قحص الشيباني يستيسر الدويش شيخ مطير وياخذ جيبه وفرده

[عكاش]

بسم الله الرحمن الرحيم

تتفاخر المنتديات القبلية بحوادثها مع القبايل الثانية ومن حقنا نحن اننفتخر كذلك بحوادث ابناء قبيلة عتيبة مع القبايل الثانية ومن القصص الطريفة في عام 1408هـ تقريباً حادثة حصلت بين قحص الشيباني واحد الدوشان من شيوخ قبيلة مطير في الصمان وهي ان قحص الشيباني كان مطلوب للجهات الامنية وكان يتجول في ديرة المطران وكان عليه بلاغ وكان في احد هجر الصمان هجرة لاحد الدوشان من شيوخ مطير وكانت فيها محطة وبعد علمه ان قحص في المناطق اللي حوله وكان قحص معه هايلوكس تويوتا وعند الدويش خبر ومواصفات سيارة قحص فامر على عمال المحطة ان لايعبو للي اول مره يجيهم معه سيارة ووصف لهم سيارة قحص قدر الله ان يمر قحص على هجرة الدويش ويروح للمحطة يبا يعبي منها بنزيم ويعيون العمال هو يحط كل واحد فوق الثاني بالمشعاب ويعبي من المحطة غصب انطلق واحد منهم للدويش وعلمه ان راع السيارة جاهم فالمحطة وعيو يعبون اله وظربهم وعبا غصب عنهم الدويش يحسبنه قد راح يبا يشوف محطته وعماله وش صار فيهم لهو مطلع له جيب وكالة جديد هو يركبه رايح للمحطة ويوم جا المحطة لقحص قدامة عند بنشري المحطة يصلح استبنته وكان قحص حذر ماطفى سيارته ويوم شافه الدويش هو يحط رجله وقحص يطرده ويلحقه هو يهزع الدويش بالجيب يبا يزبن النفود لان الجيب عزمه اقوى من الهايلوكس في النفود ويوم شافه قحص الدويش متنحر النفود هو يرد لابوعطفة هو يعطية كم رمية والدويش يوقف وقحص يجيه قال حول الجيب مهوب مركب لك حول والدويش ينزل هو يقعد يتطلب قحص مايذبحه قال قحص والله ان ذبحتك عندي اهون من ذبحة الطلي مار جيبك اعتقك وانت عان الهايلكس ارجعبها لحرمتك وورعانك وقحص يعطي الجيب نمرة هو ينطلق علاه ويوم فتش درج الجيب للفرد فيه وسعفته ماليانه فشق لهو كاسبن من الدويش جيب منزله من ظهره والفرد حقه.

عاد فيه شعراء ردو قصايد بعد السالفة منها قصيدة لشمري اسمه منصور ماعرف منها غار كم بيت واهل الشمال يمدون في اسم قحص

ياطيب قحص يوم لحق الدويشي=من بين ربعه مالقى مـن يـرده
منحاش فوق الجيب قلبه خريشي=لكن قحـص بالهلكسـي يحـده
سمع المشوك فوق راسه يطيشي=ووقف على جنب النفود ام خـده
ماقاومه مرعـوب وده يعيشـي=واخذ ولدشيبـان جيبـه وهـده

وكذلك محاورة بين سلطان الجلاوي وشاعر مطيري قام المطيري يقول حنا وحنا نسوي المعجزات ولا احد يتجرا علينا من قبل توحيد المملكة ولاهالحين قال سلطان الجلاوي مواله الشهير

انت نابتلك مع الاسلام ريش=مار بذكرك يالقلب الغشيش
قحص منزل عن الجيب الدويش=مايطير الطير مكسور الجناح

عاد السؤال المهم عن الدويش يومنه مافعل بالفرد وقت حاجته هو وش شراه اله هههههههههههههه

شراه وقت السعوات مصدق نفسه ويوم لزمت اللزوم قامت تراعد عظامه

[صاهد الشيباني]

[align=center]الله يحفظ دولة الاسلام اللي خلت للمنتف ينبت له ريش ويهايط بالمعجزات في وقت النعمة ولامن والامان

ولولا الله ثم دولة الاسلام كان وخذت جيوب واجد

هذا قحص لحاله عند اجناب يمينه ويسارة كيف لو معه واحد ثاني كان وش بيصير

ذكرتني سالفة قحص وهوه لحاله واخذ جيب شيخ من شيوخ مطير وهم صاكين عليه بالبيوت والهجر من يمين ويسار بسالفة مخلف الدغيلبي وهوه لحاله مع شيوخ مطير يومنهم طمعو فيه وهوه لحاله وكلهم هجمو عليه ثم ارثع فيهم وهجو وخلوه اللي ردت فيها مويضي البرازية المطيرية تقول

وديرتي عنها مخلف حداني=حدي الضوامي عن بيار بها جم
واحد وخلا الدم بالقاع قاني=وابوي لو هو لاحق له ولد عم
واذا انتخى من فوق بنت الحصاني=الخيل من خوفه تفرق وتلتم
خلا شيوخ مطير مثل السماني=اهل السيوف اللي لعافيظها دم

مار اليوم عقب ماشبعو وحسو بالامان قامت تطول السنتهم

آخر تعديل صاهد الشيباني يوم 15-Sep-2008 في 08:49 PM.

[عبدالرحمن الهيلوم]

كفوووووووووو بالاد مشيب

ولا غرايه
ارجاال تنموس طريااااااااااها
والله يوفق اعتيبة الهيلا

[البريماني]

هههههههههههههههههههههههههههههه

والله وضاعت علوم مطيرررر...الله يرحمك ياقحص.....والقصه معروفه ومشهوره...زبس المطران مسوين انهم مايدرون عنهااا


لاهنت ياعكاش ولاهنت ياصاهد

[عبدالله هادي ناشي الفليت.]

الله يرررررجك ياقحص

[عكاش]

الله يعطيكم العافية على ردودكم وصدق ابوجميل

انتم قبيلة لكن الطق فك اللحام=مطير قومٍ خلقنا الله لتعذيبهـا

مطير قوم خلقنا الله لتعديبها

[سلطان روق]

لتعذيبها وليست لتعديبها

هذا ما اردت توضيحه

كما اشكرك على الموضوع الراااائع

والله يرحم قحص وجميع اموات المسلمين ..

آخر تعديل سلطان روق يوم 17-Sep-2008 في 10:48 PM.

[مهنا العطاوي]

بيض الله وجهك ياعكاش والقصة معروفة ومافيها شك






خلا شيوخ مطير مثل السمانـي
اهل السيوف اللـي لعافيظهـا دم

[ابوزعبه]

كفو والله ثم كفو ثم كفو بالأدمشيب

[زبن الدخيل]

شنب ابن مشيب .. والله ونعم بالاد شيبااااان
فريّس نجد