رحلة العمر>>>>غازي بن عون

[سطام الرويس]

بسم الله الرحمن الرحيم

من حق اي شاعر له اسم في الساحه الشعبيه ان يتداول العاميه قصائده الجديده وهذا شاعر يفرح متذوقين الشعر في مشاهده جديده
وشاعرنا من الشعراء الذين برزو في الجزيره العربيه في شت انواع الشعر وبرز في طرح قضايا الامه العربيه والقصائد الدينيه وهذه القصيده تبين عمر الانسان ومصيره في اخر العمر
(هذه القصيده لشاعر/غازي بن دخيل الله بن عون الرويس) يقول

العبد اله من عالم الغيب ميلاد ويقضي بدنياه الخضر والعجافي
ولو عاش عمر شعيب فيها ولو ساد مادامة لغيره نعيم وعوافي
ولا فرق بين الموالي والاسياد من حل يرحل بنتهاي المطافي
له ساعة(ن)فالوح خطه وميعاد وله مدة(ن)يعيش فيها وتافي
لقاف قدامه وقافيه طراد ولا له مفر ولو تحذر واخافي
ان كان ماصاده مع الدرب صياد يشده الي يطرده من اخلافي
احد(ن)من التقوى والامجاد يزداد وبطيب العمال يملا الصحافي
يبا ليا نودي على روس الاشهاد يعطي كتابه في يمينه يشافي
واللي من اوديه الجهل هام في واد وقلبه عليه من المعاصي غلافي
لاجمعت ارواح البرايا والاجساد عض الابهوم من الندم والاشافي
وعرش المعاني فالعباده والامجاد ماياصله راع العزوم الضعافي
ومراتب الطاعه تبي صبر وجهاد وتبا الجنوب عن المضاجع تجافي
وممش بسلم ورثوه النا الاجداد مافيه مع هدى الشريعه تنافي
سلوم مجد عقبوها للاحفاد كرم وشيمه والتحام وتصافي
وياالي حياتك كلها لهو ورقاد وعن منهج الاسلاف فيك انحرافي
وشلون تقضي ايامك افراح واعياد والشق مايرفاه بالسلك رافي
القدس محتله وكابل وبغداد والله هو اعلم وش عليهن يضافي
والوقت قامت تعترك فيه الاضداد جميع عاقل شاف منه اختلافي
وكثرت به انواع المعاصي والافساد وتتابعت فيه المحن يامجافي
وتغيرت فيه المخايل والانواد والجو كتم عقب ماهوب صافي
وتمض السنه ماحن فالمزن رعاد والبر مجدب والمواشي هجافي
والزرع كنه باديا فيه حصاد من الجفاف ومن لهيب الهيافي
وجميع عدن كان للناس ميراد نضبت جمامه عقب طول الجفافي
واهل العقول الراجحه واهل الارشاد بقلوبهم من مايرون ارتجافي
مايعتبر من قوم صالح ومن عاد وامثالهم من كل مذنب وجافي
وبنصح اخواني حكومات وافراد بتقوى الذي خيره على الناس ضافي
وانا اكبر مقصر من الحضروالباد واشهد بتقصيري واحط اعترافي
قدمي مسافات ومفازات وانجاد مع جرهد مقفر من الناس عافي
يامصعب الرحله ويامطول الماد والحمل باهظ والزاهيب خفافي
يارب جيتك لامطيه ولازاد جيعان مذنب درك عريان حافي
جيت بخطايا مالهاالا انت عداد تعلم بها ياعالم بالخوافي
وجميع ماحشته بدنياي مافاد جيتك منه فرد وتركته خلافي
مافاد مال ولاجماعه ولااولاد نهار فرقا الشمل بين الولافي
من عقب مد الشوف مع بيض الاجراد ومن عقب ممش في وساع الفيافي
وبعد القصور اللي تفرش بسجاد وفرش منعمت ولحف رهافي
امسي بقبرا مظلما بين الالحاد ارضه فراش لي وطينه الحافي
مير ارجي اللي له براياه سجاد ومن التجوا به ماعليهم اخلافي
وصلو على الهادي عدد رمل الانفاد وعداد من حج وسعا عقب طافي

[سطام العفار المزحمي]

ونعم بشاعر الكبير دخيل الله بن عون ونعم بسطام الرويس على المجهود

[سطام الرويس]

آلعذر و السموحة على الكتابة .. آللي كتبهآ مآضبط آلكتآبة.
و مآعليك زوٍد يآسطآم.
تحيّاتي ..

[سلطان العصيمي]

العبد اله من عالم الغيب ميلاد= ويقضي بدنياه الخضر والعجافي
ولو عاش عمر شعيب فيها ولو ساد= مادامة لغيره نعيم وعوافي
ولا فرق بين الموالي والاسياد= من حل يرحل بنتهاي المطافي
له ساعة(ن)فالوح خطه وميعاد =وله مدة(ن)يعيش فيها وتافي
لقاف قدامه وقافيه طراد =ولا له مفر ولو تحذر واخافي
ان كان ماصاده مع الدرب صياد= يشده الي يطرده من اخلافي
احد(ن)من التقوى والامجاد يزداد =وبطيب العمال يملا الصحافي
يبا ليا نودي على روس الاشهاد =يعطي كتابه في يمينه يشافي
واللي من اوديه الجهل هام في واد= وقلبه عليه من المعاصي غلافي
لاجمعت ارواح البرايا والاجساد =عض الابهوم من الندم والاشافي
وعرش المعاني فالعباده والامجاد= ماياصله راع العزوم الضعافي
ومراتب الطاعه تبي صبر وجهاد =وتبا الجنوب عن المضاجع تجافي
وممش بسلم ورثوه النا الاجداد =مافيه مع هدى الشريعه تنافي
سلوم مجد عقبوها للاحفاد= كرم وشيمه والتحام وتصافي
وياالي حياتك كلها لهو ورقاد =وعن منهج الاسلاف فيك انحرافي
وشلون تقضي ايامك افراح واعياد= والشق مايرفاه بالسلك رافي
القدس محتله وكابل وبغداد= والله هو اعلم وش عليهن يضافي
والوقت قامت تعترك فيه الاضداد= جميع عاقل شاف منه اختلافي
وكثرت به انواع المعاصي والافساد= وتتابعت فيه المحن يامجافي
وتغيرت فيه المخايل والانواد= والجو كتم عقب ماهوب صافي
وتمض السنه ماحن فالمزن رعاد= والبر مجدب والمواشي هجافي
والزرع كنه باديا فيه حصاد =من الجفاف ومن لهيب الهيافي
وجميع عدن كان للناس ميراد= نضبت جمامه عقب طول الجفافي
واهل العقول الراجحه واهل الارشاد= بقلوبهم من مايرون ارتجافي
مايعتبر من قوم صالح ومن عاد= وامثالهم من كل مذنب وجافي
وبنصح اخواني حكومات وافراد= بتقوى الذي خيره على الناس ضافي
وانا اكبر مقصر من الحضروالباد= واشهد بتقصيري واحط اعترافي
قدمي مسافات ومفازات وانجاد =مع جرهد مقفر من الناس عافي
يامصعب الرحله ويامطول الماد =والحمل باهظ والزاهيب خفافي
يارب جيتك لامطيه ولازاد= جيعان مذنب درك عريان حافي
جيت بخطايا مالهاالا انت عداد= تعلم بها ياعالم بالخوافي
وجميع ماحشته بدنياي مافاد= جيتك منه فرد وتركته خلافي
مافاد مال ولاجماعه ولااولاد= نهار فرقا الشمل بين الولافي
من عقب مد الشوف مع بيض الاجراد= ومن عقب ممش في وساع الفيافي
وبعد القصور اللي تفرش بسجاد= وفرش منعمت ولحف رهافي
امسي بقبرا مظلما بين الالحاد= ارضه فراش لي وطينه الحافي
مير ارجي اللي له براياه سجاد= ومن التجوا به ماعليهم اخلافي
وصلو على الهادي عدد رمل الانفاد= وعداد من حج وسعا عقب طافي

سطام الرويس اسمح لي على التنسيق
واشكرك على الانتقاء الجزل

[زبن الدخيل]

نص جزل .. وانتقاء جزل .
سلمت ياسطّام

[ضاامي وفااا]

مشكوور ياا أخووي وماا قصرتــــــــ,,,

[فهد العطاوي555]

بارك الله بك , شكراً أخي الكريم

[راع العبيه]

الله يعطيك العافية يالرويس

[أخو جوزا]

صح لسان غازي بن عون.

ومشكور ياسطام الرويس وشكرأ للتنسيق ياسلطان

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾