مزاين أم رقيبه وهجوم أبناء الحاضره والعلمانيين !!!

[ابو فايح]

شكرا لجميع من شرف الموضوع


شكرا للأخ خلف الروقي على إثرائه للموضوع ووجهة نظره أحترمها .


شكرا للأخ متابع ومداخلاته الرائعه .

الأخ الفاصل الاسعدي


أنا لا أجمع بين العلمانين والحضر هناك من أبناء الحاضره أهل دين وخلق ولا نزكي على الله أحد

العلمانين هم من يريدون فصل الدين عن الدوله ويريدون تغريب المجتمع السعودي بكل الطرق ومنها تشجيع الفسق ونقد عادات وسلوم المجتمع .


الحضر البعض منهم لأنه لا يعرف هذا الشي يراه تخلف ويطالب بإلغائه .

التوقيع

عالم تويتر abofayeh@

[فزاع الاسعدي]

المشاركة الأصلية كتبت بواسطة ابو فايح

شكرا لجميع من شرف الموضوع


شكرا للأخ خلف الروقي على إثرائه للموضوع ووجهة نظره أحترمها .


شكرا للأخ متابع ومداخلاته الرائعه .

الأخ الفاصل الاسعدي


أنا لا أجمع بين العلمانين والحضر هناك من أبناء الحاضره أهل دين وخلق ولا نزكي على الله أحد

العلمانين هم من يريدون فصل الدين عن الدوله ويريدون تغريب المجتمع السعودي بكل الطرق ومنها تشجيع الفسق ونقد عادات وسلوم المجتمع .


الحضر البعض منهم لأنه لا يعرف هذا الشي يراه تخلف ويطالب بإلغائه .

اول حاجه مقبووله منك ..


ثاني شي انت ربطت الحضر بالعلمانيين ولا ادري من اي منطلق انطلقت ؟ ؟

والشيء الاخر البدو والحضر القبايل والعبيد والصلب وكل الاشكال كانو ينتقلون عبر الجمال

وليه احتكرتها على البدو فقط ؟؟


ولاادري كيف جعلت الحضر مايعرفون الشيئ اللي تتكلم عنه وكأنه صناعة قنبله ذريه مايعرفه

الا ابو فايح وجماعته ..

وبقي ان اقول انت تحاول تسوق لهذا المهرجان ولا اعرف الهدف بالظبط ربما كنت احد المشاركين فيه

ولا عيب في ذلك ولاكن دون مصادرة اراء الاخرين يا ابو فايح ..

قال الاول :

البدو واللي بالحظر نازلينا .. كلن عطاه الله من هبة الريح

وسلامتكم ..

[ابو فايح]

ياليتني مشارك فالمزاين يالأسعدي مار صاحبك على قد حاله !!!!!!!

لم أربط بين الحضر والعلمانين تكلمت عن بعض الحضر وممن لهم دور في الإعلام


الحضر اللي الان مالحقوا الابل ولا يعرفونها حنا لحقناها لأننا ما زلنا أهلها وآبائنا وأجدادنا قنوها رغم التطور والعولمه.

[فزاع الاسعدي]

يا ابو فايح الله يسعدك


الان قلت بعض الحضر لاكن ارجع لعنوان موضوووووعك وايضا ارجع لموضوعك نفسه


الحضر اللي الان مالحقو على الابل ؟؟ والبدو اللي الان لحقو عليها وقنوها !! الله اكبر ..


يعني الحضري لاشاف البعير يحسبه حمار ؟؟ مايعرفه ههههههههه حدث العاقل بمايعقل

وكيف صارو البدو اهلها ؟؟ حديث من الرسول خصصه لهم ؟؟ ولاكيف يعني


الابل عند الجميييييييع من قبل موسى عليه السلام ولايمكن تخصيصها لناس معينين

واذا كان قصدك انهم تخصصو في تجارتها ورعايتها فهم ايضا اهل الدبش من الغنم وغيره

قياسا على كلامك ..

بالتوفييييييييق للجميع ..

[ألعتيبي فالح]

المشاركة الأصلية كتبت بواسطة العــــــــابر

ابو فايح رايتك بيضاء

وكل من يقول ان الفكره ليست علمانيه او ضد ابناء االباديه فهو واهم وغلطان

والله ان الهجمه بدت من ملتقى عتيبه الهيلا ولم تتوقف الى الان بالرغم انه بوقت مزاين الهيلا تم اخراص

تلك الافواه ولله الحمد.

والاقلام اللي تكتب الحين هي من تاثير وسلبيات الاعلام اللي وجه المجهر للبدو ولمزاينهم

روح التنافس اللي نشوفه مهوب عصبيه والكرم والذبايح مهوب اسراف

يعني تروحون تدورون واحدن ذبحله عشر من الغنم وجاله عشرين رجال وراح يرميها فالخبت وتصورونه

وتقولون شوفوا ام رقيبه نعم هذا مسرف ومخطي وحنا ضده بس هذا مهوب مثال لكيان الملتقى

ولاهوب ميزان لاجتماع القبايل تحت راية التوحيد وعند علم غانم افضل من قلة الحيا وجلسات الصياعه

الابل غاليه وتستاهل اكثر والمفرووض اللي قيمتها مليون تصير بعشرين مليون والله يجعله تاصل

خل ربعي وبني عمي يبيعون ويشرون وخل كل البدو يبيعون ويشرون من حقنا ومن ابسط حقوقنا

يوم كلن كفى عنا وحنا صرنا جنود للحرب وقت العازه نجي ووقت الرخى يبونا نتكي جنب الحريم ونسكت

وجدي وجدك انت وياه على ظهور الخيل والابل وحدوا هالارض واليوم نجي ونسب مزاين يجمعنا ويعيد

عزاوينا ويعيد تاريخنا المشرف والله قهر بعض الاقلام يعني نلغي مزاين ام رقيبه نلغي مهرجان كامل

وعقب يدج حلالنا وتدج قيمنا الناس تجتمع تعيد تاريخ تعيد امجاد تفخر فالابل تفخر فالتاريخ مارحنا نذبح

بعض فالمزاين ولاشفنا مصايب ولاشفنا كوارث واي مهرجان له سلبيات وايجابيات ومزاين ام رقيبه

ايجابياته اكثر من سلبياته ولله الحمد.

بعدين تعالوا يوم تذكرون بعض السلبيات وبعض صيد الكاميرا ومحد فيكم تكلم عن الجمعيات الخيريه

اللي هناك ومحد فيكم راح وشاف الحشووو والغنم اللي كل يوم تجي للمشروع حفظ النعمه وللجمعيه

تبرعات وصدقات هذي ماتدرون عنها هذي ماتبون تشوفونها لانها ايجابيه ليه نغض الطرف عن شي

وشي نشوفه ترا فيه ارقام للجميعه ولمشروع حفظ النعمه اخذوه وروحوا بانفسكم وشوفوا من الصباح

الدنات وش تنزل من الحلال هدايا وعطايا في سبيل الله والله محد حط لوحه على شاصه والا تريلته

وهو جاين يتبرع كلهم يبون وجه الله .بس لا ندوور لقمة مرميه فالارض ونقول شفتوا البدو شفتوا مزاينهم

شفتوا البدو الاعراب المسرفين الكفره ومحد شاف اللي يشتري سروال مدري منديل ام كلثوم بملايين

الريالات ولحد نقده بس ليا شفنا الحضري والعلماني ينقدنا جينا نعدي خلف ركابه .

العرب منول تنثر الدم دون حلالها ودون اعراضها والبدو عندهم العرض والمال لامساومه عليه ياكم

شنب وراس طاح دونها يوم العزاوي ليا صاح الصايح كلن نسى روحه وردوهن النشامى وليا جو لربعهم

مايقولون من ذبح ومن سلم يقولون الابل عودت هنا فكر البدوي في تامين حياته وحفاظه على مجتمعه

الطيب السليم اللي على الفطره مهوب السارق اللي يسرق ويدس راسه وديرته كل شي يجيها

وصحين التمر السكري في مزاين التمر في عنيزه بعشرين الف فيه اربع فذات تمر هذا حلال مافيه شي

بس الابل حرام الابل غسيل اموال الابل تفريق الابل عنصريه الابل والابل والابل وين نروح نرووح

للاسواق والكدش اللي مستدحين فيها والا للتبرج والسفور والا للقنوات اللي تسبب الفتن والا ويش

والله لو يحرمون مليون مره مانترك الابل ولانترك البداوه ولانترك شي ورثوه فينا ربعنا وسيوفنا تبقى

ظليله يالجزيره العربيه ابشري فينا ليا نادى المنادي والله مانجنب ولانبوق وكيف انكرك او تنكريني

ودم ربعي سقى ثراكي .

ابو فايح كفوووو ولاتسدك .

كل اخواني االباقين والله اني اشوفكم افضل واطيب مني لذلك اتمنى تعذورني ولحد يزعل مني

كفوووووووووووووووو يالعابر قلت مافي خاطري

الف شكر يا ابو فايح دائم مبدع في طرحك للمواضيع اتفق معك في كل ما قلت

واللي يهاجمون ام رقيبه صنفين
صنف من التغريبيين الذين يريدون طمس ومحو كل ما يخص الموروث العربي الاصيل لانه يشكل عائق لتنفيذ مخططاتهم

وصنف اخر وهم سقط الناس الذين لاموروث لهم ولا نسب ولا جذور ويريدون الكل مثلهم حتى لا يشعرون بالنقص




ام رقيبه مهرجان له سلبيات مثل اي مهرجان ويمكن تلافي هذه السلبيات ومعالجتها
لكن له ايجابيات كثيره وذكروها الاخوان ,,

[قحص ابن هاجد]

المشاركة الأصلية كتبت بواسطة فزاع الاسعدي

اول حاجه مقبووله منك ..


ثاني شي انت ربطت الحضر بالعلمانيين ولا ادري من اي منطلق انطلقت ؟ ؟

والشيء الاخر البدو والحضر القبايل والعبيد والصلب وكل الاشكال كانو ينتقلون عبر الجمال

وليه احتكرتها على البدو فقط ؟؟


ولاادري كيف جعلت الحضر مايعرفون الشيئ اللي تتكلم عنه وكأنه صناعة قنبله ذريه مايعرفه

الا ابو فايح وجماعته ..

وبقي ان اقول انت تحاول تسوق لهذا المهرجان ولا اعرف الهدف بالظبط ربما كنت احد المشاركين فيه

ولا عيب في ذلك ولاكن دون مصادرة اراء الاخرين يا ابو فايح ..

قال الاول :

البدو واللي بالحظر نازلينا .. كلن عطاه الله من هبة الريح

وسلامتكم ..

الحضر دائما يعتبرون البدوي فاسد راعي تفحيط وحبوب مافيه بدوي راعي دين في نظرهم نسوو الشيخ عبدالباري والداعيه سلطان الدغيلبي وفهد بن مسفر وغييره كثير من البدو الملتزميين وتجار الحضر الصيف كله يقضوونه مابين فرنسا والنمسا ويدفعون الملايين برا ولا احد تكلم ويوم جت على البديو يبون يستانسون بها الحلال طلع الدين عندهم اسراف وحرام

آخر تعديل قحص ابن هاجد يوم 20-Dec-2010 في 09:30 PM.

[صقر المفاريج]

كفووووووووووووووووو ياربعي الهيلا
ولا فيه مقارنه بين مزاين عتيبه وام رقيبه

سلمت يمينك