رد الشاعر \ كديميس العصيمي على قصيدة الخس التي القاها في برنامج شاعر العرب

[بعيـد المرامع]

للرفع..والصفع..

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[مشبب السريع]

المشاركة الأصلية كتبت بواسطة نامي

من يبي الإنصاف لايقصد رواسي = منبراً مسلوبة ٍ منه الحقيقه
العداله مالها بأرضه مراسي = والضلاله في المنصه والحديقه
والإداره وضعها غير متواسي =ولجنة التحكيم كلن مع رفيقه
صفوا الشعار من فوق الكراسي =وقتهم يحسب عليهم بالدقيقه
وصوتوا حسب النظام الدبلوماسي = وكل شاعر لاقصد يعطى وثيقه
والذي قدم على كل الجناسي =لاهو اطيبهم ولا امثلهم طريقه
قدموه بموجب الأمر الرئاسي =وحققوا له مركزن صعب اتحقيقه
وقال هذا هو قصيدي واقتباسي= وقام ينكث فالهناديب العتيقه
وصار في بعض العلاقات التماسي =والتماس السلك يبعث له حريقه
وان نظرنا فايل الخس الأساسي =له سوابق تفضح الخس وتعيقه
لا شجيع ولا كريم ولا سياسي =ولا يفرج عن رفيقه يوم ضيقه
ماذكر له موقف ٍ يجلى العماسي =وله مجال ٍ فالطواريق الرقيقه
الهوى والغي منهجه الدراسي =كم طويل ٍ مع هوا نفسه يويقه
وياصف الأجساد من تحت اللباسي = ياصف اجساد الهويه والصديقه
وفالمجابه والقسى ماهوب قاسي =لياتلاطمت الحجج يشرق بريقه
ويوم جاته من بعيدين المماسي =انحنى كنه يوايق في خريقه
علموه بقول مرشد كان ناسي = يوم سقط له خوابير ٍ عميقه
قال له ياابن خلف راسك وراسي =والوعد قدام والغبه غميقه
استعد لرجل راسه مايراسي = وان حداك الخوف جنب عن طريقه
وصار فالخس انكماشه وانتكاسي = وفضل الذله على ردت وسيقه
وشاعر المطران صلح له اركاسي =واحتمى الضلع المسمى مع فريقه
ولبسه بشت ٍ مفصل بالمقاسي =لو يموت الخس ورثه لشقيقه
وش يريد الخس لحاس التباسي = وش عليه من البحر والا غريقه
مايقول القول عن دافع حماسي =مقصده شي ٍ يحطه فالعليقه
لا حصل له مدت ٍ لو هي طفاسي =حطها فالمحفظه مدري بريقه
والمنافق دايما ً خاسر وخاسي = لو تظاهر بالعفاف عن السريقه

بيض اللة وجة كديميس وهاذا الشي ماهو غريب على راعي النخوة

[مشبب السريع]

بيض اللة وجك ياكديميس وهاذ الشي ماهو مستغرب على هل النخوات ولا هنت يانامي

[نامي]

لاهنتـــوا جميــعا

وبيض الله وجيهكم


شاكر لكم المـــرور


دمتـــم بحفظ اللـــه

[سلطان روق]

صح لسان الشاعر كديميس

ولاهنت على النقل الرائع يا نامي

[السّامي]

الله الله الله

وان نظرنا فايل الخس الأساسـي=له سوابق تفضح الخس وتعيقـه
لا شجيع ولا كريـم ولا سياسـي=ولا يفرج عن رفيقه يوم ضيقـه

صح لسان ابو صالح مليووووووووون


شاعر كبير شاعر عملاق شاعر عتيبه يقف ليرد الشرذمه وما شابهها


لله درك يابو صالح ويستاهل الخس


الله يحفظك ويمدك بالصحه والعافيه يابو صالح


أشكرك ع النقل الطيب يا طيب

[سطام الرويس]

صح لسان شاعرنا

ولا هنت يالذيب على النقل الرائع

[الـثـقـفـي]

بيض الله وجهك يانامي ومشكوووووووووووووور
وصح الله لسان الشاعر الكبير؟ كديميس العصيمي
وش يريد الخس لحاس التباسي .....وش عليه من البحر ولاغريقه

[ابو محمد الدعجاني]

مشكور يا نامي على النقل وصح السان كديميس العصيمي
والله لو راد شويعر من العتبان على الخس كان ابرك والخس مايستاهل ان يرد عليه الشاعر الشامخ كديميس

[ابو دعج]

بيض الله وجهك

وصح السان شعرنا كديميس


وفالمجابه والقسى ماهوب قاسي لياتلاطمت الحجج يشرق بريقـه
ويوم جاته من بعيدين المماسـي انحنى كنه يوايـق فـي خريقـه