مرزوق حمدان (مصافحه أولى)فنجال دله

[محمد النخيش]

يابن حمدان قرب واستعدا لاتهيب من الطرق الطويلي=انت فالمنتدى شاعر وعاقل تعرف العلم ياشاعر عتيبه
كل واحد يناديك انت يامرزوق واليوم جيتك فوق خيلي=ودنا معك ناخذ ثم نعطي والهدف فالمطلات الرقيبه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[مرزوق حمدان العتيبي]

يابن غازي ليا جيتك تجهز والعتيبي مايعرف مستحيلي = وين ودك نمشي هالوسيمه تبغي الهينه ولا الصعيبه ؟
الليالي لها بالكون ميله وانتبه من قساها ياعميلي = القريبه ترى ماهي بعيده والبعيده ترى ماهي قريبه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

الله الله

يا سلام بدايه مشوقه .. صحة السنتكم يا شعارنا ..


وسجلوني متابع لجمريات الحديث ..




أخوكم

التوقيع

.....

[محمد النخيش]

لاحتمى اللعب يامرزوق زاني صار فالملعبه حط(ن) وشيلي=هات طيبك يابن حمدان قدمي قبل اضوي على راسك مصيبه
الليالي ثلاث ايام بيض ومابقا سود يالوزن الثقيلي=فالمحاريب ماشفتك تصلي ليه وانته مضاريبك عطيبه

آخر تعديل محمد النخيش يوم 19-Aug-2008 في 12:05 PM.

[محمد النخيش]

ابو نجر صح بدنك و لاهنت على المتابعه

[زبن الدخيل]

صحت السنتكم وفي صف ابوحمدان دون
قصور في قبيله

[بندر النخيش]

صح لسانكم والله يعافيكم



اخوكم بندر النخيش

[/عبد العزيز الجذع/]

ياسلام ياسلام.

ابداع غير مستغرب من الطرفين.

صحت السنتكم.

متابع

[محمد النخيش]

بندر النخيش



زبن الدخيل

عبدالعزيز الجذع



لاهنتو على المرور المشرف

[مرزوق حمدان العتيبي]

لاتفرعن مادم انك قبالي فوق راسك هماليل المخيلي = وان غلبتك تراها شي عادي غلبتي لك ترى ماهي غريبه
احمد الله مكفيني حلالي عن كثير الطمع طاب القليلي = حالت الناس يارجال حاله كم صحيب ٍ تنقد في صحيبه