عبدالعزيز العازمي+صقر سليم (مباشرة)

[بندر المرشدي]

عبدالعزيز العازمي ( رمح الهيلا)

هلا يامرحبا ترحيبة" بين الشتـا والصيـف=نسيم البر ينقلها على شاطـي بحـر جـده
لقيت أصحابنا السلمان تلعب بالعصا والسيف=وانا أقول العصا من شدها والسيف من حده

صقر السلمي ( صقر سليم)

لعلك للبقا من بحر جده لين حـد جنيـف=تعرف البحر مايغواك لاجزره ولا مـده
على شان البعير اللي منول مرتعه فالريف=جنوبه مالها غير العصا والوسم في خـده

عبدالعزيز العازمي (رمح الهيلا)

يقولون المعرف يالبقيلي مايبا تعريف=عرفتك فالرخا لكن دقت ساعة الشده
والا ياشاربين الكيف بعض الكيف ماهو كيف=هقاويكم على الهامات والهجمات مرتده

صقر السلمي (صقر سليم)

[

ليا جات الشدايد فعلنا تشهد له العريف=صديق (ن)فالشدايد يختفي لارحم ابو جده
الا ياللي تسوق الكيف لانتقص وجوب الضيف=وجود ساس بيتك لاتهب الريح وتهده

عبدالعزيز العازمي (رمح الهيلا)

زمان الناس قبلك حط كم أوراق فالارشيف=توقع لاتصير أنت ورقه في وسط مسوده
تبون العلم والله مايعرف الكيف غيرحنيف=وصقر ليا تعلا فالجبل شاف الجبل قده

صقر السلمي (صقر سليم)

توقع يالعتيبي قبل تدخل غرفة التوقيف=تبا تمزح مع الرجال والرجال من جده
عيونك ما تميز دربها ورموشها وقيف=وانا اشوفك تحت ظل الجبل والارض ممتدة

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه