الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 12-Mar-2004, 05:28 AM رقم المشاركة : 1
معلومات العضو
^المقاطي^
عضو ماسي
إحصائية العضو






التوقيت


^المقاطي^ غير متواجد حالياً

افتراضي قالوا ارقد قلت انا وين انا وين الرقاد (خلف بن هذال)

قالوا ارقد قلت أنا وين أنا وين الرقاد
الرقاد لخفرةٍ ضامرٍ سر جوفها

وشبهها من رايب العين مطفي الزناد
دقسةٍ ما ميز الناس وش معروفها

طافي كنك تكثح على وجهه رماد
من رداه يخاشر البنت في مصروفها

كيف أبا ارقد واحتجب عن نسانيس البراد
نفحة الغربي يسر الحشا هفهوفها

والفحل يرعى المعاشير طِلق بلا قياد
فارسٍ يحمى طرفها ويمّن خوفها

أحمد الله زال همي وحققت المراد
طبت والفرصة تطوف الردي ويطوفها

من طبيعة كل طيب يجهز للجهاد
والرجال الأقويا تلتفت لضعوفها

ساعةٍ في جو خالي من أيام العياد
والفياض يعط ريح النفل بحروفها

والدلال مساطرة خاثرٍ فيها القناد
والقصص والسامرية تشيل صفوفها

ناقتي ما تدخل السوق لوزاد المزاد
لو هل الربطات جتني تشيل أولوفها

لو يصبون الذهب صب ومهارٍ تقاد
ما ارخص البل واختيار النفوس شفوفها

يحسبون الارض خصبة قِبل زرع وحصاد
السنين تسل فوق الرقاب سيوفها

ما صفت للانبياء والملوك وقوم عاد
كم قصورٍ شيدت وارجمت بسقوفها

الاناسه والهوى والمحبة والوداد
طاعة الله والمراجل قضبت اشعوفها

ونستي ملحاً من البوش غاربها سناد
فاهقٍ سنامها ناشبٍ بردوفها

بالخضيرا راسها كنها تطرد جراد
يخزي الشيطان يوم العيون تشوفها

والاذاني بالصناقر كما الشلف الحداد
افطسٍ عرنونها ضافيٍ غضروفها

ذيلها ابتر,, خوش عذروب والعرقوب عاد
منشزة نداف قطنٍ يديه تحوفها

والعضود مشمره عن مذكاها بعاد
يوم أحلي باب عجلان بين كتوفها

كتفها عن وركها عشرة اشبارٍ وكاد
والخفاف من الفحل والوصوف وصوفها

هضبةٍ متحنطره دامسٍ فيها السواد
قطعةٍ من ليل تدفن يدك بدفوفها

ديرةٍ متنقلة من بلاد الى بلاد
القِرى في درها والذرى من صوفها

زاد من غابوا مديده ولا فالبيت زاد
عاطفه من عطفها ما تخيب ضيوفها

هي معاش اجدادنا والعصب والاقتصاد
أهلنا قد حسّنت فالحياة ظروفها

ينطحك ريحة عبسها مثل ريح الزباد
كن مسك القيصرية بعث من جوفها

تقهر الاعداء نهار المزايد والعناد
كظمت من غبنها وصفقت بكفوفها





تحياتي لكم















رد مع اقتباس
غير مقروء 12-Mar-2004, 02:08 PM رقم المشاركة : 2
معلومات العضو
فرهودي
عضو ماسي
إحصائية العضو






التوقيت


فرهودي غير متواجد حالياً

افتراضي

حيا الله المقاطي..
يشرفني ان اكون اول من رد على موضوعك.. الرائع
والقصيدة رائعه بروعة صاحبها وناقلها..

اختيار جدا موفق وننتظر المزيد..
كيف أبا ارقد واحتجب عن نسانيس البراد...نفحة الغربي يسر الحشا هفهوفها


اخوك فرهودي















رد مع اقتباس
غير مقروء 12-Mar-2004, 04:15 PM رقم المشاركة : 3
معلومات العضو
^المقاطي^
عضو ماسي
إحصائية العضو






التوقيت


^المقاطي^ غير متواجد حالياً

افتراضي

وتشرفني مشاركتك يالفرهودي وشاكرك على الرد















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:35 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي