صوت وصدى(عناد الشيباني+الحر الأشقر)::الواسطه:<<حث الركايب

[عناد الشيباني]

السلام عليكم ورحمة الله وبركاته

اعضاء هذا الصرح الشامخ..

منتدى عتيبه الهيلا الرسمي

اقدم لكم هذه المساجله بيني وبين الشاعر المعروف الحرالاشقر(سعد المسعودي)

عناد الشيباني

الواسطه
..
..

يالحرالأشقر يازعيم الزعامه=ياللي على الوقفات ماأنته بلاشي
عناد لك يالحر يبعث سلامه=وأنته على الناموس والطيب ناشي
ويشكي عليك الوقت وشلون ضامه=وأحلام راحت مثل نور الفلاشي
ياقو سهم الوقت لا أطلق سهامه=ويشينها لا من ضحك منك واشي
وياشين وعود اللي مشا بالرخامه=يوعد ولاكن ينسرق بنخشاشي
يشبه للوح البرق وسط الغمامه=برق" يلوح ولا يجي له رشاشي
لا واهني الطير ياصل مرامه=ماجاه من بعض الأمور ارتباشي
لاشان جوه ثم كدر منامه=طار ولقا دار" بها الطيب عاشي
وأنا قبل قولي يوصل ختامه=عندي سؤال وجهز الرد كاشي
اليا متى والواو ماشي نظامه=حكمه على كل المخاليق ماشي
الوقت عيا يعتدل بستقامه=والمرتشي يمشي تحت حكم راشي
واللي بليا واو يرفض كلامه=لو هو يدور لقمته والمعاشي
كل الدروب مسكرات" أمامه=والسوق سعره بالغلا مايناشي
مير أطلب اهل العدل واهل الفهامه=يعاد في بعض الأمور النقاشي

الشاعر : عناد الشيباني ..

**}

**}





نص ( حث الركايب )

يامرحبا ترحيب قدر وكرامه = أعداد مايصدق حقوق المناشي
تاج الفخر عالي مقام وفخامه = قول (ن) صحيح ولايجيك متلاشي
علم (ن) لفى ياعناد قبلك حيامه = هامات نزلها منازل عشاشي
والوقت من ذمه عليه الملامه = عبره وجديه بدون اندهاشي
وحرف ٍ ذكرته باقي(ن ) للقيامه = ماهوب بيّن للملا فالخشاشي
ماهوب يفرق عن حلاله حرامه = وثوب الستر مالاذ سده قماشي
أشوف وأنـت تشوف ظاهر علامه = وعظم القساوه مانبت من هشاشي
كل(ن) على قدره رفيع ٍ مقامه = وفرق الفعايل ماتبنت غشاشي
اللي على النخوه بتوعن حسامه = يمناه تفعل مالطمها غماشي
يصهل صهيل حصان حام الجهامه = زيزوم ولحاف المعزه فراشي
تقدح زنوده من ظفرها قرامه = يروي كبود(ن) حايمات (ن) عطاشي
المجد للعريف ذروة سنامه = أما حياة العز .. ولاّ .. بلاشي
رووس الأشده فرقها عن مسامه = ماحالت جفون النظربأرتماشي
غلايل صدور ٍ طواها سقامه = يلحق حطبها مابرد نار جاشي
العنق قطعه حلله عن قوامه = والرزق وجه ٍ ماظهر به نماشي
كل ٍ على الحشمه قلط باحترامه = والعسر مايسهل ودربه عكاشي
وآخر كلامي عن دروب الندامه = حث الركايب .. يابعيد المعاشي

الشاعر : سعد المسعودي[/center]

[ولدعساف]

صوت وصدى رآئع .. صح لسانك ياولد مشيب وصح لسان المسعودي ..

محبك

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[عبد الكريم العازمي]

صح اللسانك يا عناد وصح اللســآن المسعودي


صوت وصدى رايع

[عناد الشيباني]

المشاركة الأصلية كتبت بواسطة ولدعساف

صوت وصدى رآئع .. صح لسانك ياولد مشيب وصح لسان المسعودي ..

محبك

تسلم

الارووووع مرورك

صح بدنك

[نواف الشيباني]

صح لساااااانك
ولسااااان الحر الاشقر

[وصل الشهيب]

الأخ عناد الشيباني

صوت رائع وصدأ لايقل روعه

صح لسانك ولسان سعد

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[مبارك العصيمـي]

صح لسانك يا ابن مشيب

[عبدالمجيد النفيعي]

الـيــا مــتــى والــــواو مــاشــي نـظـامــه=حكـمـه عـلـى كــل المخـالـيـق مـاشــي

عـلـم (ن) لـفـى ياعـنـاد قـبـلـك حـيـامـه=هـــامـــات نــزلــهــا مـــنـــازل عــشــاشــي

ياسلام ، لاكن الواو لاحصل ماأحدٍ بقايل لا

،،

وياشيـن وعـود اللـي مشـا بالرخـامـه=يـوعــد ولاكـــن يـنـسـرق بنـخـشـاشـي
يشـبـه لـلـوح الـبـرق وســط الغـمـامـه=بــرق" يـلـوح ولا يـجـي لــه رشـاشــي

تشبيه في محله والتوجد الذي يليه جميل

لا واهــنـــي الـطــيــر يــاصـــل مــرامـــه=ماجـاه مـن بعـض الأمــور ارتبـاشـي
لاشـــــان جـــــوه ثــــــم كــــــدر مــنــامــه=طـار ولقـا دار" بـهـا الطـيـب عـاشـي

،،

صح الله ألسنتكم ياأبناء العمومه شعراء جزلين

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[الصويت الثبيتي العتيبي]

صح اللسانك يا عناد وصح الســآن المسعودي

[علي الثبيتي]

صوت وصدى رآئع .. صح لسانك وصح لسان المسعودي ..

التوقيع

ماني بلا روقي ولا برقاوي = انا ثبيتي جد روق وبرقا