من حداوي قبيلة الأساعدة المشهورة : تبشروا يامدورين المنايح

[سيف الأساعدة]

السلام عليكم
كان خلف بن صعب الأسعدي كثير المغازي ويركبون معه الأساعدة وبعض من أهالي الحساء مثل فهاد الزعبي وجماعته وبعض الفرسان من بني هاجر وبني خالد .
وفي إحدى الغزوات عندما عادوا إلى الأحساء قال الشاعر / سعد بن ناصر الأسعدي هذه القصيدة :

قوموا العبوا يانايمين البرايح=خلف ابن صعب جاب اللوائح
تبشروا يامدورين المنايح=قدام بيت الشيخ تلقونها
منايح ولا ركايب عطيه=صفر وشعلٍ مالقينا حليه
عوايده الكسب في كل هيه=بربوعه اللي كل فزعه يردونها
معشي النمال بكرمته من جوده=سيماه ورث من عموق جدوده*
تلقى النمال معشيه بحيوده =كوم مراديم الشحم بمتونها
وحيل وعيشٍ في كبار الصياني=والتمر قبله كالذهب في الصياني
مع دلة صفراء بها زعفراني=ومجالس فيها رجال ويحيونها

* إشتهر أجداد خلف بن صعب بالكرم ، مثلهم في ذلك مثل بني عمهم الأساعدة الذين تتناقل الناس قصصهم في الكرم والجود ، فمن أحفاد خلف بن صعب الفارس مطلق الحداري " راعي الشوشلية " اللي ذبح ناقة من كسبه في إحدى المغازي لجماعته الأساعدة ، ومن أبناء عمومة خلف بن صعب " إبن عردان " اللي عشى سعدون إبن عريعر وذبح له من أباعرة ، فسماه إبن عريعر مثوثي على روس الفطر ، وهي فخر لكل أسعدي ولكل عتيبي ..









سيف الأســــــاعدة

آخر تعديل سيف الأساعدة يوم 13-Nov-2011 في 03:17 AM.