استفسار عن منصور الابرق هل هي شخصيه حقيقيه ؟؟

[سرحان الشيباني]

السلام عليكم ورحمة الله وبركاته

ادري ان الموضوع حساس ولاكن يتطلب توضيح واجابات على هذه الاسئله :

1- هل منصور الابرق شخصيه حقيقيه او وهميه ؟

2- لماذا لقب بـ ( الابرق ) ؟

3- في اي قرن عاش منصور الابرق ؟

4- هل توجد وثائق قديمه ذكرت هذا الاسم قبل القرن الحادي عشر الهجري ؟

5- ماهو عمود نسب منصور الابرق ؟

6- لماذا القبائل التي تنتمي لمنصور الابرق متفاوتة العدد ؟

[الامير حريبيش]

اخوي سرحان اللي يذكره ابن دخين وهو اكبر نسابه في عتيبه ولديه مشجرات ووثائق قديمه ونادره عن عتيبه يقول عن عيال منصور انهم من سلالة عامر بن ثابت والثبته ابناء ثبيت بن ثابت وكلهم مرجعهم بني سعد مع ربعهم الباقين
اما منصور الابرق فهو اكيد من سلالة عامر جد عيال منصور اذا من غيرالمعقول ان القبائل العربيه تتمسك باسم شخص ليس من اجدادهم
هذا اللي عندي يابن مشيب

[سرحان الشيباني]

يعني منصور الابرق من سلالة عامر بن ثابت اخو نوار بن ثابت وثبيت بن ثابت ؟؟

وبالتالي هم ترثة عتيبه ايضا اليس كذلك ؟؟

[الامير حريبيش]

عتيبه كلها بعضها من بعض يعني كلهم متساوين في منزلتهم من ناحية النسب وكلهم من ترثة عتيبه بني سعد
وانا سمعت يابن مشيب بعد ان اسم برقا اطلق علي عتيبه اهل نجد نظرا لانهم مختلطين بين عامر بن ثابت وشملا المعروفه البطنين الكلام هذا يردونه عن ابن عبدالله بن دخين ابو عبدالرحمن الله يرحمه

[الثاقب]

حنا نعرف ذوي منصور وهم خمسة الدعاجين والدغالبة والشيابين والعصمة والقثمة

لكن في نسب وعد الجدود

العصمة حسب وثايقهم يقولون حنا عيال جشم بن معاوية بن بكر بن هوازن بن منصور

والشيابين حسب وثايقهم يقولون حنا عيال شيبان بن ازور بن ثقيف بن هوازن بن منصور

ومنصور بالنسبة لهالفخذين جاء بعد هوازن وهوازن هي القبيلة المعروفة في الجاهلية والاسلام
وان لم يثبت ان هناك منصور بعد هوازن فالمقصود منصور ابوهوازن وقد تمسكت به هالخمس فخوذ

[سرحان الشيباني]

الامير حربيش لاهنت على المداخله الشيقه لاكني سمعت ان بني سعد هم الثبته اهل السيل اما الباقي فهم احلاف هوازنيه من عامر بن صعصعه ومن بني هلال ومن ثقيف

والاستشهاد في ذلك قول الشاعر الوقداني :

عتيبه جناح الصقر وثبيت هامته .. ولا يستوي طير بغير جناح

[سرحان الشيباني]

اخوي الثاقف لاهنت على المشاركه

لماذا ركزت على العصمه والشيابين والباقين هم ابناء منصور الابرق ؟؟

وبما انك ذكرت ان اسم منصور لم يأتي الا من وقت قريب اجل الدعاجين والقثمه والدغالبه وش يرجعون له ؟؟

[الثاقب]

تركيزي على العصمة والشيابين سببه حديثهم عن الوثائق الموجودة عندهم بعكس الدعاجين والدغالبة والقثمة ماحد منهم افصح وتحدث عن وثائقهم

[الامير حريبيش]

المشاركة الأصلية كتبت بواسطة سرحان الشيباني

الامير حربيش لاهنت على المداخله الشيقه لاكني سمعت ان بني سعد هم الثبته اهل السيل اما الباقي فهم احلاف هوازنيه من عامر بن صعصعه ومن بني هلال ومن ثقيف

والاستشهاد في ذلك قول الشاعر الوقداني :

عتيبه جناح الصقر وثبيت هامته .. ولا يستوي طير بغير جناح

دعك من الجشميه يابن مشيب الان وش رايك ان العصمه اهل بني سعد لازالو يملكون وثائق تاريخها اقدم من وثائق الجشميه بقرنين او اكثر ومكتوب فيها الشفيعي العصيمي السعدي وتواريخها في بحر ال900 هجري واقدم
كما انه يوجد دعاجين في ديار عتيبه الاولي بني سعد واغلبهم يكتب الثبيتي وهم من اجداد اجدادهم موجودين في بني سعد

هذا يثبت ان عيال منصور من بني سعد وهم ابناء منصور من سلالة عامر بن ثابت السعدي الهوازني

[رفيق الطيب]

النسب ماهو لعب كلٍ يعجن فيه

عيال منصور من بني سعد سلالة عامر بن ثابت

واللي يقول ان بني سعد ثبتة فقط وعيال منصور من جشم

يطالع في الحجج هذي التي تخص املاك العصمة في بني سعد ,, قرية العروشية

مثل ماتفضل بها الامير حريبيش جزاه الله خير

وهذي صور من حججنا :

وهذه صوره من حجه قديمه بين الشهبه والعصمه على الحمى وهي حجه مجدده بتاريخ 1150هـ على قواعد وحمى حجه سابقه بتاريخ 1080هـ وهي أيضا مجدده لحجه سابقه وهي توضح العصمه من الرواضي والدعاجين من الطوال واليكم هذه الصورة





وهذه صوره من حجه لصالح بن مرشد العصيمي تثبت أن الدعاجين والعصمه من الشفعان كانوا يسكنون هذه القرى ومن الشفعان الفواينه والمذكور اسم بعض أبائهم وهم زايد بن فاين و زويد بن فاين و عمر بن فاين ,والدعاجين وهذه الحجة بتاريخ يوم الاثنين السادس عشر من شهر سفر سنة خمس و أربعين ومائتين و ألف كما ورد في الحجة.






وفيه الاقدم بكثير من هذه الحجج الحديثة



رفيق الطيب العصيمي
من بني سعد