عبدالحميد الفهمي + فلاح القرقاح ( يرحم الله عظم ابو جعفر المنصور )

[نبض الكلام]

عبدالحميد الفهمي
مرحبا في مرحبا عد مبدا النور = في حلال تكرم الضيف والعاني
العبيدي صاحبي مابقى له دور = راح مجهوده مع القوم مجاني

فلاح القرقاح
البقى في حلة صفها معمور = والفخر والعز لطوال الايماني
العبيدي صاحبك ما عليه قصور = مير دور لك على مخرج ثاني

عبدالحميد الفهمي
العلوم الطيبه تطرب الجمهور = والعلوم اصناف واشكال والواني
انتظرنا فزعته في مدى منظور = وانتهى صبري ولا عاد بإمكاني


فلاح القرقاح
البشر يالفهمي عيال تسع شهور = وانت ليلك ليل يالذيب سرحاني
ما يعوشر كل ماجا شهر عاشور = غير من يمتد للمد الايراني

عبدالحميد الفهمي
صح لكن بعضهم سعيهم مشكور = والبعض يغدي بهم ضعف الايماني
يالمعوشر لا تحرى جنان الحور = انت فكرك يشبه الفكر الافغاني

فلاح القرقاح
البحر ماضاق بالقرش والهامور = وانا اعرف الحي يالشيخ والفاني
انا لو اني من اللي ورى لاهور = ما ورثت العز من روس جداني

عبدالحميد الفهمي
البحر مظلم وغير البحور بحور = كل بحر فيه موج وحيتاني
يرحم الله عظم ابو جعفر المنصور = كنت ماتسمع عبيدي وزهراني

فلاح القرقاح
لا تنزل بندقك والرصاص يثور = احتزم واقلط علي القوم من داني
لو عيال البطن حنا عيال ظهور = يوم بعض الناس تجميع تايواني

عبدالحميد الفهمي
مزهب البلجيك ومركب الناظور = والرصاص الله يسلمك عماني
الحقيقه كلكم حالكم مستور = لا تقوم تحدني لا تحداني

فلاح القرقاح
انت حول السبع والسبع ماله صور = نجهل الهادم والا نجهل الباني
كان ماودك نحملك حمل الجور = عوذ بالرحمن من كل شيطاني

عبدالحميد الفهمي
ادري ان السبع يجفل من الباكور = والسباع يخيفها صوت الانساني
وانت دكتاتور ياصاحب الدكتور = قادة الاركان ماهزة اركاني

فلاح القرقاح
الله اللي يرزق النسر والعصفور = وانت جاك من الزمن شي ماجاني
ما حصل دون المعاشير دق نحور = خاتمك ماهو بخاتم سليماني

عبدالحميد الفهمي
لا تجر الصوت كنك فرح مسرور = ادري ان القلب بالغيض ملياني
ضيع الفرعون هامان واهل الطور = لو غدا مع كل فرعون هاماني

فلاح القرقاح
عنتر العبسي تراه اشجع من الثور = مير قال انجيت توه توطاني
الله انه يجبر الخاطر المكسور = قد بغيت اسنعه غير ما أمداني

[منصف في زمن الظلم]

القرقاح ما ينلعب معه بهذا الاسلوب
من يقابل القرقاح لازم يحسب حسابه
مع ان الفهمي ما ضاع له شي

[نبض الكلام]

المشاركة الأصلية كتبت بواسطة منصف في زمن الظلم

القرقاح ما ينلعب معه بهذا الاسلوب
من يقابل القرقاح لازم يحسب حسابه
مع ان الفهمي ما ضاع له شي

ألف شكر أخي منصف على الإنصاف .في هذا القاف

[عثمان الثبيتي]

عبد الحميد غامر كثير
وهذا من ثقة ابو احمد في نفسه

طاروق ابداع من الشاعرين والسالم من القرقاح يضلع على قول المثل

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[نبض الكلام]

المشاركة الأصلية كتبت بواسطة عثمان الثبيتي

عبد الحميد غامر كثير
وهذا من ثقة ابو احمد في نفسه

طاروق ابداع من الشاعرين والسالم من القرقاح يضلع على قول المثل

ألف شكر على مرورك

وكلامك جميل .

[مهجرس]

لا تجر الصوت كنك فرح مسرور = ادري ان القلب بالغيض ملياني

فرح مسرور هاذي نضع تحتها 70 خط ؟؟؟؟؟؟؟؟؟؟

وين المحللين ودنا يوضحون لنا هذا البيت

[ناوي الرحيل]

طاروق ناري ,سلمت يمين ناقله ,وصحت السنت الشاعرين

فرح مسرور هاذي نضع تحتها 70 خط ؟؟؟؟؟؟؟؟؟؟

وين المحللين ودنا يوضحون لنا هذا البيت

فرح مسرور فهمي فنانه مصريه على ما اعتقد


ولو استغنى عنه الشاعر لكان الافضل خصوصا انه في اخر المحاوره

[محمد@الجعيد]

كلاهم شعار وخطيرين ولكن اعجبني هذين البيتين

(يالمعوشر) لا تحرى جنان الحور = انت فكرك يشبه الفكر الافغاني

ما حصل دون المعاشير دق نحور = خاتمك ماهو بخاتم سليماني

[سعيد مرزوق العبد]

الفهمي هذا له مستقبل شاعر ممتاز

والقرقاح مايحتاج نمدحه

[طراد العصيمي]

الصراحه اعجبني الفهمي وكان كله ثقه وابياته قويه وكاد يتفوق بقوة على القرقاح لكن القرقاح تلاحق نفسه