شفت الغبينه والعجب والغرايب

[محمد بن سوعان الربيع]

شفت الغبينه والعجب والغرايب
.....................................

بعض القرايب ؟ ليـت ماهـم قـرايب
.............. وياليتهــم عنـا من اول بـعيـديـــن
مـاكان شـفنا من بعضهـم غـلايب
............. ولا كـوتـنـا نـار الاقـراب يا حسين
ازوال واجـد بيـن شـبً وشــايـب
............. مير الهقاوي يا خســاره تخـامين
اثـر الـردا يا حسين مابـه طبايـب
............ عدواه تسطـي باللحم والشرايين
اللـي بحـزات المـواجيـب غــايـب
..............وطنش مشاريه العـرب والقوانين
وش ينبغـابه ذاك وقـت النشـايب
............. اللاش مـابـه نـادره تـطـرب العيـن
للغـانمـه مــاهو امــودي وجـايـب
............ ميّت ولوهو حي في وسط حيين
نبـغي فـراقـه مـا نبيـله كسـايـب
............ بُعده ولا قربه عسى فاله الشيـن
ليا صــار مالـه بالمــراجل رغـايـب
............ وش عـايشـله ميّـت النـار للحيـن
مـاهـو مـن اللي يتعبـون الركـايب
............ باللازمـه ياتــون لـو هـم بـعيـديــن
الخـايـب اللـي مـن مبـاديه خايـب
............ يظـل خــايب لينــه يواســد الطين
قـرب القبـور اللي عليهـا النصـايب
............ اخيـر مـن قـرب العفــون الـردييـن
الطيب قسـمه والمـراجل وهـايـب
........... وليـّا تــرد ا الحظ خـل المــوازيــن
شفت الغبينـه والعجب والغـرايـب
........... شفت الحسد بعيون ربعً حقـودين
حيث الغشامه من كبار المصايـب
......... ونقص العقل ينتج عنه نقص بالديـن
ولا اقـول انـا قــولً بـليـا ســبايــب
..........حدوني اختوش العرب والمساكين
ومن لانفعنـا بالـوغـا والنشـايـب
........هذاك يحسب من احساب النسـاوين

محمد بن سوعان الربيّع

[فهيد الايدا المورقي]

محمد بن سوعان صح لسانك


تحيتي

[محمد بن سوعان الربيع]

هلا والله اخوي المورقي
اشكرك على المرور والمتابعه
لاهنت

[ابو طارق الشمري]

تسلم يابوفهــــــــد وصح لســـــآنك بحجم الكووون
رائعة وفي الصميم لاعــــــــدممنا وجووودك.

[محمد بن سوعان الربيع]

ابو طارق
هلا والله بالاخ العزيز والصديق الوفي
تقبل تحيتي ووافر تقديري