خسيتي لعنبو جدك

[^المقاطي^]

قصيدة
اعجبتني


خسيـتـي لعنـبـو جــدك ؛ خسـيـتـي والـغـلـط يـنـعـاب
........................ خسيتي واقلبي وجهك ؛ ولا كلمه ؛ولاجابـه


خسيـتـي والـزمــي حـــدك ؛ تـراهــا ضـاعــت الاداب
........................ انا لاطاشت جنوني ؛ يعرف الجاهـل ادابـه


وش المـغـزا مــن الكلـمـه بــلا داعــي بــلا الاسـبـاب
........................ وهرج الكذب والتجريح ؛ قوليلي وش اسبابه


انـا الشـرهـه عـلـي انــي فتـحـت لخافـقـي كــم بــاب
........................ ولكن مثل ماجيتي !!! ترا كبر الجمـل بابـه



خـذي نفسـك مـعـك بــرا ؛ ثــم انقلـعـي بــدون إيــاب
........................ فمان الله ؛ والا اقول :: فمان ابليس واصحابه


تحسبيـنـي عـلـى فـرقـاك ابـنــدم واغـــرق الاهـــداب
........................ انا مبسوط يوم اني ؛؛ طردت الشوم وغرابه


انــا مــا اعـاشـر الخـايـن ولا اسـمـع هـرجـة الـكـذاب
........................ومثلك قيمته عنـدي تحـت الزيـرو حسابـه


هــذاك الـلـي تحبيـنـه ؛ حـقـيـر و خـكــري ولـعــاب
........................ عاجبك ان قذلته شقراء ويميّل بالشعـر كابـه


صحـيـح انــه حقـيـر و زيــن وشكـلـه للنـسـاء جــذاب
........................ تشّبه بأخته فلانـه ؛؛ ومنهـا الـدم متشابـه


وانـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه


تشـوم النفـس عــن زيـنـك عـقـب مـاطـاح فيـهـا ذبــاب
........................ وانا حر(ن) ولد حر ؛؛ تركت الزين وذبابـه


انـا يابنـت مــن ربــع(ن) لـهـم فــوق الفـخـر مـحـراب
........................ انا من روق ياخبله ؛ وربعي الهيله ( عتابه )


نسـيـا ماكـلـى (عمـهـوج) وكــم روس بـــدون ارقـــاب
........................رزقك الله بحكم اللي حفظ عمهوج في جرابـه


انــا شـيـخ(ن) ولــد شـيـخ ؛ بـذكـره تنـعـم الانـســاب
........................ اليا قام العرب كلاً ؛؛ يراجع دفتـر انسابـه


ولـد شيـخ(ن) وسـط ربـعـه لــه بـيـن الـرجـال حـسـاب
........................ اليا ضاقت به الارياء ؛ يهز الارض مشعابـه


محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه


تــرى بــدري عـلـى مثـلـك تعـيـب وساسـهـا مـعـيـاب
........................ ياليت اللي يعيبني ؛؛ يحـاول يستـر ثيابـه


انــا لاجتـنـي الـزلـه ؛ مــن الجـاهـل وهـــو كـــذاب
........................ تركت القافله تمشي ؛؛ وراهـا تنبـح كلابـه


وانــا ليـامـن كـشـف ان الـخـوي اصـبــح لـسـانه داب
........................ نزعت السم من عرقه وكسرت بمخلبي نابـه



خــلاص الـيـوم يافـلانـه ؛ كرهـتـك والقـلـوب غـــراب
........................وترى كل طير(ن) بكبد السماء يشبع مخلابـه



خـسـاره مثـلـك بقـلـبـي تـضـمـه غـرفــة الاحـبــاب
........................ وخساره غلطة العاشق ؛ يحطك اول احبابـه



بعـد هـذا تبيـن ارجــع لاجــل عيـنـك نصـيـر اصـحـاب
........................ خسيتي واقلبي وجهك ؛ ولا كلمه ؛ ولاجابـه

[الوليد الاسعدي]

اوووف والله اللي دمرها !!! قلبها مجزره ...

محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه


دلال القهوه العابـه
دلال القهوه العابـه
دلال القهوه العابـه
دلال القهوه العابـه

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[الفيلـــــــــق]

صح والله السانك خلك وياها اللي ماتقدر المحبه
صحت ايمينك لاعدمتك ولد روووق ونعم ونعم
الله واكبر عليك شمووووخ مابعده شموخ رافع الراس
كبرياء الرجال كله في هذه القصيده بيض الله وجهك
دم سالما 0
اخوووووك
الفيلـــــــــــــق

[ولد روق]

أخوي :المقاطي ..
قصيده رائعه ..
لغة قوية وتعبير صارخ ..
عن الشعور بالعزة والكرامة ..
الذي يتعارض مع مبادي الغدر والخيانة والإذلال ..

تحياتي ..

[مدركة]

هههههههههه

يعطيك العافيه


تحيااااتي

[^المقاطي^]

فعلاً لغة قوية وتعبير صارخ ..
عن الشعور بالعزة والكرامة ..

واشكر الجميع على المشاركة

[الراااااسي]

تسلم يالمقاطي


الله يعطيك العافية

[^المقاطي^]

الله يسلمك ويعافيك

[الذيب]

إما أنا معجبني جدا البيت هذا
وانـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه

والقصيدة رائعة لكنه الأروع

[طلال الثعلي]

^المقاطي^

شكرا لك..


وياليتك ذكرت اسم صاحبها اذا كان تعرفه


تحياتي