فركت خشوم الرخوم اللي علئ باليه

[شعيل الزلامي]

بسم الله الرحمن الرحيم

وهذي قصيده لي وحبيت اني اوضعها في منتدئ الهيلا



فركت خشوم الرخوم اللي علئ باليه


ياليت والله يصير سباق بين الرجال
في حاجتينه ولايتلا لهن تاليه
منازلا بالكرم ومنازلا بالقتال
وجه لوجه ورجال لرجاليه
والله ماعاد تسمع للمفاخر مجال
اللئ تعدئ بوقتنا الحاليه
وتقل كلمة رجل ماعد ضني تقال
ولتشوف بعض الديار من اهلها خاليه
المرجله ماهي البس بشت والبس عقال
والامعك موتر طيب وجواليه
المرجله جود بالثنتين مال وحال
واللي يشح بحلاله شح بالحاليه
هذا الكلام الصحيح اللي ماحوله جدال
وهذا هو اللي يفرق بين الازواليه
واليوم في نعمه من الله ولكن يقال
تساوت الرؤس فيها هي والاذياله
اللي منول مع الاجواد روح وتعال
اليوم صارو شيوخ وروسهم عاليه
صار الجمل فيه كالناقه وهي كالجمال
شوفي بعيني ماهيب اقوال من قاليه
ولا اقول انا كامل الاوصاف راع الكمال
الكامل الله وخلق الله هي الباليه
ولا قلتها قصدي الشهره ولاجمع مال
ولو البشر يعشقون الصيت والماليه
لكن شئًا في صدري ماعليه احتمال
فركت خشوم الرخوم اللي علئ باليه
اللي ليا شافو الاحرار جاهم هبال
ويصيبهم عله تقول سلاليه
اهل العلوم المليحه ناقصين الفعال
قلوبهم سود لو اقوالهم حاليه
الله ييعز الحكم والدين طول الليال
اللي حما هالوجيه اللئ علئ باليه





قصيده : شعيل سرور الزلامي