ياحظ من عزوته روقي وبرقاوي.. ( بمناسبة الفوز الكاسح في مزاين أم رقيبه ) - الهيـــــــــــــلا *** منتدى قبيلة عتيبة

عيضه الثبيتي · 31-Dec-2010, 07:11 PM

وصلتني رسالة من أخوي /وافي ضاوي العتيبي(عضو منتديات الهيلا)

يطلب مني كتابة قصيدة بمناسبة اكتساح قبيلة عتيبه للمراكز الاولى في جايزة المؤسس للمزاين الابل في ام رقيبه...ويتمنى انّه شاعر ليقول قصيده في هذه المناسبه....

وعتيبه تستاهل ووافي يستاهل..

ومنتديات الهيلا تستاهل

وأسمعوا يالنشاما//

ياهاجس الشعر وصّل لي تحياتي=و وصّل تحايا عتيبه وأبلغ الراوي
يأخذ بيوت الفخر والمجد من رأسي=ومن هاجسٍ في طواريق الفخر غاوي
بالخص لا جيت أقول الشعر فالهيلا=ما ودّي ألاّ أنّي أطرب كل هيلاوي
ديمومة ً سبّلت من صدر شاعرها=وسيولها جات لا ترحم ولا تاوي
منقيّة ً من بيوت الشعر ناقيها=الندّر اللّي بصدري ذيبها عاوي
أسوقها سوق من حشمة بني عمّي=اليا أستوت لي وصار الدرب متساوي
معطره والحميّا عطرها الفاخر=قدام لا أنثر عليها المسك والجاوي
طلبتني ياولد عمّي وقلت أبشر=وأنا قبل تتصل بي خاطري ناوي
وهذي قصيده من لساني عن السانك=والله ما أردّك ..وتبشربي يابن ضاوي
بأسم عتيبه من العارض ليا الحرّه=وجميع من فالوطى روقي وبرقاوي
اهنّي اللّي تشرفنا مواقفها=يوم المزاين كما المطرود والحاوي
من كل صنف املكوا مايبهر الناظر=ولاهي غريبه عليهم مالهم قاوي
والنوق ماهي رخيصه عند راعيها=يتعب لها لو طواه من الزمن طاوي
فيما مضى الدّم الأحمر لجلها ينثر=لا صيّحت وأنتخت فالعطفه مضاوي
واليوم في جايزة عبدالعزيز اللّي=حرر بلادي ومدّن كل بدّاوي
وفأم الرقيبه حضر ربعً تشرّفنا=وحضورهم يجرح الأكباد ويداوي
أذوادهم تسحر الجمهور من داني=يحكي بها السارح ويحكي بها الضاوي
وأهل الملايين ساقوها لهم طمعه=واللّي ما منهم شرى وا نجمه الهاوي
وفي ساعة الجايزة ما اكثر من أسماهم=ولا فالقبايل قصور وبلّغ الرواي
أنّا عتيبه هل الطالات من مبطي=نهوى المراجل وهي لعتيبه تهاوي
وللعز والمجد يابرقا ويالرّوقه=وياحظ من عزوته روقي وبرقاوي

:

:
:
أخوكم/عيضه الثبيتي

24/1/1432

خاص بمنتديات الهيلا فقط

التوقيع

للتواصـــ عيضه الثبيتي ــــل

ezah_6@hotmail.com

(ديواني)

http://www.otaibah.net/m/showthread....131#post925131

عبد الكريم العازمي · 31-Dec-2010, 07:16 PM

توصيف خطير

سلم راسك وسلم صوتك وصح اللسانك

المـرشدي · 31-Dec-2010, 07:17 PM

صح لسانك ياخوي عيضه وقصدية جزيله ويستاهلون عتيبه الهيلا والله وستين نعم باهيلا

سلطان ابن حامد · 31-Dec-2010, 07:22 PM

حبة خشم تستاهلها على علومك الغانمه كلها يا ابو فيصل

التوقيع

توترتي هنيـّا : )

اللواء · 31-Dec-2010, 07:25 PM

بـأسـم عتيـبـه مــن الـعـارض لـيــا الـحــرّه
وجمـيـع مـــن فـالـوطـى روقـــي وبـرقــاوي
اهــــنّـــــي الــــلّـــــي تــشــرفــنـــا مــواقــفـــهـــا
يـــوم الـمـزايـن كـمــا الـمـطـرود والــحــاوي

صح الله لسانك يابو فيصل وافي وعلمك غانم ولابتك تستاهل.

وآآآثق · 31-Dec-2010, 07:30 PM

[بأسم عتيبه من العارض ليـا الحـرّه=وجميع من فالوطى روقـي وبرقـاوي

صح السانك واعتلا شانك وتستاهل عتابه الهيلااا المدح ولايوفيها حقها

بس ما تشوف الوطى ماهو من منازلها؟

ولك احترامي وتقديري

آخر تعديل وآآآثق يوم 31-Dec-2010 في 07:33 PM.

ابو فايح · 31-Dec-2010, 09:43 PM

هذه حزات الفخر في زمن الأمن والأمان

بيض الله وجهك وصح لسانك مدد بلا عدد

أبدعت يا ابو فيصل قصيده رائعه في إنجاز تفخر به عتيبه كافه

42 جائزه

انتصار كاسح

وفرق شاسع بين أقرب المنافسين

رغم غياب حوالي 16 شخص ممن حصدوا جوائز العام الماضي

لله درك ولله درك القصائد التي تأتي في وقتها

وبيض الله وجه ابو ضاوي

وبإنتظار قصائد

شعراء الهيلا بهذه المناسبه

التوقيع

عالم تويتر

abofayeh@