مــداعـــبـــة... صـــديـــق.... - الهيـــــــــــــلا *** منتدى قبيلة عتيبة

نياف العتيبي · 02-Jan-2005, 10:40 PM

ارسل احد الزملاء رسالة مداعبه

مع احد العماله الموجوده بالعمل

وهذا الشخص رفض ان يكمل القصيده

باكثر من خمسة ابيات

مع تمكنه واجادته لما يكتب

واليكم القصيدة واترك لكم الحكم

اليكم الرد

لفانا غلام اكبر ضحى سبتنا اللي فـات=ومد الرسالة مـادرى ويـش غايتهـا
نشدته غلام اشفيه ثم هـز لـه هـزات=وتمتم علومٍ ماأعـرف ويـش رطنتهـا
وقلت اكشف الموضوع دام الرسالة جات=أعرف الهدف منها ومن أين وجهتها
هلا مرحبـا واهليـن يابـادع الابيـات=بيوتك تسر العيـن ياسعـود نظرتهـا
هدفها السلام وحامض العلم لك شرهات=وبعض العرب ياسعود ياكبـر شرهتهـا
ترى شرهتك ياسعود جاين لها وجعـا=تتخج الضمير الحي مـن قـو وجعتهـا
صحيح انت تعرفني وانا باخص الغايات=ولكن غيـرك ينطلـق خلـف جرتهـا
يعيش السعادة غامره مع هـل النمـات=ليـا شافهـم قـال القصيـدة وقصتهـا
يجمع علومه مع هل الحش والهـذرات=يسوي لها قاموس مـن قـو فرحتهـا
وسيناريو جاهز ويعمـل لهـا حلقـات=ويلقى لهـا جمهـور يفـرح بشوفتهـا
وبأسبابها جاني قلـق يارفيـع الـذات=على شـان مالـي بالنمايـم وشلتهـا
انا حافظٍ سلمي وباقـي علـى العـادات=حشا ماندفـع خلـف الليـال وملذتهـا
انا مادخلت النـت أدور بنـات الشـات=انا ويش ابا بللي رمـت كـل قيمتهـا
أدور علومٍ غانمه مـع هـل الطـالات=وأسـوق القوافـي وأتخيـر بنقوتهـا
أعرض القوافي عرض مع طيبين الذات=رجالٍ لها بالشعـر ياسعـود صولتهـا
يحرصون لاساقوا يسوقونهن جـزلات=مثـل دلـةٍ بالهيـل يازيـن صبتـهـا
وأذا كان لك رغبة هلا وابرك الحـزات=على ملتقى الشعـار برمـج محطتهـا

النفاعي · 02-Jan-2005, 11:33 PM

ابداع ونص يانياف
ويجبر النص لعيون الجزاله

صح والله لسانك ولسان زميلك سعود
ولايفوتنا اكبر غلام

النفاعي

وصل العطياني؟؟؟ · 02-Jan-2005, 11:41 PM

صح لســـانك ..

قصيدة حلوة طريفة جزلة ..

وشهادتي فيك مجروحة اخوي نياف ...

لا هنت يالغالي..

ماار لو قلت على منتدى الهيلا نبرمج محطتها

تحيااااااااتي

التوقيع

na111na@hotmail.com

الــوآفــي · 02-Jan-2005, 11:46 PM

صح لسانك يا نياااف

ابيات جميله وقويه وجزله

لك كل التحايا

مرزوق حمدان العتيبي · 03-Jan-2005, 08:50 AM

صح لسانك ولسانه يانياف

رائع بكل ماتعنيه الكلمه
دمت ودام عزك..

اخوك

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
حط حبه في كياني ماتغيّره السنيني = وانثني من دون عرضه بالذراع وباللساني

@Marzouq_MHD

فهدمتعب الجعيد · 03-Jan-2005, 02:42 PM

أعرض القوافي عرض مـع طيبيـن الـذات
رجــالٍ لـهــا بالـشـعـر يـاسـعـود صولـتـهـا
يحـرصـون لاسـاقـوا يسوقونـهـن جــزلات
مــثــل دلــــةٍ بـالـهـيـل يــازيـــن صـبـتـهــا

صح لسانك يانياف

ابيات جزله

دمت

ابو عاتق · 03-Jan-2005, 07:40 PM

الأخ العزيز والفاضل الشاعر ( نيـــاف )

تسلم على كل حرف كتبته لهذه الكلمات الرائعه والجميلة

استمتعنا بهذه القصيده الجزله الرائعه الله لا يقطع حبل التواصل بين الجمــــع

ومشكور أخي العزيز على جهودك الحثيثه

في هذا المنتدى الشامخ المضئ بكم على الدوام أرجو منك قبـــــــول أجمل

وأصدق وأغلى وأعذب تحياتي لشخصك الكريم

أخوك ( ابو عـــاتق )
__________________