(((_ نداء من سجن الملز بالرياض إلى قبيلة عتيبه الهيلا _)))
___¤_بسم الله الرحمن الرحيم_¤___
السلام عليكم ورحمة الله وبركاته
هذه (__أمانه__) حملتها إلى هذا المنتداى من السجين محمد بن خالد القسامي ! ! ! من سجن الملز بالرياض إلى قبيلة عتيبه ينخى فيها قبيلة عتيبه كافه _ عسى أن ينفعه الله بها ! ! ! ! !
بسـم الله الرحمـن رب البـريـه =المحيـي الـرزاق رب البـرايـا
الواحـد الغفـار جـزل العطيـه =المعطي اللي مـا يمـن العطايـا
اللي رفع سبـع إسمـوات" سويـه = وسبع الاراضـي مدهـا بالسوايـا
ومن بعد ذكر الله عنـدي قضيـه = قضيـة" ماهيـب مثـل القضايـا
الله يكتبـلـي حـيـاة" هـنـيـه =وإليا كتب لـي عمـر لا واهنايـا
الالف* لاف الحال شـي" وشيـه = انجض عروقي مثل نجض الشوايا
ذقت الهموم وذقت منهـا الاذيـه = واللي بجسمي ذقت منـه الوذايـا
والقلب مابيـن الضلـوع الحنيـه = وسط الضلوع الناحفـات الحنايـا
يومي ولا ادري وين وجـه نويـه =الله يقديـنـا حسـيـن النـوايـا
وقـول ياربـي عليـك الشكـيـه =يا معتلي بامـرك تحـل الشكايـا
والبا* بلانـا الله بهـاك العشيـه = بلـوى ومنهـا ماهتنيـت بعشايـا
بلوى خوي" موتتـه مـن خويـه = ومن موتته جا وسط قلبي خوايـا
محمد عسى روحـه بجنـه هنيـه =في جنة الفردوس وارقـا الرقايـا
والله مابـه بالمخالـيـق زيــه = وافي ومن نـاس" تحـب الوفايـا
والتا* ترى حالـي رديـه رديـه =وما زادلي يـوم" يـزود بردايـا
انـا الـذي بـي علـة" داخلـيـه =ومما بصدري صار كلـه خبايـا
وانا السجين اللـي علـي وعليـه =وانا الذي انخـى ربوعـي ذرايـا
تاقـف مواقـف مانبـا الجاهليـه =مواقـف" بالحـق اخـذ وعطايـا
بالجاه عنـد اللـي لهـم مقدريـه =اللـي لهـم مقـدار بيـن النحايـا
انخى بني عمـي ربوعـن دنيـه =ومن يستمع لـي لا يبقـي بقايـا
قسامـي وينخـا رجـال الحميـه =ينخـا رجـال" بالمواقـف طنايـا
والثـا* ثلـم قلبـي ثلـوم" قويـه =وحكم القصاص اصدر والابه خفايا
تكفـون ياشجعـان ذوي عطيـه = اهل المواقف فـي نهـار الحمايـا
في وسط سجن وعسكـري" بزيـه = حدتنـي الاقـدار لاربـع زوايـا
والجيم* جلجلـت الحديـدي بديـه = واللي جرالي مـن كبـار الجرايـا
كني قريص" مونس" قرص حيـه =تقول في جنبـي تطـرق حيايـا
جفيت مما فـي ثـم صـار فيـه = واصبحت مما في مونـس جفايـا
والحا* حزامي روق دايـم عليـه =منزالهـم دايـم بـروس العلايـا
يذوقون الخصـم قـاص القصيـه =واللـي يعاديهـم يـذوق القصايـا
ورفيقهـم يعيـش عيشـه هنيـه =بامر الولي ويـذوق كـل الهنايـا
والخا* خلايا المخ ماهـي خليـه =برقا سوات الراس مـخ او خلايـا
روس" لهم وقفـات ماهـي غبيـه =واللي جهلهم مـن كبـار الغبايـا
يثنون لا جـت سربـة" سرمديـه =بامر الولـي ويفرقـون السرايـا
اقفـو وجيبولـي علـوم" طريـه =ياروس واقفو ليـن تـال النهايـا
والدال* دارت فوق راسي رحيـه =رحيـة" ماهيـب مثـل الرحـايـا
دار الفلك والعين صـارت عميـه =واللي جرالي مـن يدينـي عمايـا
والذال* ذقـت الهـم والهـم فيـه =هم" جبرنـي مـا يـدور رضايـا
محتار ممـا فـي ذقـت الاذيـه =يالله تكفيـنـا الـبـلا والبـلايـا
والرا* بقلبي رمح وايضا شظيـه =شظيـة" ماهيـب مثـل الشظايـا
تواردتنـي مـثـل وارد طمـيـه =اللي وردها ما لقـى الا الصفايـا
والزاي* زجتنـي سهـوم المنيـه =زج الذي جـاه القضـا والمنايـا
زادن عليـه بيـن هـاذي وذيـه =والسجـن عنانـي وزود عنـايـا
والسين* بالي ما سلا لـو شويـه =والسيف في بالـي يجيلـه طرايـا
افز مـن نومـي وعينـي شقيـه = يالله يالله لا تـــزود شـقـايـا
والشين* شيب العين كل ضحويـه =لاقرقـع البيبـان جانـي بـلايـا
اشكي على الحـلال منجـي نبيـه = من بطن حـوت وباعثـه بالهديـا
والصاد* صاف الدم مابـه بقيـه =يالله يالمعبـود تـاقـف معـايـا
صابر وصبري بس افـرك ايديـه =وطلب فرج ربـي ورفـع ايدايـا
والضاد* كبدي ياجماعـه ظميـه =الله يسقيـنـا بـيـوم الظمـايـا
ضاق الفضا والضيم يضوي ضويه =لقبل ظـلام اليـل جنـي ضوايـا
والطا* طواني مثل طوي الطويـه =خلا عظامي مـع لحمهـا طوايـا
تطري طواري مع همـوم" هميـه =وامسيت مـا رد للهمـوم الهمايـا
والظيم* ضيم" بـان فيـه ظريـه =كني فريسه تنهش ابهـا الظرايـا
اظروف صارت مابهـا مجزعيـه =تعلـم بحكـم الله عـدل وكفايـا
والعين* كن العين عينـي عميـه =مما حداني صـار شوفـي قدايـا
والعين منها الدمع يجـري جريـه =دايم ادموعي من عيونـي جرايـا
والغين* وقت" ما اكثر اليوم غيـه =واكثر عباد الله تشـوف او غوايـا
والغين من غيري ظروفـه هذيـه =انا الذي نومـي احلـوم او هذايـا
والفاء* فؤادي فيه مثـل الفريـه =والجسم كله شفـت فيـه الفرايـا
فرتنـي الاقـدار فــره قـويـه =ومن فرها ياناس خـارت قوايـا
والقاف* قافينـي ومقبـل رميـه =وانا الهـدف قـدام راع الرمايـا
هذا قدر مكتـوب ياهـل القريـه =مامنه مجزع لـو تنـوح القرايـا
والكاف* كيه ياعرب فـوق كيـه =ياعزوتـي والجسـم كلـه كوايـا
تثنى على قلبـي وقصـت عريـه =والقلب يومي مـا بقابـه عرايـا
ياعـزوتـي هليتـهـا هاشمـيـه =قومـو ولا يحتـاج نذكـر كنايـا
والام* لا لا ثــم لا لا ولـويـه =لويـة" نشبـت بداخـل جمـايـا
واللـي لوانـي قرصـة" عقربيـه =شلت لساني مع يدي مـع هوايـا
مسجـون ومـزع شليـه شلـيـه =بين العنابـر راح لحمـي شلايـا
والميـم* مدولـي حبـال النجيـه =انكـان ربـي كاتبـلـي نجـايـا
اطيبـك اللـي يرسـل لنـا دليـه =عسى الولي ايوفـق اهـل الدلايـا
والنون* نار" وسط قلبـي لظيـه =والراس مع جسمـي تلظـا لظايـا
والها* هموم النـاس هيـه وهيـه =علـي دايـم وارداتــن هـدايـا
والواو* ويش الراي ويش الحسيـه =من حسبي يحتـس قبـل الحسايـا
واليا* ياربي هي عليـك الشكيـه =ما غيرك احد" نرسل لـه الشكايـا
آخر تعديل مرزوق حمدان العتيبي يوم 29-Apr-2007 في 12:00 AM.
(_نفيع العتيبي_)
بيض الله وجهك على مطالبة المنتدى بالتثبيب لهذه النخوه _ والله يجزاك خير
على الدعوات والكلام الطيب يالنشمي
وشرفني مرورك الكريم ويامرحبا فيك تراحيب المطر _ أخوك القسامي511
الله ينقذه من السجن ويرده لبيته سالم معافى بأذن الله
وانشاء الله ان يستجيب دعانا
وهذا اللي نقدر عيله
وبيض الله وجهك يالقسامي511
وهذي مواقف العيال اللي تشرف
وواجبك تجاه أبن عمك
تحياتي ،،،،،
أخوك الرعد المورقي
ونرجو تثبيته وإطلاع الاعضاء
(_ الرعد الروقي _)
بيض الله وجهك على مطالبة المنتدى
بالثبيت لنخوة القبيله هذه لكي يطلع عليها الأعضاء _ وشرفني مرورك الطيب
ويامرحبا فيك تراحيب المطر يالغالي
أخوك _ القسامي511
الله يلعنك يالشيطان والله العظيم من يعرف محمد خالد عن قرب لايمكن أن يتصور في يوم من الأيام أنه سيقدم على القتل ، قمة في الأخلاق والرجولة أنسان لا يعرف الحقد ولا أذى الغير بل إنه يتحمل من أذى الناس الشئ الكثير ويقابل ذلك بالأبتسامه والله العظيم الذي لا اله الا هو أن القاتل والمقتول صديقين حميمين لي أنا شخصياً . رحمك الله رحمة واسعة يا محمد فيحان كان هو الآخر قمة في الأخلاق ولكن قدر الله وما شاء فعل . وأسأل الله جلت قدرته أن يفك أسر محمد خالد وأن يلين قلوب أهل الدم في أن يعفوا عنه لوجه الله تعالي وهم إنشاء الله أهل للعفو والصفح والتسامح ، وهم من أسرة معروفة ولها مواقف مشرفه كثيرة وهم أهل لها بإذن الله تعالى .
وعلى فكرة أنا لا أنتمي إلى قبيلة عتيبه حتى لا يظن البعض أنني قريب له ، والله إنني تفأجأة لما قرأت الموضوع لأنه لم يخطر ببالى أنني سأجد موضوعه هنا وتفاجأة أكثر بل تأثرت عندما قرأت في القصيدة صدور حكم القصاص لأنني كنت أتابع أخباره أولاً بإول وكان آخر خبر عندي قبل ذلك أنه لازالت محاولات طلب العفو قائمة وأن هناك مؤشرات إيجابية في هذا الجانب .
أنا أطلب من الجميع ومن إدارة الموقع الأهتمام بهذا الأمر ووضع موضوعة على الواجهه الرئيسية ومحاولة نقلة إلى وسائل الأعلام كما فعلت الساحة مع قضية بدهان الشمري كما أطلب من الأخوة الأعضاء أن يتفاعلوا مع الموضوع بكل جدية كلاً بجهده وأن ينشروا في المنتديات الأخرى هذا الموضوع .
وأنا بدوري إنشاء الله سأتحدث مع المسؤولين في منتديات قبيلة مطير بما أنني أنتسب إليها لكي نتعاون سوياً في هذا الموضوع ، لأنني صراحة لم تكن على بالي هذه الفكرة فجزاك الله خير الجزاء أخي القسامي 511 .
السلام عليكم ورحمة الله وبركاته
أحبابي الكرام لقد ساهم المنشد حامد
الضبعان من منطقة حائل في إنزال قصيده _ لسجين محمد القسامي _ توجد في أولاده _ خالد _ و _طارق _
في شريطه (_ أطلال _) ومناشدة أهل الدم في نفس الشريط ___!!!
وهذا يدل على شهامة ونخوة هذا المنشد الشهم حامد الضبعان _ فجزا الله حامد الضبعان عنه خير الجزاء في الدنيا والأخره وتقبل منه صالح العمل
الداعي لكم محبكم _القسامي511
(_ أبو بندر الشيباني _)
جزاك الله خيرا" على الدعاء الطيب وتقبل الله منك ومن من دعاء إلى السجين محمد القسامي _ اللهم آمين
أخي ابو بندر قد شرفني مروك الطيب
ويا مرحبا فيك تراحيب المطر
أخوك _ القسامي511
(_ بنك المعلومات _)
حفظك الله ورعاك وجعل الجنة مثواك قل آمين _ الحقيقه يا أخي الفاضل لا أدري ماذا أقول لك مقابل ما ذكرت تجاه محمد القسامي و محمد فيحان _
رحم الله محمد فيحان رحمة" واسعه
فإنك ما ذكرت فيهم إلا صدقا" كانو صديقين حميمين وأكثر من ذالك ولا كن قدر الله وما شاء فعل _
أخي في الله _ بنك المعلومات _ جزاك الله خيرا" على ماقلت في صديقيك محمد خالد و محمد فيحان _ وعلى مطالبة المنتدى بالتثبيت لهذا الموضوع وأن يكون في الرئيسيه _ فأرجو منهم الموافقه على هذه المطالبات للمصلحه
وأتمنى يا أخي أن تعرفني على نفسك عن طريق رسائل الخاص _
فقد عطرت بأطيب الطيب هذا الموضوع بمرورك الكريم _ فزادني شرفا" وسرورا _ ويامرحبا" فيك تراحيب المطر !!! أخوك _ القسامي511
« آخـــر الـــمـــشـــاركــــات »
23-Apr-2007, 07:46 PM
(((_ نداء من سجن الملز بالرياض إلى قبيلة عتيبه الهيلا _)))
العرض العادي
