الكــــــــــــ (السعوديه) ـــــــــــــــــارثه

[مقبول الشيباني]

لاوالله الا حـول السـوق وعمـار=قفت ورى ينسـاب وبكـل قـوه
توهـق العربـان فـقـرا وتـجـار=في شاشتـن مصـت جميـع الجنـوه
وضع المساهـم مايبشـر بالاخيـار=كلـن يقـدم للمساهـم عــزوه
السوق من قبله عصر بهلـه اعصـار=وشوف راع الضو ماشـب ضـوه
امنولـن مدهـال للجـاي والمـار=ملفـى لضيفانـه وكـل السمـوه
واليوم مايملك مـن المـال قنطـار=يشكي على من جاه واكثـر شكـوه
لاوالله الا روحـت شبـة الـنـار=وناستـن عنـد الكريـم المـفـوه
ضحية اللـي عنـده اثنيـن مليـار=ولافيـه لاشيمـه ولابـه مــروه
كسر عزوم اللي طمعلـه بفكسـار=يومـن كلـن لـه بعمـره منـوه
اللي قرش كل الدبش وايض(ن) الدار=انشهد انـه ياعـرب حـاس جـوه
من عقب ماباقن على عـزه امتـار=حط اسفـل مخطـط حياتـه علـوه
السوق في يـد فاجـرن (....) جـزار=مخـزي وبينـت الليالـي خــزوه
يرفع على كيفه ويرخـي فالاسعـار=غير مسار السوق وخلـف هـدوه
ولاعاد ابه مسناد كلـش بمحـدار=والناس كلـن راحلـه فـي نحـوه
شتت عقول العالـم ايميـن ويسـار=واللي تورط ماعـرف مـن عـدوه
لابد نشرح للملـك كـل الاخبـار=ماعـاد فيهـا يبـو متعـب كنـوه
الشعب جا ينخاك ياحـر الاحـرار=عدل مسار السوق واثبـت رقـوه
ياسيـدي والله تجرعـلـه امــرار=زادت عليـه مـن البـلاوي بلـوه
كم واحدن فاقد للاعصـاب منهـار=وكم واحـدن ودع وفالعمـر تـوه
واللي سلم مامات حطـوه بشهـار=انجـن وصبـح فـي حياتـه معـوه
خسايـرن واقلـهـا كبرسنـجـار=ضلعن مسمـى شامخـن فـي نـزوه
يامن يـرد افلـوس عامـر وعمـار=من عقب راحـت عنـد ذولا وذوه
وش الحصيل من المكيرش والابقـار=يلـي تمـد الحـبـل بالله طــوه
وطيبه مع التعمير مع شمـس وثمـار=فقرن ولابـه مـن وراهـا غنـوه
ماكنهـا الاياعـرب لعبـة قمـار=محـدن بقالـه مـن حلالـه شلـوه
ونـا مااقـول الا ياوالـي يستـار=وضع العرب ياكافل الخلـق سـوه
وختامها صلو علـى سيـد الابـرار=محمـد ختـام الرسـل والنـبـوه

التوقيع

Mqbol_778@hotmail.com صفحتي على التويتر https://twitter.com/#!/mqbol778

[ابوبجاد الرويس]

الله الله

صح لسانك يابن مشيب والله قصيده جزله

والله ان كلامك صحيح 100% الاسهم هذي لعبت في الناس

كم واحدن فاقد الاعصاب منهار كم واحدن ودع وفالعمر توه
الشكوى لله يالذيب

[السميــــــري]

..


صح لسانك يامقبووول .. أبدعت يالمبدع ..
وابياات تستحق الثنااء ..
لاهنت ..

أخووووووووك ..

[مقبول الشيباني]

المشاركة الأصلية كتبت بواسطة ابوبجاد الرويس

الله الله

صح لسانك يابن مشيب والله قصيده جزله

والله ان كلامك صحيح 100% الاسهم هذي لعبت في الناس

كم واحدن فاقد الاعصاب منهار كم واحدن ودع وفالعمر توه
الشكوى لله يالذيب

--------------------------------------------------------------


مشكووووووووووور يبو بجاد لاهنت يالقرم وبيض الله وجهك

[مرزوق حمدان العتيبي]

..
.
صح لسانك يامقبول
...
وبيض الله على قصيدتك المعبره
لاهنت
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

صح لسانك يابن مشيب ..

قصيده جزله من راس جزل ..

.

اخوك

التوقيع

.....

[عيضه الثبيتي]

عز الله انك صادز



صح لسانك يابن مشيب



ملايين



تحيااتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مقبول الشيباني]

المشاركة الأصلية كتبت بواسطة السميــــــري

..


صح لسانك يامقبووول .. أبدعت يالمبدع ..
وابياات تستحق الثنااء ..
لاهنت ..

أخووووووووك ..

------------------------------------------------------------------------

صح بدنك ..... ولاهنت يالقرم


مشكووووووووووووور

[رشيد النقريني]

صح لساااانك اخوي مقبول الشيبااني

قصيدة رااااائعه


وبيض الله وجهك يالقرم

[العارف]

صح لسانك يامقبووول .. أبدعت يالمبدع ..

وبيض الله على قصيدتك المعبره
لاهنت