قصيـــدة بعنـــــوان :: من حط لــه لكـــــسز و ذودن مغااااتيــــر ::

[أبن حشيان]

بعض الشبـاب الهم ظـروف ومعـاذير ... والعــذر ما ينفع مــوطي حزامــه



ولا يبذر الحـب من يحسـب العصافير ... ولا تاصل الجــمّه حبال الرخامــه



و من لا كفخ فالمرجلة كفخـت الطير ... يقعـــد حياتــه ماتحقـق مـرامــه



خله يحـط اسمـه مع عويــر و صويــر ... ويقعـد يربـي فالسطوح الحمامه



و المرجلــه تبــى مثل سالـــم الزيـر ... ياطـــا الخطر والله عليه السلامه



و من حط لـه لكســـز و ذودن مغاتيـر ... وبنــى خيـامه فوق راس العدامه



تصـــدر القالـــه وجـا لــه جمــاهيــــر ... وفرض على بعض الرجال احترامه



و يـا مـادحن نفســــك وزان الغـــنادير ... شــيّبت ما حصلــت غيــر النـدامه



كــف الأذى عن غيبـــة النــاس يا ثـوير ... ياللــي من النعـمه كبيرن سنامه



في عـــش شيبانـك و مثـل العصيفيــر ... لا تحسبــن ما فوق هامتك هامه






للشــــاعر :.:.:.:.: عبـــد العزيــــز بن حشـــان المرشــــدي ,,,