التقى الشاعر المميز عبدالله بن عتقان
ونجم الهيلا الاول علي فلاح العضياني
فحصلنا على هذه الرائعه
ابن عتقان
أثر مزح العتيبي مع عتيبي مشكله بالحيل=يحاول كل واحد بالنذاله يطرح الثاني
ثيابك يالعضياني بجسم العازمي تفصيل =و ثوب العازمي زايد على جسم العضياني
علي فلاح
نصيحه يالدميحي لا توقف في مسيل السيل =تراني مثل وصف السيل ما تقدر تحداني
هذا عبدالله اللي يوم يلبس من ثياب بقيل =ما يشملهم نظام منظمات حقوق الإنساني
ابن عتقان
أعرف إنك عدو ما أنته مسالم و أجودي و حليل=و أنا شرحك سرا ماني مجرد رقم مجاني
و ألا يا أصحابنا ياللي شربتوا نصف نهر النيل =لعل بطونكم يطلع بها مشمش و رماني
علي فلاح
ما أذمك مار أنا من عزوة عتيبه حمول الخيل=نصيحه لا تمنى الوقت يرجع مثل ما كاني
شربنا من فناجيل النشاما كيف بن و هيل =فناجيل حرام إلا على ذربين الأيماني
ابن عتقان
نعم بعتيبه الهيلا لكن أنته يا ويلك ويل =عليك الله و أكبر لن تولاك إبن عتقاني
لو إنك يالعتيبي حافظ التوراة و الإنجيل=تطلع هيكل المرسل نبي الله سليماني
علي فلاح
تهددني و أنا أكثر من التكبير و التهليل =ليا مني ذكرت الله يخزى كل شيطاني
عليك الميل لو تقول أنا اللي ما علي الميل=عليه بالحرام إنك طعام الذيب سرحاني
ابن عتقان
لو الله يا علي ما أنته بطيب معك سر الليل=أنا ماني بشيطاني يا متهور يا قوماني
أحد يقطف من التمره و أحد حمال للزمبيل=و أحد جالس و متضايق و متحطم و زعلاني
علي فلاح
لك الله لو تخنذف مع خناذف يا حليف هذيل =عتيبه تحتمي بالسيف الاملح كل ميداني
أبا أشد الحمول الجايره من فوق ظهر شعيل=على حملك تحمل يا جملنا قدر الإمكاني
ابن عتقان
لو إن عتيبه آخر جيل مثل عتيبه أول جيل=منيع الله هذا يكفيك عن ريض و عجلاني
فصيلة دمك ما يحتاج معروفه من التحليل=لكنك غن فالمرقاب قدم فلان و فلاني
علي فلاح
عتيبه يالدميحي كلهم ما يبخسون الكيل =لكن أنته عسى ربي يعافيك و لا يبلاني
« آخـــر الـــمـــشـــاركــــات »
05-Feb-2010, 06:03 AM
العرض العادي
