ياحظ من عزوته روقي وبرقاوي.. ( بمناسبة الفوز الكاسح في مزاين أم رقيبه )

[الرومي]

صح لسانك يالثبيتي جزل وقصيدتك جزلة .

التوقيع

migeed33@hotmail.com

[فهد العازمي العتيبي]

صح لسانك شاعرنا عيضه الثبيتي

والف مبروك لقبيلة عتيبه الفوز الكاسح والذي تعودناه دائما في ام رقيبه والمزاينات الآخرى ،،،

التوقيع

للتواصل على تويتر https://twitter.com/falotaibi5115 ،،

[وافي ضاوي]

المشاركة الأصلية كتبت بواسطة عيضه الثبيتي

وصلتني رسالة من أخوي /وافي ضاوي العتيبي(عضو منتديات الهيلا)

يطلب مني كتابة قصيدة بمناسبة اكتساح قبيلة عتيبه للمراكز الاولى في جايزة المؤسس للمزاين الابل في ام رقيبه...ويتمنى انّه شاعر ليقول قصيده في هذه المناسبه....

وعتيبه تستاهل ووافي يستاهل..

ومنتديات الهيلا تستاهل


وأسمعوا يالنشاما//

ياهاجس الشعر وصّل لي تحياتي=و وصّل تحايا عتيبه وأبلغ الراوي
يأخذ بيوت الفخر والمجد من رأسي=ومن هاجسٍ في طواريق الفخر غاوي
بالخص لا جيت أقول الشعر فالهيلا=ما ودّي ألاّ أنّي أطرب كل هيلاوي
ديمومة ً سبّلت من صدر شاعرها=وسيولها جات لا ترحم ولا تاوي
منقيّة ً من بيوت الشعر ناقيها=الندّر اللّي بصدري ذيبها عاوي
أسوقها سوق من حشمة بني عمّي=اليا أستوت لي وصار الدرب متساوي
معطره والحميّا عطرها الفاخر=قدام لا أنثر عليها المسك والجاوي
طلبتني ياولد عمّي وقلت أبشر=وأنا قبل تتصل بي خاطري ناوي
وهذي قصيده من لساني عن السانك=والله ما أردّك ..وتبشربي يابن ضاوي
بأسم عتيبه من العارض ليا الحرّه=وجميع من فالوطى روقي وبرقاوي
اهنّي اللّي تشرفنا مواقفها=يوم المزاين كما المطرود والحاوي
من كل صنف املكوا مايبهر الناظر=ولاهي غريبه عليهم مالهم قاوي
والنوق ماهي رخيصه عند راعيها=يتعب لها لو طواه من الزمن طاوي
فيما مضى الدّم الأحمر لجلها ينثر=لا صيّحت وأنتخت فالعطفه مضاوي
واليوم في جايزة عبدالعزيز اللّي=حرر بلادي ومدّن كل بدّاوي
وفأم الرقيبه حضر ربعً تشرّفنا=وحضورهم يجرح الأكباد ويداوي
أذوادهم تسحر الجمهور من داني=يحكي بها السارح ويحكي بها الضاوي
وأهل الملايين ساقوها لهم طمعه=واللّي ما منهم شرى وا نجمه الهاوي
وفي ساعة الجايزة ما اكثر من أسماهم=ولا فالقبايل قصور وبلّغ الرواي
أنّا عتيبه هل الطالات من مبطي=نهوى المراجل وهي لعتيبه تهاوي
وللعز والمجد يابرقا ويالرّوقه=وياحظ من عزوته روقي وبرقاوي

:

:
:
أخوكم/عيضه الثبيتي

24/1/1432

خاص بمنتديات الهيلا فقط

والله مدري وش اقول....



والقول والثناء لايكفيك




اقسم بالله انك تستاهل حبة خشم



بيض الله وجهك والجزاله ماتجي الى من جزل



صح لسانك من الرياض ليــــــــــــــــــن تاصلك في الحجاز ولاتسدك



احترامي وتقديري

[مرزوق حمدان العتيبي]

..

ابو فيصل مبدع الى ماله نهايه
صح لسانك واعتلى شانك
وربعنا في هالفوز الكاسح يستاهلون وقليله في حقهم

....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[علي الطريسي العصيمي]

كفو كفو وصح الساااااااااااااااااااااااانك لله درك لله درك لله درك

[فيصل المسعودي]

انشهد ياحظ من عزوته روقي وبرقاوي

صح الله لسانك ياعيضة

بيض الله وجهك

جزالة متناهية وفخر لا تلام عليه

لك كل التحايا

[ولدعساف]

ويـاحــظ مـــن عـزوتــه روقـــي وبــرقــاوي

ابو فيصل صح لسانك مدد بلا عدد

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[أبو مرحبا]

صح السانك ياابوفيصل

قصيدة عالمية

لاهنت

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابراهيم الزراقي]

صح لسااانك ياعيضة الثبيتي


مبدع مبدع لله درك


ابيات فخر حلقت في سماء الابداع ولاهو غريب عليك الابداع


مودتي

[وادي الذيب]

صح لسانك يالثبيتي ..................

ومبرووووووووووووووك لعتيبه ولاهي غريبه....
على زحووووووول الرياجيل