انا اشهد إنه ما يعز القبيله

[عبدالله القثامي]

بسم الله الرحمن الرحيم

اخواني وتاج راسي


قصيدة متواضعه اقبلوها كما هي وارجو المعذره

بديت بسم مكون الكون وأبديت=مافي ضميري عل يشفى غليله
مرت ثلاث اليال سهران ما امسيت=من واهجٍ بـ الصدر ما فيه حيله
لو الدوى يشفي غليلي تداويت=والو لي نديم اروحله وأشتكيله
والبارحه في تالي الليل صليت= وقريت الي صوره قصيره طويله
وطرى عليه غدر ألايام وازريت=لاعدي الموضوع بهون وسيله
عقبه تناولت القلم وإستمريت=اصطر ابيات القصيد الجزيله
واخذت من زين التماثيل واعطيت=انقى الجزيل الزين واترك هزيله
بنات فكري لا سهمت تصخر البيت=تنقى من الشرد فرايد جميله
أونس بصدري مثل ضرب الدناميت=من جور واحداث الليال المهيله
من وقتنا اللي شتت العقل تشتيت=خلى مغاليق الضماير نثيله
بعض العلوم اتفتت الكبد تفتيت=وبعض العرب ما عاد فيها عقيله
أستغفر الله كان فى الهرج زليت=أنا اشهد إ نه ما يعز القبيله
إليا تكلم لك وفكرت وأصغيت=والينه اصفى من مزون المخيله
ون طالت المده طلع هافي الصيت=أكذب من كتاب الف ليله وليله
ينقل لك البغضاء ليا اقبلت واقفيت=مجرم وحتفه فوق كتفه يشيله
أصحاب ود وهات واوحيت ما اوحيت=على النمايم والعلوم الرذيله
ما بين همز ولمز خطوا الهلافيت=وألا الرجل يعرف وعقله دليله
وحهه من افعاله عفر كنه الليت=الطيب طبعه والوفاء ينتميله
كنه موقت لأجزل القول توقيت=فصيلته يا حيها من فصيله
ألدين والا خلاق العرف لاجيت= تلقى لها عنده بيوتٍ ضليله
في مجلسه تلقى هلا هيل حييت=ودله وعود ازرق وهرجه ثقيله
وسوالفٍ وامزوح ما هتاهيت=سموا الزميل اللي يقدر زميله
الفرق واضح بين عنبر وحلتيت=والهيل ما تقرنبه الجنزبيله
واللي يقول اني تماديت وأخطيت=أقول تنبيك الليال الفضيله
واحتامها صلى المصلي وصليت=على نبيي عز من ينتميله

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي

آخر تعديل عبدالله القثامي يوم 26-Jan-2009 في 12:21 AM.

[فواز علي الروقي]

بيض الله وجهك يالقثامي
وصح لسانك كفيك ووفيت ولاخليت شي
من طرقك لهذا الموضوع الاجتماعي والديني انه مع ذلك ركيزه من ركايز الحيه ولاهو غريب عليك مثل هالنقد والحبك تقبل تحياتي

[عبدالله القثامي]

فواز هلالالالالالالالالالابك ملايين

وجودك شرف لا عدمتك

[** أبو ندى **]

الفرق واضح بيـن عنبـر وحلتيـت
والهيـل مـا تقرنبـه الجنزبيـلـه
واللي يقول اني تماديـت وأخطيـت
أقـول تنبيـك اللـيـال الفضيـلـه

الشطر الثاني من البيت الاول

ملاتلاحظ فية عجز في القافية


شكرا لك

شكرا للجميع

[مطلق الحويقل]

صح لسانك يالقثامي
ولايستغرب عليك مثل هذا الابداع
تقبل مروري

[أبوضاري]

صح لسانك يالقثامي وقصيده جزله من شاعر جزل تحيتي

ون طالت المده طلع هافـي الصيـت=أكذب من كتاب الـف ليلـه وليلـه

[عبدالله القثامي]

ابو ندى

هلالالالالالالالالالابك ملايين

وجودك شرف لا عدمتك

[عبدالله الجـــذع]

واخذت من زين التماثيـل واعطيـت
انقى الجزيل الزيـن واتـرك هزيلـه
بنات فكري لا سهمت تصخر البيـت
تنقـى مـن الشـرد فرايـد جميلـه


كفو وهذا ماعهدناك منك شاعرنا الرآئع


صح لسانك حتى ترضى يالغالي


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ماجد حمود العصيمي]

الله اكبر

مليون مليون صح الساانك

قوة سبك وحبك وجزله يالجزل

متابعتي واعجابي

[عقاب بن سقيان العتيبي]

شاعر المحاوره عبد الله القثامي
صح لسانك دائما............
اتمنى لك التوفيق دائما.........

وعلى النبي صلى الملي وصليت

الله لا يحرمنا شفاعة نبيه...