قصيدة الشاعر شاهر بن محمد السهلي في لجنة شاعر المليون

[سهلي مطنوخ]

السلام عليكم

شارك الشاعر شاهر بن محمد بن شاهر الزقعاني السهلي في برنامج شاعر المليون بهذه القصيدة وهي الفائزة في
مسابقة 50 عام (( من تولي الامير : سلمان بن عبدالعزيز امارة الرياض ))ومركزها التاسع من بين ثلاثة الاف وثلاثة وعشرين قصيدة :

عز الرياض وعـز وادي حنيفـه=وعز الامارة والامـور العظايـم
عدل الحكم سلمـان بالعـز ريفـه=خمسيـن عـام وكلبوهـا غنايـم
تبصر بعدله هيـن حـي كفيفـه=المجد له والطيـب والعـز دايـم
صفوة ملوك (ن) كالهضاب المنيفه=ظل وذري عن لفح برد وسمايـم
اسرة شريفـه والمكانـة شريفـه=شيخ الشيـوخ مكبريـن العمايـم
من هيبته كل الأشـاوس مخيفـه=ومن حكمته فل العضال الجسايـم
من مدته عاشت بيوت (ن) ضعيفه=ومن فزعته كم خايف بـات نايـم
نجـد العذيـه كالفتـاه العفيـفـه=شامت لبو تركي قـوي العزايـم
عبد العزيز اللي حكمهـا بسيفـه=حر شهر فوق الحـرار الصرايـم
على ظهـور ملافخـات السفيفـه=في ساقته تشبـع سبـاع وحوايـم
النصر في كل المعـارك حليفـه=وحظه يذعذع مع هبوب النسايـم
اما انت والله بالوصايف وصيفـه=عليك من صقر الجزيـرة علايـم
كنّك من معزي موصـى وخليفـه=بين الرياض ونجد مغـرم وهايـم
لك نصف قرن وهي حبيبه وليفـه=تضحك نواظرها وتفـك اللثايـم
غيثك عليها هـل صافـي قنيفـه=وديمك عليها انهل والجـو غايـم
ياجعلها دايم علـى كيـف كيفـه=عز ورغد وافراح وامن اوولايـم

يعد ماالقاها على لجنة شاعر المليون قال سلطان العميمي القصيدة مستواها متوسط وانا لا اجيزها طبعا انتم تعرفون اللجنة الذي اختارها الامير عبد العزيز السامر وهم احمد الناصر وراشد ين جعيثن وبوجود محمد الخس وهم من فحول الشعر وياتي العميمي بعدهم ويقول مستواها متوسط فقال شاهر هذه الابيات :

كل هادنيـا تجـارب وحنـا نستفيـد=وان وقعنا في خطا فالخطا طبع البشـر
غلطتي من عقب وردي على العد الوكيد=رحت للرس الهماج الذي شربـة كـدر
(يالعميمي) ويش عرفك بسمان القصيد=ويش عرفك الجزاله ومضمون الشعـر
انت توك تظهر العام مع (روضة) جديد=وتحسب انك حزت للشعر في يوم وشهر
كيف تنقد جزلـة كنهـا العقـد الفريـد=فايزه من قبل اجيكم وواصلكـم خبـر
قلتها في الحاكم اللي عسى عمره مديـد=حاكم الوسطى وشيخ البوادي والحضـر
وظهرت بمسابقة راعي الفعـل الحميـد=الامير (السامر) ابن الفخر ساس الفخر
ان عطوا من مالهم ما يمـدون الزهيـد=ماخذوه من الرسايل ومن مـال البشـر
ورشحوها فحول لللشعر اهل راي سديد=لو تجي مع لجنتك عندهم تصبح صفـر
(احمد الناصر) نعرفه ومن وقت بعيـد=وقبل لاتخلق وهو ناقد وشاعـر بحـر
وكان قلنا (الخس) ماله مثيـل ولانديـد=شاعر عملاق يقطف زهر ينحت صخر
(والجعيثن) ناقد فـذ وبشعـره مجيـد=في محال الشعر والنقد له وزن وقـدر
لو تقارن مع احدهم نقصت وهو يزيـد=يصعدون الى الثريـا ومنزالـك حـدر
واخسارة جلستي قدم ربعك (يالسعيـد)=واشهد اتها غلطة ما تكرر فـي العمـر

وسلامتكم



منقووووووووووووووول
،
،
،
،

[القرناص 999]

صح لسانه ولا هنت على النقل واللجنه مااجازوا شعار كبار كثير غير

شاهر منهم مدغم ابو شيبه ونايف معلا وماادري اش الاسباب يمكن

اكتفوا بالشعار اللي اجازوهم من السعوديه والباقين يبونهم من دول

ثانيه مدري يمكن هذا هو السبب

[ابو ناصر المقاطي]

صح السان الشاعر واللجنه يبيلها اعاده تعليم ما هو الشعر اصلاً

ولاهنت سهلي مطنوخ

[رمح برقاا]

صح الله لسان الشاعرر عزز الله كفاا وفاااا وبيض الله وجهك يا السهلي

[عبدالله بن دبيس العتيبي]

الله يعطيك العافية ياخوي

وصح اللسان الشاعر


والحياة

دروس وعبر

ونتمنى التوفيق لشاعر



وتقبل تحياتي

[فيصل البرقاوي]

صح لسانه يعطيك العافيه

[مرزوق حمدان العتيبي]

..
صح لسان السهلي .. وبيض الله وجهه على قصيدته
الجميله ..
..
وللمعلوميه: القصائد في مسابقة السامر لم تفز عن طريق
تحكيم اللجنه ... كأختيار افضل 10 قصائد ... انما تم الاختيار
عن طريق القرعه ..
ولم تفز قصائد كانت من مثل هذه القصيده واجمل ..
.
و اللجنه المنتخبه قامت فقط بفرز عدد كبير من القصائد من مجموع
اكبراعتقد قارب العشرين الف قصيده تقل او تزيد ان لم اكن غلطان ..
..
اما اللجنه لشاعر المليون .. فتقييمها على المزاج ...
والدليل انهم اهلوا من ضمن الثمانيه واربعين اناس لايطلق عليهم شعراء ..........واستبعدوا
عمالقه فالشعر... فلا تستغرب ....
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سهلي مطنوخ]

لا هنتــووا جميـع على الردود الطيبه

تحيـاتي للجميــع

آخر تعديل سهلي مطنوخ يوم 10-Mar-2008 في 12:38 PM.

[مهنا البرازي]

صح لسان راع النعيريه شاهر المحمد شاعر ومن بيت شعر معروف

باالسعوديه والكويت

وعلى قولة مدغم ابوشيبه سلطان العميمي ما يعرف من النجوم الا سهيل


يقول البرازي

رخص الحصان ورخصو الطيبيني
وغلي الحمار وما اشتبهله من الناس


ولد الردي يدحم بجنبً متيني
وولد الحموله جنب مع الساس



دنياك هاذي تفجع الغافليني
ترفع ذنب واطمن المتن والراس




شكرً لك سهلي مطنوخ على النقل