مرحبا ياعتيبة _توضيح عن فخذ الزقاريط من شمر_

[سناعيس شمر]

السلام ..عليكم؛
انا عضو جديد عندكم اتمنى انكم تقبلوني بينكم

..
في موضوع قديم قريته بالمنتدى عن اكثر قبيلة القبايل عددا ومساحه بالجزيرة موضوع جميل والنقاش كان اجمل
لكن استغربت من واحد اسمه ((مزحم))
قال هالكلام اللي راح انسخه لكم :-
(وهناك قبائل بمسمى شمر لكنها ليست من شمر مثلا شمر الزقاريط وشمر طوقه وهم ليسو منهم والكلام ينطبق على عنزه فلم يبقى بالعراق منهم الا قله اهل نخيب والرطبه و بقيه في سوريا ولا يخفى على احد انه تجنس ودخل ضمن هذه القبيله ما ليس منها ودمتم)
..
انتهى كلام الاخ مزحم...............
صراحه انا شخصيا ماادري الاخ مزحم منين جاب هالمعلومات
عن الزقاريط .. واذا الزقاريط ليسوا من شمر!!
فاتمنى منه ان يوضح لي
من اين هم وكيف انضموا الى شمر ؟؟


اتمنى من الاخ مزحم انه يقرى موضوعي هذا
..
عشيرة الزقاريــــــــط:-
الزقاريط هم أبناء زقروط بن ربيع بن محمد ( الملقب بالأصفر ) بن ربيع بن جاعب بن عمير بن راشد بن ضيغم ..
وهم ينتمون إلى عبده ومن الربيعيه تحديدا مع العفاريت والجدي والمحيسن والمردان..
أما نخوتهم العامه فهي (( صبيحات )) نسبة لجدهم صبيح بن بريكان بن نافع بن زقروط ...
أما وسم إبلهم فهو (( المشعاب )) يوسم به على طول رقاب الإبل من اليسار
؛؛؛؛
ويعتبر الزقاريط من أوائل أفخاذ شمر التي نزحت من حائل في فترة القحط الكبير الذي أصاب منطقه نجد حيث خرج معهم الكداده من زوبع واتتنقلوا بين الباديه السوريه والعراق حتى إستقرت لهم الحسينيه بعد معركه الطار ضد إبن جشعم حيث شارك الكداده الزقاريط بالمعركه حيث قال الشاعر الخرساني وهو بالأصل من بني خالد بعد المعركه :

طار جمع الشخ طار ~~~ وإنحدر من فوق طار
جوك زوبع كالحرايق ~~~ والضياغم لهب نار
مرحبا بحصان سدرة ~~~ من العصر جاب الأخبار

وقال الشاعر الهكاز من الحسين من الدغيرات من عبده من شمر :
يا راكب ٍ من ركاب مثل الجرايد ~~~ من كثر ما ينهمونه
غرب الحسينيه لنا ودايد ~~~ خلفة عمير الضيغمي يسكنونه
صبيحات أهل المدح وأهل المجايد ~~~ والجمع الأول لازم يهزمونه
..
وللذكر فإن الزقاريط موزعين حاليا بين العراق والسعودية والكويت وقطر

والزقاريط هم أخوال المرشد شيوخ السبعه من عنزه.. وأخوال الفارس من الجربا(شيوخ شمر).. والسويط شيوخ الظفير..
والهذال شيوخ عنزه أيضا لهم نسب مع الزقاريط

..
..
اسمحولي على الاطاله
وفي الختام سلاااام..

[ابن هوازن]

ونعم بشمر وبالزقاريط خاصه



أخوك

[سناعيس شمر]

ماعليك زود يابعد حيي

تشرفت بمعرفتك

اشكرك على المرور ((ابن هوازن))

[ذيب المراقيب]

بسم الله الرحمن الرحيم

ياهلا ومرحبا / بسناعيس شمر

اخي تشرفنا بانضمامك لمنتدى ( الهيلا ) .. واستفدنا كثيرا من المعلومات التي تفضلت بها عن الزقاريط .

وفي الحقيقه بهالمناسبه عندي سوآل بخصوص ( الشلقان) هل هم من ( الزميل ) ام ابناء عمومه لهم ؟ واكون شاكرا لو تفضلت بالاجابه.

ذيب المراقيب

[سناعيس شمر]

هلابك ياذيب المراقيب
الشرف لي بالانضمام لهالمنتدى المحترم ((منتدى الهيــــلا ))
..
بالنسبة لسؤالك .. الشلقان من فخذ الزميل من سنجاره من شمر
ومن الزميل : الثنيان والويش والسلمان والشلقان والرخيص والضوء والخمسان والنمصان والشمروخ والذرفان والبيسعد والشيحه
..
..
اشكرك على المرور ((ذيب المراقيب))
وتقبل تحياتي

[فيصل المسعودي]

ونعم في شمر


تحياتي لك لتوضيحك الكريم وشكرا

[سناعيس شمر]

ماعليك زود يالمسعودي
شكرا على مرورك الكريم

[ذيب المراقيب]

بسم الله الرحمن الرحيم

مشكور يا الخال / يا سناعيس شمر .. على الاجابه عن الشلقان .

وهذه القصيده المشهوره هديه لك :

راكب فوق حر يذعره ظله +++ مثل طير كفخ من كف قضابه

ماحلا فزته والخرج زاه له+++ والميارك على متنه تثنا به

من سكاكا ترحل واترك الذله++ واحذر الخوف هاجوسك تهنا به

سر لشمر وخبر لابتي كله +++ لابتي بالملاقا حي من لابه

قل الوادى ابو عافت بعد قله++ يا نهار على الجوبه تحلا به

الدخن فوقنا كن الدجى ظله ++ من الرويلي وابن شعلان واقرابه

دريو انا قليل وادركوا خله +++وارتكينا بعون الله وحجابه

ما نعرف الضحى من كثر خلق الله ++ وين شمر هل العادات والجابه

وين هايس وبرجس هم وربع له+++ وين عبده الى من حل ضبابه

وانخ راعي المليحا لاتساهل له+++ وانخ شمر وعط الصوت يدرى به

وانخ فهران اخو رفعه ورمح له ++ ليا التقى بالملاقا كف قضابه

وانخ ضاري والاسلم قل تجي كله++ واخو صلفه الى منه كلخ نابه

وانخ اخو شاهة المنصور وافطن له++وانخ مطلق مع التومان بالجابه

وانخ سنجر وقاسم ساتر الخله +++ وانخ غضبان ابو علوش واقرابه

وانخ عدوان ابو ممدوح وربع له ++ وانخ شيبان شمر وانخ شبانه

وانخ مياح واهل الدين والمله +++ وانخ الخوان عز الدين واحجابه

[سناعيس شمر]

العفو يالبناخي
يعطيك العافية على هالقصيدة
لاهنت يابعد حيي وصح إلسانك وإلسان من قالها

[ذيب المراقيب]

بسم الله الرحمن الرحيم

حياك الله يا خال اشوفك تحوم حول ديار عتيبه .. اقلط على الرحب بديار بني عمي .. وخذ الحربية الثانيه اللي صارت احداثها بديار الجوف عام 1338 هجري :

يا نديبي سر على كور قطيعه××× حره من ساس ذرواه مفروده

ما حلا زوله بدوه خلاويه ××× كنها الربدا عن الدوح مطروده

راكبه يا صاح يا طيب النيه×× والضحى هذاك بالحزل منشوده

قل جرى يوم عبوسسنك فيه ×× زلزل الضلعان والقاع برعوده

بيننا كن الموازر ضحى الهيه×× ضوح برق الصيف والهند مجروده

والجنايز مثل جدع الجناديه ×× قبل شرب الماء على حال ماروده

والدما سالت على القاع سبليه×× عشيها للطير والذيب وجنوده

ستة اغواش شعالين مع ميه×× من رويل كنها الحيد مرجوده

سبلوا صبيان حايل قصاويه×× وردوا على الماي ماكوده

لين بلوا كل نفس شقاويه ×× اشهد ان الطيب هم راس ماروده

يوم قام سعود ينخا الفداويه×× زادت الغلمان والعز بسعوده

شيخنا زبن الونيه عن السيه××في نهار يصيح الشيب مالوده