان قايد معركه نعطيك قوه ضاربه

شوف أكثر الحكام في بعض الدول يجرم سنين**ونهايته يخمه إغبار الرياح وطاربه

عبدالحميد الفهمي

أنته من أنصار الحسن والا من أنصار الحسين**أفعالكم متناقضه وأفكاركم متضاربه

هوازن الهيلا لها تاريخ في غزوة حنين **والعازمي مسراه زان ودرب جده ساربه

حبيب العازمي

أنا من أنصار النبي الهاشمي والتابعين **واللي يحاربني على نهجي تراي إمحاربه

هوازن الهيلا تمثل دولةً عن دولتين **والضلع منت إبشايله والبحر منت إبشاربه

عبدالحميد الفهمي

أصلحكم الله لو قريتم في رياض الصالحين**هاذي حقايق واضحه ماهي بسوق امضاربه

اتقولها والظاهر التالين مثل الأولين **عقرب ثرى مير الزمن دارت بهم عقاربه

حبيب العازمي

الحمدلله الذي يحي عضام الميتين **بعض العرب يدور في هالكون مدري داربه

في الماضيه والحاضره حنا من اصحاب اليمين**واللي يدور ذاربً فينا دورته ذاربه

عبدالحميد الفهمي

الله يعين اللي يدور عون من عبدالمعين**هذا الزمن ما عاد فيه امجامله ومواربه


أتمنى أن ينال إعجاب متذوقين الشعر .

[سعيد مرزوق العبد]

خووووووووووش طاروق

صحة السن الشعار

[البتّار]

تسلم اخوي نبض والفهمي يحلق في سماءالمبدعين بعيدا عن اسلوب التقليديين
وعندما يلتقي مع ابو فيصل فلا تنتظر غير الابداع

[نبض الكلام]

تعديل لي بيت للشاعر عبدالحميد الفهمي
ياللي تشوف الضاهر إنك ماتشوف الا بعين..لاتعترض عابر سبيل ولا تقارب قاربه...أتمنى من الأداره تعديل البيت فضلا وليس أمرآ.

[فيصل بن فهد الجهني]

أظنكم زودتموها ياحبيب حبتين **أفكاركم مستعربه وأنتم عربكم عاربه


الشطر الثاني .. فكرته جميله جدا ..!!


صحت ألسنتهم ولا هنت يا صاحب الموضوع ..!!

[جبل]

طارووق دســـــم بالحيييييل اعجبني انتقائهم للالفاظ المبتكرة


شكرا ياناقل الطاروق

[بندر المقاطي العتيبي]

شعار عال العال

صحة السنتهم

[نبض الكلام]

المشاركة الأصلية كتبت بواسطة سعيد مرزوق العبد

خووووووووووش طاروق

صحة السن الشعار

صح بدنك ..ألف شكر على المرور,,,